Gandesa

Gandesa

Bandeira Brasón
Localización
41°03′07″N 0°26′20″L
Estado	España
Comunidade autónoma	Cataluña
Provincia	Provincia de Tarragona
Ámbito funcional territorial	Terres de l'Ebre
Comarca	Terra Alta
Capital de	Terra Alta
Capital	Gandesa
Poboación
Poboación	3.150 (2025) (44,24 hab./km²)
Número de fogares	168 (1553)
Lingua oficial	lingua catalá
Xeografía
Diocese	Diocese de Tortosa
Superficie	71,2 km²
Bañado por	El Canaletes (en)
Altitude	363 m
Punto máis alto	Puig Cavaller (en) (706,2 m)
Comparte fronteira con	Batea El Pinell de Brai Prat de Comte Benissanet Vilalba dels Arcs Corbera d'Ebre Bot
Datos históricos
Evento clave 31 de xullo de 1938 Siege of Gandesa (en)
Organización política
• Alcalde	Carles Luz Muñoz (en) (2019–)
Identificador descritivo
Código postal	43780
Fuso horario	UTC+01:00
Código INE	43064
Código territorial IDESCAT	430640
Sitio web	gandesa.cat

Gandesa é un concello de Cataluña, pertencente á provincia de Tarragona, e é a capital da comarca da Terra Alta, situada no centro desta. Ata 1923 foi distrito electoral (xunto a Tortosa e Roquetes) escollendo un deputado a Cortes.

Como cabeza comarcal é sede do Consello Comarcal e duns xulgados de primeira instancia. Posúe tamén un instituto e unha escola de capacitación agraria.

Demografía

1900	1930	1950	1970	1981	1986	2006
3.767	3.250	3.094	2.807	2.831	2.736	3.090

Economía

Unha actividade económica importante do municipio é a produción vinícola. A localidade é a sede do Consello regulador da denominación de orixe Terra Alta. Tamén se cultivan cereais de secaño, amendoeiras e oliveiras (o aceite da Terra Alta goza do recoñecemento dunha denominación de orixe protexida).

Cabe destacar que hoxe en día perdeu importancia a actividade agrícola, gañando importancia a industria, principalmente a de manipulación de papel e cartón.

Historia

Gandesa foi o escenario de combates das guerras carlistas, durante as cales chegou a ser cercada ata sete veces polo xeneral Ramón Cabrera, e da batalla do Ebro durante a guerra civil española.

Lugares de interese

• Sitio arqueolóxico do Coll do Mouro. Trátase dun asentamernto da tribo ibérica dos ilercavones situado nos arredores da poboación.
• Igrexa da Asunción, con elementos románicos.
• Palacio do Castelán, con elementos arquitectónicos dos ss. XIII e XIV.
• Cooperativa agrícola. De estilo modernista, é unha das mellores obras do arquitecto Cèsar Martinell xunto á cooperativa agrícola de o Pinell de Brai e foi declarada Ben de Interese Cultural na categoría de monumento pola Generalitat de Cataluña.
• Centro de Estudos da Batalla do Ebro.
• A Fontcalda, a 13 km do pobo. É unha paraxe natural de gran beleza, a beiras do río Canaletas.
• Serra de Pandols. Lugar desde onde se pode gozar dunha magnifica vista e contemplar o Monumento á Paz que se construíu para recordar aos combatentes que morreron nestas paraxes durante a Batalla do Ebro da Guerra Civil (1938-1939).

Véxase tamén

Ligazóns externas

• Páxina web do concello Arquivado 30 de agosto de 2012 en Wayback Machine. (en catalán)