Saltar ao contido

David Mitogo

Na Galipedia, a Wikipedia en galego.
Infotaula de personaDavid Mitogo
Biografía
Nacemento(es) David Edú García Mitogo Editar o valor em Wikidata
18 de maio de 1990 Editar o valor em Wikidata
Bata (Guinea Ecuatorial) Editar o valor em Wikidata
Desapariciónc. P746
Morte11 de maio de 2023 Editar o valor em Wikidata (32 anos)
río Miño Editar o valor em Wikidata
Datos persoais
País de nacionalidadeGuinea Ecuatorial
España Editar o valor em Wikidata
Altura1,75 m Editar o valor em Wikidata
Peso69 kg Editar o valor em Wikidata
Actividade
Ocupaciónfutbolista Editar o valor em Wikidata
Período de actividade2008 Editar o valor em Wikidata -
LinguaLingua castelá e lingua fang Editar o valor em Wikidata
Nacionalidade deportivaGuinea Ecuatorial Editar o valor em Wikidata
Deportefútbol Editar o valor em Wikidata
Posición de xogoDianteiro Editar o valor em Wikidata
Traxectoria
  Equipo enllaç= enllaç=
2008-2012 SD Ponferradina B (en) Traducir (dianteiro)78(14)
2009-2009 Sociedad Deportiva Ponferradina 7(1)
2012-2013 Club Deportivo Teruel 31(4)
2013-2013 Club Atlético Bembibre 16(9)
2014-2014 Vittoriosa Stars Football Club (pt) Traducir 12(2)
2015-2016 Centro de Deportes Barco (dianteiro)31(10)
2015-2015 Club Atlético Bembibre 3(0)
2020-2021 Club Deportivo As Pontes (dianteiro)31(11)
2020-2020 Unión Deportiva Somozas (dianteiro)4(0)
2021-2021 Sociedade Deportiva Sarriana (dianteiro)12(3)
2021-2023 Atlético Arnoia (dianteiro)36(13) Editar o valor em Wikidata
  Selección nacional enllaç= enllaç=
2010-2016   Guinea Ecuatorial (dianteiro)6(0) Editar o valor em Wikidata
Facebook: 1253324899 Twitter: Mitogo7 Instagram: davidmitogo FIFA: 356876 Editar o valor em Wikidata

David Edú García Mitogo, nado en Bata o 18 de maio de 1990 e finado o 11 de maio de 2023 no cruzamento entre os ríos Avia e Miño[1][2], foi un futbolista ecuatoguineano que xogaba como dianteiro. Desenvolveu a maior parte da súa carreira deportiva entre o Bierzo e Galicia e foi internacional coa selección de Guinea Ecuatorial.

Traxectoria

[editar | editar a fonte]

Naceu na cidade ecuatoguineana de Bata, sendo fillo dun español e unha ecuatoguineana da etnia fang,[3] e aos tres anos instalouse coa súa familia en Vilafranca do Bierzo. Comezou a xogar ao fútbol co CD La Morenica de La Bañeza, e xogou unha tempada no equipo cadete da Ponferradina, antes de regresar ao La Morenica.[3] Aos 16 anos volveu á Ponferradina e un ano despois debutou co filial na Terceira División.[4]

O 20 de setembro de 2009, con 19 anos, produciuse a súa estrea co primeiro equipo da Ponferradina, nun partido da Segunda División B ante o Eibar, no que marcou ademais o seu primeiro gol, que serviu para colocar ao seu equipo líder.[5] Disputou outros seis encontros coa primeira escuadra nesa tempada, na que o conxunto berciano logrou o ascenso á Segunda División.

O 24 de outubro de 2010, xogando coa Ponferradina B ante o CD Huracán Z, sufriu unha rotura do ligamento cruzado anterior do xeonllo esquerdo, polo que estivo seis meses de baixa, e non volveu vestir a camiseta do primeiro equipo. Na tempada 2012/13 xogou no Teruel, tamén de Segunda B, co que acabou descendendo a Terceira. En 2013 regresou ao Bierzo fichando polo Atlético Bembibre. Tras unha breve experiencia no fútbol maltés, vestindo a camisola do Vittoriosa Stars de Birgu, e de xogar de novo no Atlético Bembibre, recalou en 2015 en Galicia, onde xogou durante os seguintes anos, coa única excepción duns meses no Unionistas de Salamanca.[6] Así, militou no Barco, no Compostela, no Arenteiro, no Somozas, no As Pontes e no Atlético Arnoia, no que xogaba no momento da súa desaparición.[7]

Selección nacional

[editar | editar a fonte]

En abril de 2010 foi convocado pola selección sub-20 de Guinea Ecuatorial para o un partido contra Gabón correspondente á clasificación para o Campionato Africano Xuvenil de 2011. Marcou o gol ecuatoguineano, nun encontro que acabou en empate (1-1).

