Caldelá
| Caldelá | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Descrición da vaca caldelá | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
A caldelá é unha raza de vacún autóctona de Galicia. Actualmente a poboación é moi reducida, cuns 1304 exemplares (2014). A raza caldelá ten un temperamento tranquilo e polo tanto é boa para a súa utilización para o traballo. É unha raza típica da provincia de Ourense e o seu nome provén de Castro Caldelas, concello que é centro xeográfico da raza.
Morfoloxía[editar | editar a fonte]
Agrupa animais de perfil recto, eumétricos e mediolíneos, de cabeza proporcionada con fronte plana e ancha, cornos xeralmente en gancho, pescozo curto, cruz elevada e liña dorsolumbar algo cóncava, peito amplo, tórax profundo e costelares estendidos. As extremidades son finas, con articulacións rectas e nádegas escasamente desenvolvidas. Os tetos son grandes e simétricos. O talle á cruz oscila entre os 125 e os 155 cm e o peso medio é de 500 kg para as femias e de 700 kg para os machos.
Evolución da poboación[editar | editar a fonte]
| Ano | Femias | Machos | Total | Ganderías |
|---|---|---|---|---|
| 2009 | 1076 | 298 | 1374 | 59 |
| 2010 | 1210 | 305 | 1515 | 58 |
| 2011 | 1315 | 272 | 1587 | 55 |
| 2012 | 1226 | 234 | 1460 | 50 |
| 2013 | 1110 | 209 | 1319 | 51 |
| 2014[1] | 1136 | 168 | 1304 | 48 |
Notas[editar | editar a fonte]
- ↑ Ministerio de Agricultura, Alimentación e Medio Ambiente (ed.). "Aplicación ARCA". Arquivado dende o orixinal o 17 de outubro de 2019. Consultado o 22 de maio de 2015.
