Andrei Nikolaevich Kolmogorov

Andrei Nikolaevich Kolmogorov

Biografía
Nacemento	(ru) Андрей Николаевич Колмогоров 25 de abril de 1903 Tambov
Morte	20 de outubro de 1987 (84 anos) Moscova
Lugar de sepultura	cemiterio Novodevichii, уч. № 10, ряд № 4, место № 15 55°43′32″N 37°33′14″L
Educación	Universidade Estatal de Moscova (1925–1929) D. Mendeleev University of Chemical Technology of Russia (en) (1920–) Universidade Estatal de Moscova (1920–1925) E. A. Repman gymnasium (en) (1910–1920)
Director de tese	Nikolai Luzin (pt)
Actividade
Campo de traballo	Teoría da probabilidade, topoloxía, xeometría, lóxica matemática, mecánica, teoría da medida, teoría de conxuntos, cálculo diferencial, análise funcional, filosofía das matemáticas, lingüística computacional, estatística matemática, matemáticas, turbulencia, teoría da complexidade computacional, Serie de Fourier, lóxica e fluxo turbulento (pt)
Ocupación	matemático, profesor universitario, estatístico, informático teórico, físico
Empregador	Universidade Estatal de Moscova, decano (1954–1958) Schmidt Institute of Physics of the Earth (en) , head of laboratory (en) (–1949) Universidade Estatal de Moscova, catedrático (1931–1987) Universidade Estatal de Moscova, researcher (en) (1929–1931) Universidade Estatal de Moscova (1925–1971)
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1967–) Royal Society (1964–) Real Academia de Artes e Ciencias dos Países Baixos (1963–) Sociedade Filosófica Estadounidense (1961–) Leopoldina (1959–) Academia de Ciencias de Rusia (académico) (1939–) Academia de Ciências da Polónia (pt) Academia Alemã de Ciências em Berlim (pt) International Academy of the History of Science (pt) Academia Romanesa Academia francesa das ciencias Academia das Artes e das Ciencias dos Estados Unidos
Interesado en	Matemáticas
Profesores	Nikolai Luzin (pt) , Pavel Urysohn (pt) , Pavel Sergeevich Alexandrov e Vyacheslav Vassilievich Stepanov (pt)
Obra
Obras destacables teorema de Kolmogorov–Arnold–Moser (pt) complexidade de Kolmogorov teste Kolmogorov-Smirnov (pt) Kolmogorov's theorem (en) distribuição de Kolmogorov (pt) Axiomas de probabilidade Kolmogorov's inequality (en) Avrami equation (en) Kolmogorov's three-series theorem (en)
Doutorando	Israel Gelfand, Sergey Nikolsky, Akakii Konstantinovich Barkalaya, Boris Gnedenko (pt) , Anatoly Maltsev (pt) , Daredzhan Razhdenovna Vashakidze (en) , Fedor Isaakovich Shmidov, Viktor Nikolaevich Zasukhin (en) , Sergei Fomin (pt) , Ivan Verchenko (en) , Akiva Yaglom (pt) , Piotr Alexeevich Kozulaev (en) , Alexander Obukhov, Eugene Dynkin (pt) , Grigory Barenblatt (pt) , Sagdy Sirazhdinov (en) , Anatoliy Fedenko (en) , Login Bolshev (en) , Yurii Tikhonovich Medvedev (en) , Vladimir Uspensky (pt) , Oleg Ivashev-Musatov (en) , Vladimir Mihalevich (en) , Yuri Prokhorov (pt) , Nikolai Bakhvalov (pt) , Anatoli Vitushkin (pt) , Zikun Wang, Alexander Yushkevich (en) , Vladimir Zolotarev, Alexander Borovkov (pt) , Tony Hoare, Yuri Belyaev (en) , Boris Kloss (en) , Yakov G. Sinai (pt) , Vladimir Arnold, Roland Dobrushin (pt) , Igor Girsanov (en) , Albert Shiryaev (pt) , Yuri Rosanov (en) , Eduard Grigorievich Belaga, Alexander Sergeevich Kuzichev (en) , Sergei Aivazian (en) , Robert Minlos (pt) , Boris Sevastyanov (en) , Vladimir Michailovich Alekseev (pt) , Per Martin-Löf, Vladimir Tikhomirov (pt) , Leonid Levin (pt) , Alexander Abramov (en) , Valery Kozlov (en) , Alexander Bulinskiy (en) , Bernhard Thalheim, Evgenii Sereevich Bozhich (en) , Sergei Artemov (pt) , Eugene A. Asarin (en) , Vladimir Vovk, Aleksandr Abramov (en) , A. M. Arato (en) , Leonid Alexandrovich Bassalygo (en) , G. M. Bavli, Vadim Ivanovich Bityutskov (en) , Nikolay Dmitriyev (en) , A. N. Dvoichenkov (en) , Vladislav Dimitrievich Erokhin, Mikhail Konstantinovich Fage (en) , Gregory Galperin (en) , A. T. Kondurar (en) , Mikhail Vasil'evich Kozlov (en) , Viktor Petrovich Leonov, A. V. Martynov, R. F. Matveev, Lev Dmitrievich Meshalkin (en) , Mikhail Millionshikov (en) , Andrei Monin (pt) , Yurii Semenovich Ochan (en) , Yuri Petrovitch Ofman (pt) , B. Penkov, Aleksei Arkadievich Petrov (en) , Mark Pinsker (en) , Aleksandr Vladimirovich Prokhorov, M. Rozenblat-Rot, A. N. Tulaikov (en) , Vladimir Grigorievich Vinokurov (en) , B. M. Yunovich, Igor G. Zurbenko (en) e Yury Belyayev (en)
Arquivos en	Arquivos da Escola Politécnica Federal de Zúric [ CH-001807-7:Hs 649]
Familia
Cónxuxe	Anna Dmitrievna Egorova (1942–)
Parella	Pavel Sergeevich Alexandrov
Premios
(1986)  Medalha Lobachevsky (pt) (1983)  Orde da Revolución de Outubro (1980)  Premio Wolf en Matemáticas (1975)  Medalla Helmholtz (1970)  Medalla Conmemorativa polo Centenario do Natalicio de Lenin (1965)  Premio Lenin (1964)  Membro estranxeiro da Royal Society (1963)  Heroe do Traballo Socialista (1962)  Premio Balzan (1955)  doutor honoris causa pola Universidade de París (1951)  Medalha de Ouro Tchebychev (pt) (1946)  Medalla polo Traballo Valente na Gran Guerra Patria 1941-1945 (1944, 1945, 1953, 1961, 1963, 1973, 1975)  Orde de Lenin (1941)  Premio Stalin (1940)  Bandeira Vermella do Traballo  Orde da Guerra Patria de 1ª Clase  Premio Stalin, 2º grao
Descrito pola fonte	Grande Enciclopedia Soviética 1969-1978, (vol:12 : Кварнер — Конгур, sec:Колмогоров Андрей Николаевич, p.437) Grande Enciclopedia Soviética (1926 - 1947) Enciclopedia soviética armenia, volume 5, (p.513)

