Cemiterio de Montjuïc: Diferenzas entre revisións
Sen resumo de edición |
m Breogan2008 moveu a páxina "Camposanto de Montjuïc" a "Cemiterio de Montjuïc" |
(Sen diferenzas.)
|
Revisión como estaba o 1 de novembro de 2016 ás 19:30
Coordenadas: 41°21′02″N 02°09′16″L / 41.35056, -2.15444
O camposanto de Montjuïc (Cementiri de Montjuïc en catalán) é o maior do termo municipal de Barcelona, e ocupa a práctica totalidade da ladeira sur da montaña de Montjuïc.
O camposanto foi inaugurado en marzo de 1883. Esta obra foi posible debido á expansión demográfica unida á forza económica da burguesía barcelonesa. Este grande espazo viu suplir o problema que se suscitaba na cidade coa falta do mesmo nos pequenos camposantos de barrio repartidos pola cidade, que por unha parte xa non podían crecer debido á presión urbanística dos seus arredores, e que ademais agotaran xa a súa capacidade de inhumación. Camposantos históricos como os de Poblenou, Horta, Sant Gervasi, Les Corts, Sant Andreu, foran quedándose pequenos para a cidade, e Montjuïc era a solución momentánea a este problema. Posteriormente pasaría o mesmo co novo camposanto, pois a cidade seguía crecendo demograficamente e o espazo libre íase acabando. Houbo que abrir un novo camposanto fóra do termo municipal de Barcelona, que tivese un uso como camposanto metropolitano. Así naceu o Camposanto de Collserola, no termo de Cerdanyola del Vallès.
Hai unha placa conmemorativa facendo referencia ó día 17 de marzo de 1883, cando foi bendicido o recinto católico. Do deseño do camposanto encargouse o arquitecto municipal Leandre Albareda. O eclecticismo é o trazo arquitectónico máis característico neste camposanto: un eclecticismo mimético, por unha parte, combinado co carácter innovador que dará paso ó modernismo.
Personaxes ilustres
- Àngel Guimerà (1845-1924), escritor
- Santiago Rusiñol (1861-1931), pintor e escritor
- Isaac Albéniz (1860-1909), músico
- Joan Miró (1893-1983), pintor
- Ramon Casas (1866-1932), pintor
- Frederic Mompou (1893-1987), músico
- Apel.les Mestres (1854-1936), escritor, debuxante e músico
- Joan Salvat Papasseit (1894-1924), escritor
- Josep Maria de Sagarra (1894-1961), escritor
- Josep Carner (1884-1970), escritor
- Montserrat Roig (1946-1991), escritora
- Ricardo Zamora (1901-1978), futbolista
- Joaquín Blume (1933-1959), ximnasta
- Ildefons Cerdà (1815.1876), arquitecto e urbanista
- Salvador Puig Antich (1948-1974), mozo anarquista asasinado pola ditadura franquista.
- Buenaventura Durruti (1896-1936), anarcosindicalista
- Ángel Pestaña (1886-1937), anarcosindicalista
- Lluís Companys (1882-1940), Presidente da Generalitat de Cataluña asasinado pola ditadura franquista.
- Francesc Macià (1859-1933), Presidente da Generalitat de Cataluña
- Francesc Cambó (1876-1947), político
- Enric Prat de la Riba (1870-1917), político
- Josep Maria de Porcioles (1904-1993), alcalde de Barcelona
- Francesc Ferrer i Guàrdia (1859-1909), pedagogo
- Francisco Ascaso (1901-1936), anarcosindicalista
- Salvador Seguí (1887-1923), anarcosindicalista
Véxase tamén
A Galipedia ten un portal sobre: Barcelona |
Wikimedia Commons ten máis contidos multimedia na categoría: Cemiterio de Montjuïc |