Ekaterina Gordeeva

Na Galipedia, a Wikipedia en galego.

.

Ekaterina Gordeeva
Ekaterina Gordeeva Mar 2007.jpg
Nacemento 28 de maio de 1971
  Moscova
Nacionalidade Unión Soviética e Rusia
Ocupación patinadora artística sobre xeo e Locutor esportivo
Cónxuxe Sergei Grinkov
Premios Order of Friendship of Peoples, Order for Personal Courage e Honored Master of Sports of the USSR
editar datos en Wikidata ]
Gordeeva e Grinkov nun cartel de Azerbaixán en 1998.

Ekaterina "Katia" Alexandrovna Gordeeva (Екатерина Александровна Гордеева), nada en Moscova o 26 de maio de 1971, é unha patinadora artística rusa. Xunto co seu compañeiro e defunto esposo Sergei Grinkov, foi campioa dos Xogos Olímpicos de Inverno de 1988 e 1994 e catro veces campioa no Campionato Mundial de Patinaxe Artística en patinaxe por parellas. Despois da morte do seu marido, continuou actuando como patinadora individual.

Traxectoria[editar | editar a fonte]

Filla de Elena Lvovna Gordeeva, unha operadora de teletipo da TASS, e Alexander Alexeyevich Gordeev, un bailarín da Alexandrov Song and Dance Ensemble[1]. Gordeeva dixo, "Meu pai traballou comigo nun movemento cando eu era pequena"[1]. Ten unha irmá pequena, María Alexandrovna Gordeeva nada en 1975, quen vivía en Moscova[2][3]. Gordeeva comezou a patinar con catro anos, con patíns de tallas demasiado grandes, poñendo moitos pares de calcetíns porque non se atopaban patíns para os seus pequenos pés na Unión Soviética[4].

Carreira en parella[editar | editar a fonte]

na Escola de Deportes do CSKA Moscova.[5] Non era unha saltadora especialmente forte, e en agosto de 1981,[6] o adestrador Vladimir Zaharov uniu a Gordeeva, de 10 anos. con Sergei Grinkov, de 14. Porque Grinkov ao practicar, frecuentemente, perdiase, o adestrador, finalmente, insistiu en que Gordeeva formase parella con outra persoa pero ela negábase. No seu lugar, a parella cambiou de adestrador.[7]

Gañaron o Campionato Mundial Júnior de Patinaxe Artística de 1985, en Colorado Springs. Ó ano seguinte gañaron o primeiro dos seus catro Campionatos Mundiais de Patinaxe Artística. Son unha dos poucas parellas en gañar ambos os dous títulos de campións Júnior e Sénior. Defenderon, con éxito, o seu título mundial en 1987 e gañaron o ouro nos Xogos Olímpicos de Inverno de 1988 en Calgary (Canadá),[8] a pesar dun desagradable accidente. En novembro de 1987, Grinkov caeu coa coitela dos seus patíns sobre a fronte de Gordeeva durante unha sesión de adestramento.[9] Foi hospitalizada durante un tempo, pero aínda foron capaces de competir, e gañar, nas Olimpíadas, que se iniciaron en febreiro.[10] Seguen sendo a parella máis nova en gañar o ouro olímpico. Despois dunha caída no seu programa longo, levaron a prata no Campionato do Mundo de 1988, pero gañaron o título en 1989 e 1990. Convertéronse en profesionais no outono de 1990, gañando o seu primeiro Campionato Mundial Profesional en 1991. Tamén gañaron o título en 1992 e 1994.

Gordeeva e Grinkov gañaron case todas as competicións nas que entraron. Nas 31 competicións dos que se coñecen os resultados nos niveis sénior e profesional, quedaron primeiros 24 veces, e nunca inferior ao segundo posto dende a vez que gañaron o seu primeiro título sénior do mundo. Son unha das poucas parellas da historia que superaron con éxito un xiro cuádruplo nunha competición internacional.[11] Lograron sen problemas un elemento de dificultade no Campionato do Mundo de 1987. Tamén completaron o elemento no Campionato Europeo en 1987. pero debido a un problema co arranque de Grinkov e un malentendido sobre as regras (o árbitro sinalara que parasen, indo tan lonxe como parar a súa música pero eles continuaron patinando), foron descualificados deste evento.[11] Deixaron de realizar o cuadruple xiro porque non melloraba significativamente as súas marcas, facendo innecesario o estrés físico engadido.

