Camille Jordan

Camille Jordan

Biografía
Nacemento	(fr) Marie Ennemond Camille Jordan 5 de xaneiro de 1838 Lión (Monarquía de Xullo)
Morte	22 de xaneiro de 1922 (84 anos) París (Terceira República Francesa)
Lugar de sepultura	Q82573139 46°48′06″N 5°10′55″L
218º Presidente da Academia de Ciencias de Francia
1 de xaneiro de 1916 – 31 de decembro de 1916 ← Edmond Perrier – Jacques-Arsène d'Arsonval (pt)  →
Director Journal de mathématiques pures et appliquées
1885 – 1922 ← Henri Resal – Henri Villat (pt)  →
President of the Mathematical Society of France (en)
1879 – 1879 ← Ossian Bonnet – Edmond Laguerre →
Datos persoais
Educación	Escola Superior de Minas de París (–1861) Facultade de Ciencias de París - doutor (–1861) Escola Politécnica (1855–1858)
Tese académica	Sur le nombre des valeurs des fonctions. Sur les périodes des fonctions inverses des intégrales des différentielles algébriques  (1860 )
Director de tese	Victor Puiseux (pt) e Joseph Serret (pt)
Actividade
Campo de traballo	Teoría de grupos, matemáticas, álxebra lineal e teoría da medida
Ocupación	catedrático (1876–), matemático, enxeñeiro, profesor universitario
Empregador	Collège de France, catedrático (1883–1912) Escola Politécnica (1873–1912) Corps of bridges, waters and forests (en) (1861–1885)
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1920–) Royal Society (1919–) Accademia delle Scienze di Torino (1896–) Accademia Nazionale dei Lincei (Q137396485 ) (1895–) Academia francesa das ciencias (1881–) Academia das Ciencias de San Petersburgo Academia de Ciencias de Rusia Academia de Ciencias de Gotinga London Mathematical Society (pt) Accademia Nazionale delle Scienze detta dei XL
Obra
Obras destacables Jordan's theorem (en) Forma canónica de Jordan Lema de Jordan (pt) matriz de Jordan (pt) Jordan's totient function (en) medida de Jordan (pt) Jordan's inequality (en) decomposição de Jordan–Chevalley (pt) Q1703588 teorema da curva de Jordan (pt) Jordan decomposition theorem (en) teorema de Jordan–Hölder (pt) teorema de Jordan–Schoenflies (pt) Jordan–Schur theorem (en) número de Jordan-Pólya
Doutorando	Marie Georges Humbert (pt)
Familia
Fillos	Édouard Jordan
Pai	Alexandre Jordan
Parentes	Camille Jordan, tío avó Pierre Puvis de Chavannes, tío materno Alexis Jordan, curmán
Premios
(26 de xuño de 1919)  Membro estranxeiro da Royal Society (12 de xullo de 1890)  Oficial da Lexión de Honra (1870)  Premio Poncelet
Descrito pola fonte	Nordisk familjebok

Marie Ennemond Camille Jordan ([ʒɔʀdã]), nado en Lión o 5 de xaneiro de 1838 e finado en París o 22 de xaneiro de 1922, foi un matemático francés, coñecido tanto polo seu traballo fundamental na teoría de grupos como polo seu influente Cours d'analyse.

Camille Jordan non debe ser confundido co xeodesista Wilhelm Jordan (1842-1899, método de eliminación de Gauss-Jordan) nin co físico Pascual Jordan (1902-1980, álxebra de Jordan).

Traxectoria

O seu pai Esprit-Alexandre Jordan (1800-1888), politécnico (1818), foi deputado por Saona e Loira (1871-1876) e a súa nai Joséphine era irmá do pintor Pierre Puvis de Chavannes. Era tamén bisneto do político Camille Jordan. Estudou na Escola Politécnica Superior (promoción de 1855). Foi enxeñeiro no corpo das minas e logo deu clases na mesma escola e sucedeu a Joseph Liouville no Collège de France, onde tiña fama de escoller notacións excéntricas.

O seu nome está asociado a unha serie de resultados fundamentais:

• O teorema de Jordan e a curva de Jordan á que se refire este teorema
• Lemas de Jordan, empregados na análise complexa para o cálculo de integrais
• Teorema de Jordan sobre o grupo simétrico
• A forma canónica de Jordan e a redución de Jordan
• O teorema de Jordan-Hölder, que é un resultado fundamental en grupos finitos e series de composicións
• o teorema de Jordan-Schur sobre subgrupos de grupos lineares complexos
• A medida de Jordan, que prefigura a teoría da medida
• A desigualdade de Jordan
• A función indicatriz de Jordan, unha función multiplicativa que xeneraliza a indicatriz de Euler.

Tamén foi el quen introduciu a noción de arco rectificable, de función con variación limitada ou de conxunto medíbel. Axudou a levar a teoría de Galois á corrente principal do pensamento. Tamén investigou os grupos de Mathieu, primeiros exemplos de grupos esporádicos. O seu Traité des substitutions, sobre os grupos das permutacións, foi publicado en 1870 e gañou ese mesmo ano o premio Poncelet. Foi orador convidado no Congreso Internacional das Matemáticas de 1920 en Estrasburgo.

Cando deixou a Escola das Minas de 1861 a 1885, era enxeñeiro encargado do control das canteiras en París.

Obras

• Cours d'analyse de l'Ecole Polytechnique ; 1 Calcul différentiel (Gauthier-Villars, 1909)
• Cours d'analyse de l'Ecole Polytechnique ; 2 Calcul intégral (Gauthier-Villars, 1909)
• Cours d'analyse de l'Ecole Polytechnique ; 3 équations différentielles (Gauthier-Villars, 1909)
• Mémoire sur le nombre des valeurs des fonctions (1861–1869)
• Recherches sur les polyèdres (Gauthier-Villars, 1866)
• Jordan, Camille (1870). Traité des substitutions et des équations algébriques. París: Gauthier-Villars. 

Honras

En 1881 foi elixido membro da Academia de Ciencias, que presidiu en 1916. En 1919 converteuse nun membro estranxeiro da Royal Society e tamén foi nomeado Oficial da Lexión de Honra.

A Universidade de Lión I deu o seu nome a un instituto de investigación matemática.

O asteroide 25593 Camillejordan recibiu o seu nome na súa honra.

Véxase tamén

Bibliografía

• Hélène Gispert-Chambaz, Camille Jordan et les fondements de l'analyse, Publications mathématiques d'Orsay, Université de Paris-Sud, 1982

Ligazóns externas

• Brechenmacher, Frédéric. "Un portrait kaléidoscopique du jeune Camille Jordan". Images des mathématiques. Arquivado dende o orixinal o 14 de agosto de 2020. Consultado o 23 de abril de 2021. 
• "Travaux de Camille Jordan". Bibliothèque numérique de Mines ParisTech.