Coeficiente UEFA

No fútbol europeo, os Coeficientes UEFA son as estatísticas elaboradas periodicamente pola UEFA e usadas para ordenar e asignar clasificacións ou postos de privilexio en sorteos a equipos participantes nos campionatos de fútbol organizados pola asociación. Existen distintas clasificacións de coeficientes que se outorgan a seleccións nacionais, campionatos de liga e clubs.

Coeficiente das seleccións nacionais

O coeficiente de cada unha das seleccións nacionais é o coeficiente UEFA menos coñecido, e baséase nos resultados obtidos polas mesmas. Calcúlase dividindo o número de puntos obtidos (tres por vitoria, un por empate) polo número de partidos xogados nas dúas últimas roldas de clasificación da Copa do Mundo de Fútbol ou da Eurocopa. Os partidos de repesca son ignorados. Para algúns países só se tomará en conta unha única rolda de clasificación, no caso de que sexan anfitrións dalgún dos dous últimos eventos.

Este coeficiente é usado pola UEFA para determinar en que "bombo" situarase cada unha das seleccións para os sorteos das roldas de clasificación da Copa do Mundo e da Eurocopa, así como para a rolda final desta última competición. A asignación faise de maneira que se manteñen separados aos equipos máis fortes sendo difícil que se enfronten ata que estea moi avanzada a competición.

Se dous ou máis seleccións teñen o mesmo coeficiente, aplicaranse os seguintes criterios de desempate:

• a) Coeficiente dos partidos xogados na competición máis recente
• b) Diferenza de goles
• c) Número de goles marcados
• d) Número de goles marcados fóra de casa
• e) Sorteo

Clasificación para a rolda de clasificación da Eurocopa 2012

Posto	Equipo	Coeficiente
1	España	43.116
2	Países Baixos	40.860
3	Alemaña	40.446
4	Italia	34.357
5	Inglaterra	33.563
6	Rusia	33.212
7	Croacia	33.003
8	Grecia	32.455
9	Portugal	31.717
10	Suecia	31.675
11	Dinamarca	31.205
12	Francia	30.508
13	República Checa	29.602
14	Irlanda	28.576
15	Ucraína	28.029
16	Serbia	27.975
17	Suíza	27.745
18	Turquía	27.144
19	Noruega	27.093
20	Eslovaquia	27.035
21	Israel	26.942
22	Bosnia e Herzegovina	26.502
23	Hungría	26.110
24	Eslovenia	25.643
25	Romanía	24.968
26	Finlandia	24.673
27	Escocia	24.426
28	Polonia	23.806
29	Austria	23.246
30	Letonia	23.185
31	Irlanda do Norte	22.959
32	Belarús	22.638
33	Bélxica	22.539
34	Bulgaria	22.189
35	Gales	21.633
36	Montenegro	20.901
37	Estonia	19.951
38	Armenia	19.746
39	Lituania	19.706
40	Macedonia	18.764
41	Albania	17.904
42	Xeorxia	16.563
43	Chipre	16.511
44	Moldavia	16.423
45	Islandia	15.343
46	Acerbaixán	14.931
47	Casaquistán	14.638
48	Luxemburgo	13.145
49	Liechtenstein	13.005
50	Illas Feroe	12.176
51	Malta	10.599
52	Andorra	8.467
53	San Marino	7.562

En celeste, seleccións clasificadas para a fase final da Eurocopa 2012. En negra países organizadores.

Coeficiente das ligas

O coeficiente das ligas úsase para ordenar as ligas de Europa, e así determinar o número de clubs de cada liga que xogarán as competicións continentais: Liga de Campións e Europa League.

A UEFA outorga o número de prazas correspondentes a cada federación, e cada unha delas é libre de elixir o criterio cos que encherá as cotas. Unha vez publícase a clasificación de coeficientes entra en vigor no prazo dun ano, e non na tempada inmediatamente posterior.

Este coeficiente determínase baseándose nos resultados dos clubs durante as cinco últimas tempadas. O número de puntos gañados cada tempada na Liga de Campións e a Europa League (dúas para cada vitoria, un por cada empate en competición oficial, a metade en cada caso en roldas previas) divídese entre o número de equipos que participaron para esa liga nesa tempada. Este número será redondeado á baixa ata ter tres cifras decimais (por exemplo, 2+2/3 será redondeado a 2.666).

Súmanse entón os puntos correspondentes ás cinco últimas tempadas, puntos que se dividen entre dous. Obteranse puntos extras por:

• Clasificarse para a fase final da Liga de Campións (3 puntos extra).
• Alcanzar a segunda rolda da Liga de Campións.
• Alcanzar os cuartos de final, semifinais e final da Europa League ou a Liga de Campións.

Clasificación para as competicións 2012-13

A clasificación da UEFA determina o número de equipos competindo o ano seguinte á publicación desta. Así, a clasificación de 2011 determina a proporción de equipos en 2012/13, non en 2011/12.

Clas.	Liga	Coef.	Prazas LC	Prazas EL
1	Inglaterra	84.285	4	3
2	España	82.757
3	Alemaña	74.852
4	Italia	59.981	3
5	Portugal	55.346
6	Francia	54.178
7	Rusia	47.832	2	4
8	Países Baixos	45.515
9	Ucraína	45.133
10	Grecia	37.100		3
11	Turquía	34.050
12	Dinamarca	30.550
13	Bélxica	27.000
14	Romanía	25.824
15	Escocia	25.141
16	Suíza	24.900	1
17	Israel	22.000
18	República Checa	20.850
19	Austria	20.700
20	Chipre	18.124