En 1989 comezaron como parella sentimental, e casaron en abril de 1991. A súa voda civil foi o 20 de abril, e a relixiosa foio 28 de abril. Desde novembro de 1991 ata abril de 1992, viaxaron con Stars on Ice por primeira vez. O 11 de setembro de 1992, súa filla, Daria Sergeyevna Grinkova, naceu en Morristown (Nova Jersey). Pouco despois do nacemento de Daria, Gordeeva reanudouse a nova formación para a nova tempada de Stars on Ice, que se estrenou no novembro de 1992 e continuou ata o seguinte mes de abril.

Cando unha nova regra ISU permitiu aos patinadores profesionais recuperar a súa elexibilidade olimpica, a parella decidiu regresar as competicións de afeccionados durante a tempada de 1993-94 e patinar nas Olimpadas. En 1994 a parella gañou a súa segunda medalla de ouro olímpica en Noruega.[8] Decote son chamados como "G&G".[12] Eran coñecidos pola calidade da súa técnica no patinaxe básico: "Grinkov e Gordeeva tiñan algo especial que era máis fácil de apreciar en persoa. Non facían ruído cando patinaban. Movíanse con tanta fluidez que as follas dos seus patíns susurraban sobre o xeo en lugar de rascarse nel."[13]

Despois das Olimpíadas, a parella regresou ao patinaxe profesional e mudouse a Simsbury (Connecticut). Durante a tempada de 1994-1995 viaxaron con Stars on Ice, esta vez como cabezas de cartel. Este ano Gordeeva foi nomeada unha das "50 persoas máis fermosas" pola revista People.[14] Ese verán, Gordeeva e Grinkov foron escollidos para a introdución do Mundial de Patinaxe Artístico, Mundial da Fama e planearon volver a Starts on Ice para a súa cuarta tempada co tour.

O 20 de novembro de 1995, Sergei Grinkov derrumbouse sobre o xeo e morreu aos 28 anos por un ataque ao corazón.[15] A parella estaba no xeo en Lake Placid (Nova York) ensaiando para a noite do estreo da próxima xira. Máis tarde os médicos descubriron que Grinkov tiña unha enfermidade conxénita no corazón a que lle causou a morte.[8]

Carreira en solitario[editar | editar a fonte]

En febreiro de 1996, Gordeeva volveu ao xeo, esta vez como patinadora solista.[16] A súa actuación en solitario foi un tributo ao seu falecido marido,[8] patinando á 'Adagietto' sección da Sinfonía 5 de Gustav Mahler. O número levouse a cabo solamente dúas veces, primeiro nun preestreno nun club de patinaxe en Ontario, Canadá, e despois o 27 de febreiro de 1996, en un tributo televisivo a Grinkov, chamado "Celebración dunha Vida",[17] no que numerosas estreñas de patinaxe formaron parte. Gordeeva dixo que se sentía como se patinase con Sergei aquela noite, que era "dobremente forte" porque o sentía con ela..[7] Ese mesmo ano ca axuda do autor E. M. Swift, contou a súa historia nun libro titulado Мy Sergei (en galego Meu Sergei).[4] En febreiro de 1998, a CBS emitíu un docudrama do mesmo nome baseado no libro. Ela publicou un segundo libro en abril de 1998, titulado A Letter for Daria. En 1998 díxolle a un entrevistador que "A miña vida de bo patinaxe, e patinar con el, acabouse... Agora non intentarei ir ás Olimpadas. Tomo o patinaxe por un traballo."[18]

