Arnego, Vila de Cruces

Para outras páxinas con títulos homónimos véxase: Arnego.

Arnego
Igrexa de Santa María de Arnego.
Concello	Vila de Cruces
Provincia	Pontevedra
Coordenadas	42°49′29″N 8°08′30″O
Poboación	35 hab. (2012)
Entidades de poboación	5
[ editar datos en Wikidata ]

Santa María de Arnego é unha parroquia que se localiza no concello de Vila de Cruces. Segundo o IGE en 2012 tiña 35 habitantes (18 mulleres e 17 homes), distribuídos en 5 entidades de poboación, o que supón unha diminución en relación ao ano 1999 cando tiña 50 habitantes.

Xeografía

A parroquia, na confluencia do río Arnego co Ulla, viu moi reducido o seu territorio polas augas do encoro de Portodemouros, pero segue aproveitando o chan non inundado para pasteiros e diversos cultivos.

Historia

O nome de Arnego recibiuno do río homónimo (Ernegum e Arnecum nos textos antigos). O primeiro asentamento estaba no veciño castro chamado Coto do Vixián; un apelativo que parece referirse á súa utilización como posto de vixilancia sobre os camiños do val e o curso de ambos ríos.

Patrimonio

A igrexa parroquial de Santa María só mostra algúns vestixios da súa primitiva fábrica románica, xa que sufriu varias reformas.

A "Casa grande dos Mella", ou pazo de Fontearcada, conserva as súas dimensións fidalgas: balcón e cheminea, pedra de armas e galería, moi deteriorados. Da capela só quedan en pé as paredes.

Galería de imaxes

• 
  Igrexa de Arnego.
• 
  Porta lateral da igrexa de Arnego.
• 
  Cruceiro de Arnego.

Lugares e parroquias

Lugares de Arnego

Lugares da parroquia de Arnego no concello de Vila de Cruces (Pontevedra)
Barrio | Eirexe | Fontearcade | O Outeiro | O Pazo

Véxase tamén

Outros artigos

• Lugares de Vila de Cruces