Federación Española de Municipios e Provincias

Sede da FEMP, en Madrid.

A Federación Española de Municipios e Provincias (FEMP) é unha asociación española de entidades locais que agrupa concellos, Deputacións provinciais e a deputación foral de Áraba, Consells Insulars e Cabidos insulares.

Constitución

Ficou constituída ó amparo do disposto na Disposición Adicional Quinta da Lei 7/1985, de 2 de abril, Reguladora das Bases de Réxime Local e foi declarada como Asociación de Utilidade Pública mediante acordo de Consello de Ministros o 26 de xuño de 1985.

Sede

Constitúe a sección española do Consello de Municipios e Rexións de Europa (CMRE), e é a sede oficial da Organización Iberoamericana de Cooperación Intermunicipal (OICI).

A súa sede oficial atópase en Madrid.

Consello Federal da FEMP

A composición de membros do Consello Federal da FEMP, consultada a comezos do 2015, é a seguinte:

• Presidente: Abel Caballero, alcalde de Vigo.
• Vicepresidente Primeiro: Cuca Gamarra, alcaldesa de Logroño.
• Vicepresidente Segundo: Aníbal José Vázquez Fernández, alcalde de Mieres, Asturias.

Vogais:

• Carlos Martínez Mínguez, alcalde de Soria
• Mariví Monteserín, alcaldesa de Avilés
• Antonio Rodríguez Osuna, alcalde de Mérida
• Gabriel Cruz, alcalde de Huelva
• María Concepción Brito Núñez, alcaldesa de Candelaria, Santa Cruz de Tenerife
• Mikel Serrano Aperribay, alcalde Zumarraga, Guipúscoa.
• Pilar Zamora, alcaldesa de Cidade Real
• Juan Jesús Ros Piles, alcalde de Torrente (Valencia)
• Javier García Ibáñez, alcalde de Arnedo (A Rioxa)
• Xavier Amor Martín, alcalde de Pineda de Mar, Barcelona
• Mercè Conesa Pagès, presidenta Deputación de Barcelona
• Gema Igual Ortiz, alcaldesa de Santander
• José Ballesta Germán, alcalde de Murcia
• Antonio Román Jasanada, alcalde de Guadalajara
• José Manuel Baltar Blanco, presidente da Deputación de Ourense
• Francisco Vázquez Requero, presidente da Deputación de Segovia
• Elías Bendodo Benasayag, presidente da Deputación de Málaga
• Javier Moliner Gargallo, presidente da Deputación de Castellón
• Francisco Javier Fragoso Martínez, alcalde de Badaxoz
• David Pérez García, alcalde de Alcorcón, Comunidade de Madrid
• Emma Buj Sánchez, alcaldesa de Teruel

Presidencia

Dous alcaldes galegos do PSOE presidiron a FEMP en distintos momentos ao longo da súa historia: Francisco Vázquez, daquela alcalde da Coruña, presidiuna entre 1991 e 1995 e de novo entre 2003 e 2006; Abel Caballero, na altura alcalde de Vigo, presidiuna entre 2015 e 2023. Na actualidade (setembro de 2023) está pendente de escolla o novo presidente.

Véxase tamén

Outros artigos

• Federación Galega de Municipios e Provincias

Ligazóns externas

• FEMP.es