A finais de xullo de 2010 recibiu a súa primeira convocatoria para a selección absoluta de Guinea Ecuatorial, coa que debutou nun amigable ante Marrocos o 11 de agosto no estadio Mohammed V de Rabat. Entrou como substituto de Juan Mbela no minuto 67 pero non puido evitar a derrota do seu equipo (2-1).[8] Nos seis anos seguintes disputou outros cinco partidos coa selección.

Desaparición

[editar | editar a fonte]

Desapareceu o 12 de maio de 2023, despois de enviar varias mensaxes de despedida ás súas amizades que fixeron pensar nun posible suicidio.[9][10] Saíu da casa dun amigo de madrugada, foi a un bar na Arnoia e despois desapareceu. O seu teléfono móbil apareceu na ponte que une A Arnoia e Ribadavia, e as autoridades iniciaron unha busca de varios días no río Miño.[7] O 23 de maio, 11 días despois da súa desaparición, o seu corpo foi finalmente localizado sen vida na gallada onde se xuntan as augas do Avia coas do Miño[11], máis próximo do lugar da Barca, na ribeira sur[12], a uns 250 metros de onde se presume que se botou ao río.

Notas

[editar | editar a fonte]
  1. ↑ "Buscan a Mitogo, exfutbolista de la Ponferradina y Unionistas de Salamanca, en el río Miño". As (en castelán). 12 de maio de 2023. Consultado o 20 de maio de 2023. 
  2. ↑ "Máxima preocupación por el futbolista David Mitogo, que se encuentra desaparecido" (en castelán). 11 de maio de 2023. Consultado o 20 de maio de 2023. 
  3. ↑ 3,0 3,1 "De Guinea Ecuatorial a Villafrancadel Bierzo" (en castelán). 22 de setembro de 2009. Consultado o 20 de maio de 2023. 
  4. ↑ "El GCE Villaralbo manda en su debut en la liga y golea a la Ponferradina B". El Norte de Castilla (en castelán). 2008-09-14. Consultado o 2023-11-08. 
  5. ↑ "Mitogo pone líder a la Ponferradina" (en castelán). 20 de setembro de 2009. Consultado o 20 de maio de 2023. 
  6. ↑ "Unionistas CF refuerza su delantera con el ecuatoguineano David Mitogo" (en castelán). 6 de xaneiro de 2017. Consultado o 20 de maio de 2023. 
  7. ↑ 7,0 7,1 "Continúa la búsqueda de Mitogo, futbolista del Atlético de Arnoia, tras cinco días desaparecido en Galicia". El Mundo (en castelán). 17 de maio de 2023. Consultado o 20 de maio de 2023. 
  8. ↑ "El “Nzalang” nacional derrotado en su primer partido amistoso contra Marruecos" (en castelán). 13 de agosto de 2010. Consultado o 20 de maio de 2023. 
  9. ↑ "Desgarrador mensaje de la madre del desaparecido Mitogo: "Que no haya hecho algo malo"". Antena 3 (en castelán). 20 de maio de 2023. Consultado o 20 de maio de 2023. 
  10. ↑ "La Guardia Civil continúa la búsqueda del futbolista David García Mitogo en el río Miño" (en castelán). 22 de maio de 2023. Consultado o 24 de maio de 2023. 
  11. ↑ "Encontran no río Avia o cadáver do futbolista David García Mitogo, desaparecido desde o 11 de maio". Nós Diario. 23 de maio de 2023. Consultado o 24 de maio de 2023. 
  12. ↑ Casteleiro, Patricia (2023-05-23). "Aparece en el río el cuerpo sin vida de David García Mitogo". La Región (en castelán). Consultado o 2023-05-24. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=David_Mitogo&oldid=6794866»