Ana Brnabić

Ana Brnabić

Nome orixinal	(sr) Ана Брнабић
Biografía
Nacemento	28 de setembro de 1975 (48 anos) Belgrado (República Federal Socialista de Iugoslavia)
President of the National Assembly of Serbia (en)
20 de marzo de 2024 –
Minister of Foreign Affairs (en)
22 de outubro de 2020 – 28 de outubro de 2020 – Nikola Selaković (en)  →
Minister of Finance (en)
16 de maio de 2018 – 29 de maio de 2018 ← Dušan Vujović – Siniša Mali (en)  →
Anexo:Lista de primeiros-ministros da Sérvia (pt)
29 de xuño de 2017 – 20 de marzo de 2024 ← Aleksandar Vučić
Minister of Public Administration and Local Self-Government (en)
11 de agosto de 2016 – 14 de xuño de 2017 ← Kori Udovički (pt) – Branko Ružić (pt)  →
Datos persoais
País de nacionalidade	Serbia (1992–)
Grupo étnico	Pobo serbio
Educación	Northwood University (en) - administración de empresas (–1998) Universidade de Hull (pt) - Mestrado en administración de negocios
Actividade
Campo de traballo	Político
Ocupación	política , economista
Partido político	Partido Progressista Sérvio (pt) (2019–)
Lingua	Lingua serbia, lingua inglesa e lingua rusa
Participou en
20 de xaneiro de 2020	World Economic Forum Annual Meeting 2020 (en)
10 de decembro de 2019	tomada de posse de Alberto Fernández (pt)
Premios  Orde da República Sprska
Sinatura

Ana Brnabić (en serbio: Ана Брнабић), nada en Belgrado o 28 de setembro de 1975, é unha política serbia que ocupa o cargo de primeira ministra do país.

Formada nos Estados Unidos e no Reino Unido, regresou a Serbia en 2002 e traballou na promoción das enerxías renovables. En 2016 foi nomeada Ministra de Administracións Públicas e Asuntos Locais por Aleksandar Vučić.

Traxectoria

Estudos

Ao finalizar os seus estudos secundarios en 1994 abandonou Iugoslavia para estudar nos Estados Unidos. Inscrita na Universidade de Northwood, en Míchigan, seguiu un curso en administración que rematou en 1998. Completou a súa diplomatura cun mestrado na Universidade de Hull, no Reino Unido.

Regresó a Serbia en 2002. Inicialmente traballou como relacións públicas para o programa de desenvolvementos agrícola, mais en 2011 pasou ao programa Continental Wind Serbia, que promovía o recurso ás enerxías renovables. Dous anos máis tarde asumiu a dirección do programa.

Ministra

O 11 de agosto de 2016 foi nomeada ministra de Administracións Públicas e de Asuntos Locais no novo goberno formado por Aleksandar Vučić.

Dado que asume abertamente ser lesbiana nun país onde o 80% da poboación se declara cristiá ortodoxa e onde as marchas do orgullo LGTB son obxecto de violencias e mesmo anuladas, o nomeamento foi percibido polas ONG como un momento histórico. Vučić declarou ao respecto "as súas orientacións persoais non me interesan, só os resultados do seu traballo contan".

Primeira ministra

O 15 de xuño de 2017, Ana Brnabić foi proposta á Asemblea nacional para asumir a presidencia do goberno por Vučić, que nese momento accedeu á presidencia da República, como a súa sucesora. É a primeira muller e a primeira persoa abertamente homosexual elixida para exercer ese cargo, que asumiu dende o 29 de xuño de 2017.

Mentres que o xefe do estado considera que “posúe as calidades persoais e profesionais para exercer as súas funcións”, ela declarou que “servir o meu país é a honra máis grande. Traballarei de xeito responsable con amor e honestidade”. Precisando que non é activista LGBT, estima que a situación dos homosexuais mellora "lentamente" en Serbia pero que a homofobia continúa a ser un problema. Explica non comprender “por que (a súa) orientación sexual é importante” e que xulga que “o que é importante, é a capacidade profesional para cumprir un traballo honesto, amar a súa patria e traballar polo interese do seu país”.

Presentada como favorable á integración europea, está encargada principalmente de pór en marcha as reformas económicas mentres que Vučić continúa a liderar a política estranxeira e interior, permitíndolle así manter o poder dando signos de apertura.

Controversias

Xenocidio de Srebrenica

Nunha entrevista o 14 de novembro de 2018 coa emisora pública alemá Deutsche Welle, Brnabić negou que en xullo de 1995 os masacres de bosníacos por parte das forzas serbobosníacas en Srebrenica fosen un acto de xenocidio. Dúas semanas máis tarde, o Parlamento Europeo adoptou unha resolución en que decía que lamentaba que se continuase a negar o xenocidio por parte das autoridades serbias e pediu unha completa cooperación co ICTY e o mecanismo que o sucedese incluíndo aceptar os seus xuízos.

Kosovo

En decembro de 2018, comentando o anuncio da transformación das Forzas de Seguridade de Kosovo nas Forzas Armadas de Kosovo, Brnabić dixo: “Espero que non teñamos que usar o exército, mais neste momento, é unha das opcións sobre a mesa porque non podemos ser testemuñas dunha nova limpeza étnica dos serbios e novas Tormentas... aínda que Edi Rama está chamando a iso. Cando alguén sabe que tes un exército forte, entón teñen que sentar e falar contigo”.

Ademais, en maio de 2019, o ministro de exteriores de Kosovo Behgjet Pacolli dixo que non permitiría a Brnabić entrar en Kosovo a causa do que considerou que era unha ideoloxía racista. Brnabić, durante a entrega dun informe á Comisión Europea en 2019 dixo: “Haradinaj, Thaçi e Veseli están competindo por ver quen é o maior nacionalista e chauvinista. O que me asusta máis é que estamos a tratar con xente irracional, a peor caste dos populistas, xente que literalmente saíu dos bosques”.

Vida persoal

Brnabić é homosexual, segunda muller LGBT xefa dun goberno no mundo despois de Jóhanna Sigurðardóttir (Islandia 2009-2013), e quinta xefa de goberno abertamente LGBT despois de Elio Di Rupo (Bélxica 2011–14), Xavier Bettel (Luxemburgo dende 2013) e Leo Varadkar (Irlanda dende 2017). En 2017 converteuse na primeira xefa de goberno dun país balcánico que asitiu a unha marcha do orgullo LGBT.

En 2019 a súa parella Milica Đurđić deu a luz un neno.

Véxase tamén

Ligazóns externas

• Primeira Ministra de Serbia (en serbio)