Basilea-Cidade

Na Galipedia, a Wikipedia en galego.
(Redirixido desde "Cantón de Basilea-Cidade")
Basilea-Cidade
Basel-Stadt
Bandeira de Basilea
Escudo de Basilea
Bandeira Escudo
Switzerland Locator Map BS.svg
Estado Suíza Suíza
Capital Basilea
 • Poboación 176 117 (2017)
Lingua oficial Alemán
Forma de goberno Semicantón
Ingreso
• Parte do cantón de Basilea até
1501
1833
Superficie Posto 26º
 • Total 37 km²
 • % auga n/d
Costas 0 km
 • Total (2017) 198 290 hab.
 • Densidade 5 400 hab./km²
Fuso horario UTC +1
 • Horario de verán UTC +2
Dominio de Internet .ch
Código ISO CH-BS

Basilea-Cidade (en alemán: Basel-Stadt, en francés: Bâle-Ville, en italiano: Basilea Città, en romanche: Basilea-Citad) é un semicantón de Suíza, localizado no norte do país, facendo fronteira con Alemaña e Francia. Está composto polos concellos de Bettingen, Riehen e Basilea, sendo este último a súa capital. Dos 26 cantóns de Suíza, o de Basilea-Cidade é o máis pequeno en superficie.

Historia[editar | editar a fonte]

O cantón de Basilea-Cidade foi creado cando o histótico cantón de Basilea foi dividido en 1833 por mor de disputas políticas e un conflito armado relacionados cos dereitos da poboación sobre as terras de cultivo. Isto levou á separación do cantón Basilea-Campo da cidade de Basilea o 26 de agosto de 1833. Dende entón, existe un movemento a prol da reunificación que acadou forza especialmente a partir do ano 1900, cando moitas áreas de Basilea-Campo se industrializaron. Os dous semicantóns acordaron reunirse, mais nas votacións que se realizaron en 1969 e novamente en 2014, a xente de Basilea-Campo votou en contra.

Política[editar | editar a fonte]

Basilea-Cidade é un semicantón, o que supón que só pode enviar un representante ao Consello dos Estados. A constitución do cantón data de 1889 e o seu parlamento é o Gran Consello, que posúe 100 membros elixidos por un período de 4 anos. Hai oito partidos políticos diferentes representados no parlamento, dos que o Partido Socialista Suízo é o que posúe maior número de cadeiras, 32 (ano 2015).

O poder executivo do cantón (ou Regierungsrat) componse de sete membros. En 2006 había cinco partidos diferentes con representación no executivo.

Demografía[editar | editar a fonte]

A poboación do cantón era de 198 290 habitantes o 31 de xaneiro de 2017.[1] En 2007, había 56 106 estranxeiros que facían o 30.29% da poboación total.[2] Segundo datos do ano 2000, o 25% dos habitantes eran católicos e o 27% protestantes. Arredor do 10% pertencía a outras relixións e o 36% non pertencía a ningunha relixión organizada.[3]

Nacionalidades[4] 1990 2000 2010
Suíza Suíza 77.52 % 72.44 % 67.36 %
Alemaña Alemaña 2.60 % 3.27 % 7.58 %
Italia Italia 6.42 % 5.44 % 4.18 %
Turquía Turquía 3.27 % 4.38 % 3.56 %
Iugoslavia Iugoslavia 2.79 % 3.13 %
Serbia Serbia
Montenegro Montenegro
Flag of Kosovo.svg Kosovo
2.46 %
España España 2.78 % 2.16 % 1.52 %
Portugal Portugal 0.42 % 0.79 % 1.35 %
República de Macedonia República de Macedonia 1.12 % 1.17 %
Reino Unido Reino Unido 0.35 % 0.48 % 0.96 %
Flag of France.svg Francia 0.59 % 0.54 % 0.76 %
India India 0.12 % 0.17 % 0.65 %
Estados Unidos de América Estados Unidos 0.25 % 0.31 % 0.63 %
Austria Austria 0.45 % 0.45 % 0.58 %
Croacia Croacia 0.81 % 0.54 %
Flag of Sri Lanka.svg Sri Lanka 0.30 % 0.63 % 0.49 %
Bosnia e Hercegovina Bosnia e Hercegovina 0.68 % 0.41 %
Países Baixos Países Baixos 0.18 % 0.21 % 0.32 %

Notas[editar | editar a fonte]

  1. "Documento MS Excel – T01.0.01 - Bevölkerungsstand". Consultado o 9 de xullo de 2017. 
  2. Federal Department of Statistics, ed. (2008). "Ständige Wohnbevölkerung nach Staatsangehörigkeit, Geschlecht und Kantonen". Consultado o 7 de xullo de 2017. 
  3. Federal Department of Statistics, ed. (2004). "Wohnbevölkerung nach Religion". Consultado o 9 de xullo de 2017. 
  4. "Wohnbevölkerung des Kantons Basel-Stadt nach Staat seit 1990". Consultado o 9 de xullo de 2017. 

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.