Eugen Coșeriu

Eugen Coșeriu

Biografía
Nacemento	27 de xullo de 1921 Mihăileni, Moldova (pt)
Morte	7 de setembro de 2002 (81 anos) Tubinga, Alemaña
Educación	Universidade de Iași Universidade de Roma La Sapienza Universidade de Milán
Actividade
Campo de traballo	Filoloxía eslava, Filoloxía románica e filosofía da linguaxe
Ocupación	lingüista, romanista, profesor universitario, filólogo, filósofo da linguaxe
Empregador	Universidade de Tubinga
Membro de	Academia de Ciências de Heidelberg (pt) (ordinary member (en) ) (1977–) Academia Romena (pt) Academia de Ciencias de Baviera
Profesores	Giovanni Maver (pt)
Alumnos	Adolfo Elizaincín (pt)
Influencias	Antonino Pagliaro
Premios
(2003)  honorary doctorate of the University of Las Palmas, Gran Canaria (en) (2001)  Knight of the Order of the Star of Romania (en) (16 de maio de 2000)  honorary doctor of the Valahia University of Târgoviște (en) (1999)  Gran Cruz de Afonso X o Sabio (1994)  doutor honoris causa pola Universidade de Salamanca (1993)  doutor honoris causa pola Universidade de Vigo (1991)  Doutor honoris causa pola Universidade Complutense de Madrid  doutor honoris causa pola Universidade de Padua  honorary doctorate of the Autonomous University of Madrid (en)  Order of the Republic (en)
Descrito pola fonte	Grande Enciclopedia Soviética 1969-1978, (sec:Косерю Эухенио)
Páxina web	coseriu.de

Eugen Coșeriu ou Eugenio Coseriu, nado en Mihăileni (na actualidade pertencente a Moldova) o 27 de xullo de 1921 e finado en Tubinga (Alemaña) o 7 de setembro de 2002, foi un lingüista alemán de orixe romanesa. A súa contribución á historia da lingüística e revisión e interpretación de moitos conceptos tradicionais foi fundamental. É autor dunha importante obra teórica que afondou en moitos aspectos da linguaxe.

Doutor en filosofía e filoloxía, filólogo romanista. Cualificado por Mircea Borcilă (Universidade de Cluj) como:

O máis lúcido expoñente da cultura romanesa no plano universal do coñecemento humano.

Traxectoria

De gran formación filosófica, histórica, lingüística e clasicista, en 1940 e xa iniciados os seus estudos universitarios, Coseriu trasladouse a Roma, onde os terminou; once anos despois e ata 1958 foi profesor na Universidade de Montevideo e, dende 1963 ata a súa morte, foino na de Tubinga (Alemaña). Na súa dilatada carreira publicou moitos estudos e artigos, algúns deles recompilados en obras como Teoría del lenguaje y lingüística general ou Tradición y novedad en la ciencia del lenguaje. A súa obra é moi extensa e orixinal, aínda que nunca chegou a publicar un manifesto ou manual que sistematizase o seu pensamento e presentase a súa teoría lingüística como unha unidade; porén, si que se interesou pola sistematización do léxico e o ámbito da creatividade lingüística.
Coseriu figura tamén entre os filósofos que se aproximaron á linguaxe dende a lóxica, tratando de delimitar o que hai de particular, xeral e universal na mesma; ambición que empeza incluso con Aristóteles, pero que se materializa na lingüística contemporánea con Humboldt, Saussure e os lingüistas posteriores a eles.

Obra

• Sincronía, diacronía e historia. El problema del cambio lingüístico (1958).
• Teoría del lenguaje y lingüística general (1962).
• Sprache, Strukturen und Funktionen (A fala, estruturas e funcións, 1970).
• Tradición y novedad en la ciencia del lenguaje (1977).
• Principios de semántica estructural (1977).
• Estudos de lingüística románica (1977).
• Der Mensch und seine Sprache.
• Lecciones de lingüística general (1977).
• Gramática, semántica, universales. (1978).
• Textlinguistik. Eine Einführung (1980).
• Competencia lingüística (1992).
• Política, lengua y nación (publicado en 1995 xunto cos lingüistas españois Manuel Alvar e Fernando Lázaro Carreter).

Véxase tamén

Bibliografía

• "Eugenio Coseriu". Enciclopedia Microsoft Encarta (DVD) (en castelán). Microsoft Corporation. 2009. 

Ligazóns externas

• Coseriu Arquivos da Universidade de Tübingen (en alemán)