Andrey Nikolaevich Kolmogorov (en ruso: Андре́й Никола́евич Колмого́ров), nado o 25 de abril do 1903 e finado o 20 de outubro do 1987, foi un matemático ruso que fixo progresos importantes nos campos da teoría da probabilidade e da topoloxía. Traballou ó principio da súa carreira en lóxica construtivista e na serie de Fourier. Tamén traballou en turbulencias e mecánica clásica. Así mesmo, foi o fundador da teoría da complexidade algorítmica.

Traxectoria

Primeiros anos

Andrei Kolmogorov naceu en Tambov, unha localidade a uns 500 quilómetros ao sueste de Moscova, en 1903. A súa nai, a solteira María Yakovlevna Kolmogorova, finou durante o parto, polo que Andrei tivo que ser criado polas súas dúas tías en Tunoshna, preto de Yaroslavl, nos terreos do seu avó, un nobre adiñeirado.

Non se sabe moito sobre o sei pai. Supostamente, o seu nome era Nikolai Matveyevich Katayev e traballaba como agrónomo. Katayev fora exiliado de San Petersburgo á provincia de Yaroslavl tras a súa participación no movemento revolucionario contra os tsares. Desapareceu en 1919 e suponse que morreu asasinado durante a guerra civil rusa.

A súa tía Vera educouno na escola local, e os seus primeiros textos literarios e matemáticos apareceron no xornal do centro. Aos 5 anos, Andrei Kolmogorov xa era "editor" da sección matemática desta publicación. O seu primeiro descubrimento matemático foi a regularidade na suma da serie dos números impares: $1=1^{2};1+3=2^{2};1+3+5=3^{2}...$

En 1910, a súa tía adoptouno e trasladáronse xuntos a Moscova, onde se graduou da secundaria en 1920. Ese ano ingresou na Universidade Estatal de Moscova e, ao mesmo tempo, no Instituto Mendeléiev de Química e Tecnoloxía de Moscova. Sobre esta época, escribiu:

Cheguei á Universidade de Moscova cun coñecemento bastante bo das matemáticas. Sabía en concreto os fundamentos da teoría de conxuntos. Estudei moitas cuestións en artigos da Enciclopedia de Brockhaus e Efron, engadindo pola miña conta o que aparecía moi conciso neses artigos

Kolmogorov gañou unha gran reputación pola súa ampla erudición. Namentres estudaba a licenciatura, asistiu aos seminarios do historiador ruso Sergei Bakhrushin. Publicou o seu primeiro artigo de investigación sobre as prácticas de posesión da terra na república de Novgorod durante os séculos XV e XVI. Neste período, entre 1921 e 1922, Kolmogorov demostrou varios resultados da teoría de conxuntos e sobre as series de Fourier.

