Premier Liha

Premier Liha
Fundación	1991
Rexión	Ucraína
Equipos	16
Actual campión	Shakhtar Donetsk (7º título)
Máis laureado	Dinamo Kiev (13)
Sitio web	Páxina oficial

O Premier Liha ou Liga Premier é a máxima categoría da liga profesional de fútbol que se disputa en Ucraína. O campionato naceu en 1991 trala desintegración da Unión Soviética, coa denominación de Liga Suprema. Esta denominación foi trocada pola actual en 2008.

O Dinamo Kiev e o Shakhtar Donetsk dominan o palmarés da competición, xuntando 24 títulos nas 25 edicións disputadas. Tan só o Tavriya Simferopol foi quen de superar esa hexemonía gañando a primeira edición da liga, en 1992.

O formato da liga consiste nunha liga de 14 equipos que disputan 26 xornadas, nas que cada equipo se enfronta dúas veces ós outros 13, unha vez como local e outra como visitante. Os encontros comezan en xullo, e rematan en maio do ano seguinte, cunha paréntese de 3 meses entre decembro e marzo no que non se disputa ningún encontro por mor do inverno. Ó remate da tempada, o último clasificado da táboa descende de categoría á Persha Liha. Os equipos que rematan nas dúas primeiras posicións acadan o dereito a competir na Liga de Campións da UEFA, e os equipos que rematan entre as posicións 3ª e 6ª, acadan o dereito a competir na UEFA Europa League.

Equipos 2019-20

Os seguintes 12 equipos competirán na tempada 2019-20:

<...>

Palmarés

O palmarés da liga está dominado principalmente por 2 clubs:

Nº Títulos	Equipo	Campionatos obtidos
15	Dinamo Kiev	1992-93, 1993-94, 1994-95, 1995-96, 1996-97, 1997-98, 1998-99, 1999-00, 2000-01, 2002-03, 2003-04, 2006-07, 2008-09, 2014-15, 2015-16
12	Shakhtar Donetsk	2001-02, 2004-05, 2005-06, 2007-08, 2009-10, 2010-11, 2011-12, 2012-13, 2013-14, 2016-17, 2017-18, 2018-19
1	Tavriya Simferopol	1992

Véxase tamén

Ligazóns externas

• Páxina oficial da Premier Liha (en inglés)