Cabra galega
| Cabra galega | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| Clasificación científica | |||||||||||||||||
| |||||||||||||||||
 Orixe da raza
| |||||||||||||||||
A cabra galega é unha raza de cabras de orixe galega. No ano 2017, o número total de exemplares era de 1013 (778 femias e 62 machos) distribuídos en 59 explotacións gandeiras.[1] Son animais moi adaptadas ó medio e, segundo o Invesaga (Investigación en Sanidade Animal de Galicia) presentan máis resistencia ás infeccións que outras razas caprinas, como o parasito do verme hepático.[2]
Distribución xeográfica[editar | editar a fonte]
En xeral, os exemplares da raza caprina galega atópanse dispersos nas zonas de montaña, principalmente, das provincias de Lugo e Ourense.
Morfoloxía[editar | editar a fonte]
As cabras galegas son animais de perfil recto ou subcóncavo, eumétricos, e de gran dimorfismo sexual. A súa capa é uniforme, de cor caoba ou rubia con distintas tonalidades, e considérase descalificante para a raza a presenza de manchas brancas. A forma dos cornos das femias son de arco cara atrás. Nacen separados e médranlles paralelos. Nos machos son en forma de caracol, alongados e de maior tamaño que os das femias.
Os machos teñen barba ou perilla, e en ocasións tamén aparece de forma rudimentaria nas femias. Os machos son meirandes que as femias, acadando estes primeiros unha altura ata a cruz de 75 cm e pesando 70 quilos de media. As femias teñen unha altura de 65 cm e pesan arredor de 55 quilos.
Notas[editar | editar a fonte]
- ↑ Censo da raza de cabra galega no 2017.
- ↑ Mandiá, Diana. Gciencia, ed. "A cabra galega é máis resistente ao parasito do verme hepático". Consultado o 29 de decembro de 2015.
