Ascalón

Na Galipedia, a Wikipedia en galego.
Saltar ata a navegación Saltar á procura

Coordenadas: 31°40′N 34°34′L / 31.667, -34.567

Ascalón
Ashkelon flag.png
Ashkelon COA.png
Ashkelonskyline.jpg
Localización
Ashqelon-pos.png
PaísFlag of Israel.svg Israel
DistritoMeridional
Xeografía
Altitude10 msnm
Superficie48 km²
Demografía
Poboación130 660 hab. (2016)
Densidade2722,08 hab./km²
Outros datos
AlcaldeItamar Shimoni
www.ashkelon.muni.il

Ascalón (en hebreo: אַשְׁקְלוֹן, Ashkelon; en árabe: عسقلان Asqalun), é unha cidade de Israel, situada a 56 km ao sur de Tel Aviv e 73 km ao suroeste de Xerusalén. Asentada ás beiras do mar Mediterráneo e preto do deserto do Néguev. A cidade desfruta dun clima especialmente agradable, tanto fresco como seco. Os días chuviosos son raros e posúe unha das praias de areas máis finas do país, así como innumerables lugares de entretemento. Ascalón é mencionada na Estela de Merenptah, floreceu baixo o réxime de gregos e romanos. Herodes agrandou e embeleceu en gran medida a cidade, a cal se cre que foi o seu lugar de nacemento. Plinio o vello fala no seu tempo dela como cidade libre.[1]

Algúns xudeus permaneceron en Ascalón cando esta se converteu nunha cidade cristiá baixo o réxime bizantino. Foi tomada polos musulmáns no ano 638, sendo tan ben fortificada e defendida que os cruzados non puideron conquistala ata o ano 1153, cando aínda quedaba unha pequena comunidade xudía no lugar. Destruída completamente no 1270 polo sultán Baibars, foi abandonada durante séculos quedando esquecida a súa localización. Esta cidade foi buscada pola exploradora británica Hester Stanhope en 1830 sen poder atopala.

A vila árabe de al-Majdal ou al-Majdal Asqalan (árabe: المجدل; hebreo: אל-מג'דל, מגדל), foi establecida a uns poucos quilómetros cara o interior da cidade histórica do século XV, baixo goberno otomano. En 1920 pasou a formar parte do Mandato británico de Palestina. Al-Majdal tiña unha poboación de 10 000 habitantes antes da guerra árabe-israelí de 1948, e en outubro de 1948 a cidade acollía a centos de refuxiados das localidades veciñas.[2] Al-Majdal serviu de posto avanzado para as forzas exipcias asentadas en Gaza.[3] Finalmente foi conquistada polas forzas israelís o 5 de novembro de 1948, e para entón a maioría da poboación árabe xa abandonara a cidade,[4] deixando só 2 700 habitantes, dos cales 500 foron deportados polas tropas de Israel en decembro dese ano.[4] A cidade pasou a coñecerse como Migdal Gaza, Migdal Gaz e Migdal Ashkelon polos novos habitantes xudeus.

En 1953, o asentamento veciño de Afridar quedou incorporado e readaptouse o nome Ascalón para a cidade. En 1961, Ascalón foi situada no posto 16 entre os centros urbanos de Israel, cunha poboación de 24 000 habitantes.[5] En 2016 a súa poboación era de 130 660 habitantes.[6]

Notas[editar | editar a fonte]

  1. Plinio el viejo Historia Natural libro V -68.
  2. Masalha, Nur (2012). The Palestine Nakba: Decolonising History, Narrating the Subaltern, Reclaiming Memory. London: Zed Books, Limited. pp. 115–116. ISBN 1848139705. 
  3. Morris, Benny (2008-10-01). 1948: A History of the First Arab-Israeli War (en inglés). Yale University Press. p. 331. ISBN 0300145241. 
  4. 4,0 4,1 B. Morris, The transfer of Al Majdal's remaining Palestinians to Gaza, 1950, in 1948 and After; Israel and the Palestinians.
  5. Golan, Arnon (2003). "Jewish Settlement of Former Arab Towns and their Incorporation into the Israeli Urban System (1948–1950)". Israel Affairs 9: 149–164. doi:10.1080/714003467. 
  6. "Censo de Israel" (PDF) (en hebreo). Consultado o 6 de febreiro de 2018. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.