Gordeeva regresou a Stars on Ice como patinadora en solitario e estivo de xira co espectáculo todos os anos ata 2000, cando se tomou un tempo para dar a luz a súa segunda filla en xuño de 2001. Regresou á xira como estrela invitada en varias ocasións, pero nunca volveu a tempo completo. Ademais de excursións e expectáculos, Gordeeva competiu con éxito como unha patinadora en solitario profesional, terminando tan alto como o segundo lugar no Campionato Profesional do Mundo (en 1997). Parou de competir no 200, pero continua patinando en xiras profesionais de patinaxe, espectáculos e concursos. Aínda que nunca volveu a patinar en parella de maneira profesional, presentouse en parella en numerosos espectáculos con patinadores entre os que se inclúen Artur Dmitriev, Anton Sikharulidze, David Pelletier, e John Zimmerman. Para a tempada de 1998–99 con Stars on Ice, ela e os seus compañeiros rusos Ilia Kulik, Elena Bechke, e Denis Petrov formaron un cuarteto que mostrou as súas habilidades en parella, en 1999–2000, ela e Kulik formaron un dueto romántico durante a xira. Tamén regresou cunha parella de patinaxe durante a tempda de 2008-2009, cando participou nun reality show de televisión chamado "Ice Age 2", unha versión de patinaxe artístico de Dancing with the stars. Fixo parella co actr ruso Egor Beroev, e xuntos gañaron o espectáculo.

Ekaterina Gordeeva firmou varios contratos de patrinación, o máis importate dos cales foi con Target e deu lugar a dous perfumes ("Katia" e "Katia Sport") que se venden a través de tendas Target.[19] Gordeeva e a súa filla, Daria, apareceron na película ddo verán de 1997 chamada "Snowden on Ice" e Gordeeva apareceu na secuela de 1998, "Snowden's Raggedy Ann and Andy Holiday Show". Representou Rolex e tamén apareceu coa súa filla Daria no anuncio "Got Milk?" .[20]

En 2001, foi obxecto de Lenox unha estatuiña chamada Katia's Celebration of Life[21], que representaba a realización dun xiro inclinado cara atrás no tributo que lle fixo a Grinkov.[22] Tamén apareceu no 2003 en Sports Illustrated Swimsuit Issue como unha atleta destacada.[23] En 2003, apareceu no xeo por primeira vez con Daria. A parella realizou un dúo durante o espectáculo do Día da Nai e volveron xuntas ao xeo en varias ocasións dende entón, incluíndo dúas versións diferentes de "Children off the World" de Amy Grant no espectáculo Family & Friends de Kristi Yamaguchi en 2005 e 2006. Durante este espectáculo en 2007, o dúo nai-filla converteuse nun trío cando se lles uniu a filla menor de Gordeeva, Lizza, e as tres patinaron xuntas con "Homesick" interpretada en directo por The Cheetah Girls. Daria renunciou ó patinaxe artístico en 2007.[15]

En 2007, Ekaterina Gordeeva protagonizou Skate for the Heart,[24] un espectáculo para crear conciencia sobre as enfermidades do corazón. Patinou en honor a Sergei. En 2008, voou aos Estados Unidos dende Rusia durante a gravación de "Ice Age 2" co fin de protagonizar Skate for the Heart por segunda vez. Esta vez dedicou o número pola memoria do seu pai, Alexander Gordeev, quen morreu dun ataque cardíaco en 2008. Ademais do seu patinaxe, Gordeeva atreveuse co adestramento e a coreografía.[15]

En 2010 Gordeeva competiu co xogador de hockey Valeri Bure no programa de patinaxe artístico Battle of the Blades[25]. O 22 de novembro de 2010, finalmente ela e Bure gañaron a competición.[26] Gordeeva reincorporouse a Stars on Ice en novembro de 2010, para o 25 aniversario da xira.

