Augas da Coruña

Emalcsa
	; ETAP A Telva, río Mero.
Tipo	Sociedade Anónima
Fundación	1903
Localización	Rúa Manuel Murguía s/n; Edificio Casa da Auga; 15011 A Coruña
Fundador	Concello da Coruña
Persoas clave	Alcalde da Coruña
Industria	Augas
Produtos	Distribución de auga e servizos
Beneficio	22,01 millóns de euros (2014)
Beneficio neto	2 millóns de euros
Número de empregados	138 (en 2013)
Na rede
	emalcsa.es…
	[ editar datos en Wikidata ]

Para outras páxinas con títulos homónimos véxase: A Coruña.

Empresa municipal Augas da Coruña, S.A. (oficialmente en castelán Empresa Municipal Aguas de La Coruña, S.A. - EMALCSA) é unha empresa pública que abastece de auga potable ó concello da Coruña, e a súa área metropolitana. Inscrita no Rexistro Mercantil desta mesma cidade o 7 de xullo de 1978, absorbeu á antiga abastecedora Aguas de La Coruña S.A. fundada en 1908. A empresa ten un patrimonio valorado en 2013 en 58,3 millóns de euros^[3].

A auga que fornece EMALCSA provén do encoro de Cecebre e potabilízase no lugar da Telva (Cambre). O ciclo da auga remata na EDAR de Bens. En 2013 a compañía vendeu o 31 % da EDAR de Bens, da que posuía o 100 % do capital, aos concellos de Oleiros (8 %), Culleredo (8 %), Arteixo (8 %) e Cambre (7 %).

A empresa é propiedade do Concello da Coruña ao 100%, factura máis de 20 millóns de euros ao ano cun beneficio de máis de 2 millóns de euros. Emalcsa foi accionista de R Cable e financia Smart City. Os maiores clientes particulares da empresa son Hijos de Rivera e Begano que consomen case a metade da auga.

A empresa ten depósitos de auga nos barrios de Eirís, Monte Alto, Penamoa, O Ventorrillo e Almeiras (Culleredo).