Castro de Viladonelle
Coordenadas: 43°29′07″N 8°07′12″O / 43.4851952, -8.1200803
| Castro de Viladonelle | |
|---|---|
| Parroquia | Viladonelle |
| Concello | Neda |
| Provincia | A Coruña |
| Comunidade autónoma | Galicia |
| Id. catálogo | ? |
| Cronoloxía | |
| Estado actual | Parcialmente destruído |
| Extensión estimada | 0,8 ha. |
| Véxase tamén | |
| Castros de Galicia | |
O Castro de Viladonelle é un castro de cumio fortificado situado en Neda.
Situado nun cumio ao pé do río Belelle, con impresionantes vistas sobre a fervenza do Belelle. Ten forma ovalada, cunhas medidas de 90 por 60 metros, cunha soa liña defensiva e foxo ao leste. Ata os anos noventa do pasado século aproveitouse como canteira deteriorando as defensas e croa. Plantado de eucaliptos.
Pese ao mal estado do castro, se se vai ao lugar Da Croa, en Viladonelle, pódese chegar a inferir a forma do castro, vendo na entrada do lugar un terraplén de terra precedido por outro máis pequeno. O castro nótase por posuír sobre el, un camiño que fai unha volta completa por dentro do castro, seguindo o perímetro interior dos antigos muros e nalgún tramo directamente sobre eles. Utilizando a ferramenta de prospección "LIDAR" pódense ver perfectamente os trazados da muralla e o murete, pero por culpa da plantación de eucaliptos no interior da fortificación, non é posible discernir ningún tipo de edificación dentro, posto que o eucalipto é unha árbore cuxas raíces deforman e se chantan moi fondamente no terreo.