Carreira profesional

En 1922, Kolmogorov gañou sona internacional pola construción dunha serie de Fourier que diverxe en case todas as partes. Foi nesta época que decidiu dedicar a súa vida ás matemáticas.

En 1925, graduouse da Universidade Estatal de Moscova e comezou a estudar baixo a supervisión de Nikolai Luzin. Iniciou unha amizade cun dos seus compañeiros, Pavel Alexandrov, que duraría toda a vida; moitos investigadores concluíron que se trataba dunha relación homosexual, malia que ningún dos dous chegou a recoñecelo publicamente. Kolmogorov, xunto con Aleksandr Khinchin, comezou a interesarse na teoría da probabilidade. Tamén publicou un traballo sobre lóxica intuicionista, "О принципе tertium non datur" (en galego: Sobre o principio do terzo excluído), no que probou que, baixo unha certa interpretación, todos os enunciados da lóxica clásica formal poden formularse como enunciados da lóxica intuicionista. En 1929, Kolmogorov doutorouse pola Universidade Estatal de Moscova. Nese mesmo ano, pasou un mes nunha illa do lago Sevan, en Armenia, xunto con Alexandrov.

En 1930, Kolmogorov viaxou por vez primeira ao estranxeiro, visitando as cidades de Gotinga, Múnic e París. En Gotinga entrou en contacto cos círculos científicos de Richard Courant e os seus discípulos, centrados nos teoremas do límite, que demostraran que os procesos de difusión eran os límites de procesos discretos aleatorios; de Hermann Weyl, que estudaba a lóxica intuicionista; e o de Edmund Landau, orientado á teoría de funcións.

O traballo pioneiro de Kolmogorov, "Über die analytischen Methoden in der Wahrscheinlichkeitsrechnung" ("Sobre os métodos analíticos na teoría da probabilidade"), saíu do prelo en alemán en 1931. Nese mesmo ano, foi nomeado profesor da Universidade Estatal de Moscova. En 1933, publicou o seu libro Grundbegriffe der Wahrscheinlichkeitsrechnung ("Rudimentos da teoría da probabilidade"), co que estableceu os fundamentos axiomáticos modernos da teoría da probabilidade e alicerzou a súa reputación como o maior experto mundial neste eido. En 1935, Kolmogorov converteuse no primeiro director do departamento de Teoría da Probabilidade da Universidade Estatal de Moscova. Ao ano seguinte, fixo achegas ao campo da ecoloxía ao xeneralizar o modelo de Lotka-Volterra para os sistemas de depredación.

Véxase tamén

Bibliografía

• American Mathematical Society (2000). Kolmogorov in Perspective (en inglés). American Mathematical Society. ISBN 978-0821829189. 
• Arnold, V. I.; Dresden, Max (1989). "A. N. Kolmogorov". Physics Today (en inglés) 42 (10): 148–150. doi:10.1063/1.2811198. 
• Chern, Shiing-shen; Hirzebruch, Friedrich, eds. (2001). Wolf Prize in Mathematics (en inglés). World Scientific. 
• Cooke, Roger Lee (2025). "Andrey Nikolayevich Kolmogorov". Encyclopaedia Britannica (en inglés). 
• Gessen, Masha (2011). Perfect Rigour: A Genius and the Mathematical Breakthrough of a Lifetime (en inglés). Icon Books Ltd. 
• Graham, Loren R.; Kantor, Jean-Michel (2009). Naming Infinity: A True Story of Religious Mysticism and Mathematical Creativity (en inglés). Harvard University Press. ISBN 978-0-674-03293-4. 
• Gurzadyan, Vahe (2004). "Kolmogorov and Aleksandrov in Sevan Monastery". Mathematical Intelligencer (en inglés) 26: 40–43. arXiv:math/0410397. doi:10.1007/BF02985651. 
• Kolmogorov, Andrei (1923). "Une série de Fourier-Lebesgue divergente presque partout" (PDF). Fundamenta Mathematicae (en francés) 4 (1): 324–328. doi:10.4064/fm-4-1-324-328. 
• Salsburg, David (2001). The Lady Lasting Tea: How Statistics Revolutionized Science in the Twentieth Century (en inglés). W. H. Freeman. ISBN 978-0-7167-4106-0. 
• Szpiro, George (2011). Pricing the Future: Finance, Physics, and the 300-year Journey to the Black-Scholes Equation (en inglés). Basic Books. ISBN 9780465022489. 

Outros artigos

• Axiomas de Kolmogorov
• Axiomas de probabilidade
• Complexidade de Kolmogorov
• Espazo de Kolmogorov
• Proba de Kolmogorov-Smirnov
• Teorema de Kolmogorov-Arnold-Moser
• Lei cero-un de Kolmogorov
• Ecuación de Chapman-Kolmogorov

Ligazóns externas

• The Legacy of Andrei Nikolaevich Kolmogorov (en inglés)
• Biografía de Andrei Nikolaievich Kolmogorov no sitio da Universidade de St. Andrews (en inglés)