Lamela (micoloxía)

Para outras páxinas con títulos homónimos véxase: Lamela.

Láminas de Russula emetica.

En micoloxía, as lamelas, (do latín lamella), son as estruturas laminares existentes baixo o chapeu dalgúns cogomelos, cuxa función é actuar como himenóforos no corpo frutífero do fungo. Ë a estrutura máis frecuente, mais non exclusiva, nos agáricos (cogorda). Conforme se van estudado con máis detalle, téñense descuberto máis especies de fungos que exhiben himenios a xeito de láminas, ao tempo que se olla que non todos os membros da orde Agaricales as levan. Non está claro se este é un caso de evolución converxente (é dicir, se as estruturas con láminas evoluíron afastadas) ou conxunta.

Outros grupos de cogomelos con lamelas son:

• Xéneros Russula e Lactarius da orde Russulales.
• Varios xéneros na orde Boletales, incluíndo Paxillus, Gomphidius Chroogomphus, Tapinella atrotomentosa, Hygrophoropsis aurantiaca.

Morfoloxía

Morfoloxicamente, as lamelas poden clasificarse en diferentes tipos, segundo a forma na que se unen co esteo:

• 
  Ceibas
• 
  Adnexas
• 
  Ligadas ou adnatas
• 
  Decorrentes
• 
  Subdecorrentes
• 
  Escotadas
• 
  Afastadas
• 
  Sinuosas

Segundo a forma na que se distribúen so a superficie do chapeu, as lamelas poden definirse coma:

• 
  bifurcadas
• 
  ramificadas
• 
  anastomosadas
• 
  con lamelas parciais
• 
  apertadas
• 
  afastadas

Ollar a súa forma, a súa cor, o seu espazado ou como se unen ao esteo axuda á identificación do exemplar. A súa cor pode ser orientativa da cor das esporas do fungo.

Véxase tamén

Ligazóns externas

• IMA Mycological Glossary: Gill