Vida persoal[editar | editar a fonte]

O 15 de xuño de 2001, Gordeeva deu a luz a súa segunda filla, Elizaveta Ilinichna Kulik (tamén chamada Lizza, un diminutivo ruso do nome Elizaveta, pronunciado LEE-za), cuxo pai é o medallista de ouro dos whose father is Xogos Olímpicos de Inverno de 1998, Ilia Kulik.[2][27] Gordeeva e Kulik casáron nunha cerimonia privada en San Francisco o 10 de xuño de 2002.[28]

Residían en California, varios anos antes de mudarse a Avon (Connecticut) en 2003.[29] A familia regresou aos Ánxeles en 2007 e actualmente reside en Newport Beach (California). Gordeeva, Kulik, Daria e Elizaveta fixeron a súa primeira aparición en televisión como familia para Kristi Yamaguchi's Friends & Family en 2005, e repetiron a súa aparición nas versións do espectáculo de 2006 e 2007.[16] Ela e a súa familia falan en ruso na casa, e viaxan frecuentamente a Rusia.[15][30]

En 2012, Kulik e Gordeeva abriron unha pista de patinaxe en Lake Forest (California).[31]

Obra[editar | editar a fonte]

  • My Sergei

My Sergei, escrito por Ekaterina Gordeevawritten by Ekaterina Gordeeva ca axuda do escritor E. M. Swift e publicado en 1996, conta a historia dunha das parellas de patinaxe artístico máis recoñecidas.

A historia de seus anos xuntos encabezou a lista de máis vendidos de Nova York [32] e inclue moitas fotografías en branco e negro e en color da colección persoal de Gordeeva e Grinkov e fotos publicitarias das súas xiras, como as de Estrelas no Xeo. Tamén se fixo unha versión cinematográfica de "My Sergei". Protagonizada polo dúo ruso de patinaxe Elena Berezhnaya e Anton Sikhuralidze, que incluíu entrevistas con familiares e aigos, e secuencias de patinaxe.[33][34]

O libro infantil A Letter for Daria foi escrito pola patinadora Ekaterina Gordeeva para a sñúa filla (e do patinador ruso Sergei Grinkov), Daria Sergeievna Grinkova.

Trátase dunha autobiografía de nai a filla sobre recordos da infancia, patinaxe, diferenzas entre a cultura rusa e anericana, e a importancia da familia. Este libro inclúe varias imaxes da colección persoal de Ekaterina Gordeeva.

Notas[editar | editar a fonte]

  1. 1,0 1,1 Swift, E.M. (1988-02-29). "1988 Flashback: A Magical Twosome". Sports Illustrated. Arquivado dende o orixinal o 2011-07-22. 
  2. 2,0 2,1 "Ekaterina Gordeeva and Sergei Grinkov, Biography" (en ruso). gordeeva.com. Consultado o 2008-11-30. 
  3. Voznesyuh, Dmitriy. "Ekaterina Gordeeva vai pasar as súas vacacións en Moscova" (en ruso). Sportcom. Arquivado dende o orixinal o 2007-09-13. Consultado o 2008-01-28. 
  4. 4,0 4,1 "Love of her life". People. March 25, 1996. Consultado o 2007-11-12. 
  5. Tatiana Tarasov and students (en ruso).
  6. Yu, Sylvia. "Marina's Muse." Grace & Gold Newsletter: The Official Publication of the Gordeeva & Grinkov Fan Club. Winter 1999. pp. 1&4.
  7. 7,0 7,1 "Love on Ice". AMI Specials. April 11, 2000. Consultado o 2007-11-12. 
  8. 8,0 8,1 8,2 8,3 "Then & Now: Ekaterina Gordeeva". CNN. June 22, 2005. Consultado o 2007-11-12. 
  9. Gordeeva, Ekaterina. My Sergei: A Love Story. Warner Books Inc., 1996. ISBN 0-446-52087-X.
  10. Dadygeen S. (1988). "A secret of success" (en ruso). Soviet Sports. Consultado o 2008-12-07. 
  11. 11,0 11,1 Sheluhin A. (1988-02-28). "Ekaterina's Smile" (en ruso). Soviet Sports. Consultado o 2008-12-07. 
  12. Kantrowitz, Barbara (December 11, 1995). "Beyond the Tears". People (magazine). Consultado o 2007-11-12. 
  13. Knapp, Gwen (February 25, 2006). "A golden princess: Quiet deserving winner". San Francisco Chronicle. Consultado o August 21, 2010. 
  14. "Ekaterina Gordeeva". People (magazine). May 4, 1994. Consultado o 2007-11-12. 
  15. 15,0 15,1 15,2 15,3 Korobatov, Yaroslav (2007-11-01). "Двукратная олимпийская чемпионка Екатерина ГОРДЕЕВА: Мы не хотели афишировать в прессе роман с Ильей Куликом" [Ilia Kulik máis eu non quixemos publicita-lo noso romance]. Komsomolskaja Pravda (en ruso). Consultado o 2008-01-28. 
  16. 16,0 16,1 Vaytsekhovskaya, Elena (2003-10-14). "ФИГУРНОЕ КАТАНИЕ Екатерина ГОРДЕЕВА" [Entrevista con Ekaterina Gordeeva]. Sport Express (en ruso). Consultado o 2008-11-30. 
  17. "Right on Target". International Figure Skating. July/August 1996. Consultado o 2007-11-12. 
  18. Lopez, Steve (January 26, 1998). "Life After The Glory". Time (magazine). Consultado o 2007-11-12. 
  19. "Right on Target". International Figure Skating. March/April 2000. Consultado o 2007-11-12. 
  20. Milk, Got. (2005-06-24) Grinkova Gordeeva | Flickr – Photo Sharing!. Flickr. Retrieved on 2011-11-02.
  21. "Lenox Ice Skater Figurine 'Katia's Celebration of Life'". EBTH (en inglés). Consultado o 2018-04-30. 
  22. "Seen and Heard". International Figure Skating. October 2002. Consultado o 2007-11-12. 
  23. SI.com – Swimsuit Collection – Ekaterina Gordeeva. Sportsillustrated.cnn.com. Retrieved on 2011-11-02.
  24. "2007 Skate For The Heart - Ekaterina Gordeeva - Celtic Woman". You tube. 2012-01-28. Consultado o 2018-04-30. 
  25. "Russian skaters Ekaterina Gordeeva and Valeri Bure break 'Battle of the Blades' trophy". You Tube. 2010-11-28. Consultado o 2018-04-30. 
  26. Smith, Beverley (September 8, 2010). "Gordeeva crosses skate paths with Bure again". The Globe and Mail (Toronto). Consultado o September 14, 2010. 
  27. "Ekaterina Gordeeva: I don't want to lose ties with my homeland" (en ruso). sports.ru. Consultado o 2008-01-28. 
  28. "Ekaterina Gordeeva". People. January 13, 2003. Consultado o 2007-11-12. 
  29. "Balancing Act". International Figure Skating. January/February 2004. Consultado o 2007-11-12. 
  30. "Interview with Ekaterina Gordeeva" (en ruso). sports.ru. Consultado o 2008-01-28. 
  31. Elfman, Lois (September 13, 2012). "Figure skating only at Kulik, Gordeeva's new rink". Ice Network. 
  32. "BEST SELLERS: December 22, 1996". The New York Times. 1996-12-22. 
  33. Sandomir, Richard (1998-01-09). "TV SPORTS; CBS Use of Gordeyeva Goes Way Beyond Ice". The New York Times. 
  34. James, Caryn (1998-05-10). "TELEVISION; Using the Art of Fiction to Enliven Truth". The New York Times. 

Véxase tamén[editar | editar a fonte]

Bibliografía[editar | editar a fonte]

  • Gordeeva, Ekaterina con E.M. Swift. (1996). My Sergei: A Love Story. Warner Books Inc. ISBN 0-446-52087-X.
  • Brennan, Christine . (21 de novembro, 1995). "Olimpic Skater Gikov dies at 28". The Washington Post.[1]
  • Gordeeva, Ekaterina. A Letter for Daria. Little Brown & Co., 1998. ISBN 0-316-32994-0.

Ligazóns externas[editar | editar a fonte]

  1. Brennan, Christine (1995-11-21). "OLYMPIC SKATER GRINKOV DIES AT 28". Washington Post (en inglés). ISSN 0190-8286. Consultado o 2018-04-30.