Edi Rama

Na Galipedia, a Wikipedia en galego.
Saltar ata a navegación Saltar á procura
Edi Rama
Edi Rama 2014.jpg
Nacemento4 de xullo de 1964
 Tirana
NacionalidadeAlbania
EtniaPobo albanés
Relixióncatolicismo
Alma máterUniversity of Arts (Albania)
Ocupaciónpolítico, pintor, xornalista, baloncestista e escultor
PaiKristaq Rama
PremiosHonorary citizen of Ulcinj
Edi Rama (nënshkrim).svg
editar datos en Wikidata ]

Edi Rama, nado en Tirana o 4 de xullo de 1964, é o presidente do Partido Socialista de Albania e o primeiro ministro do país dende 2013. Foi presidente da Asociación Albanesa de Alcaldes e Ministro de Cultura. Foi alcalde de Tirana dende o ano 2000 até 2011. Resultou elixido como primeiro ministro de Albania nas eleccións do 23 de xuño de 2013, nas cales a coalición liderada polos socialistas obtivo o 57,7% dos votos.[1] Asumiu como Primeiro Ministro de Albania o 10 de setembro de 2013.

Alcalde de Tirana[editar | editar a fonte]

Rama proxectou librar á capital albanesa de moitos edificios construídos ilegalmente en terras municipais, como os parques locais e os bancos de Lana. Outro proxecto no ano 2000 deu lugar á produción de 96.700 metros cadrados de zonas verdes e parques da cidade, así como a plantación de case 1.800 árbores. Tamén ordenou a pintura de moitos edificios antigos.[2] Os críticos coa súa política afirman que Rama está a centrar demasiado a atención sobre os cambios cosméticos sen fixarse en calquera dos grandes problemas como a escaseza de auga potable e electricidade.

En decembro de 2004, Edi Rama foi nomeado Mellor alcalde do mundo 2004, nunha competencia internacional baseada no voto directo por Internet, organizado pola organización comercial CITYMAYORS-non, que se atopa en Londres.[3]

Foi elixido pola revista Time como un dos heroes europeos de 2005, nunha homenaxe a 37 persoas que están a cambiar o mundo para mellor.[4]

O efecto máis criticado das súas políticas foi os moitos quioscos demolidos na cidade dende que asumiu a alcaldía. Nun intento de ampliar as estradas, autorizouse a demolición das propiedades privadas para que poidan ser pavimentadas, ampliando así as rúas. Foi acusado de corrupción e malversación de fondos pola oposición.[2]

Notas[editar | editar a fonte]

  1. Robinson, Matt (2013). "Albanians hand Socialists a landslide, wait on PM to concede"; Reuters; 25 June, 2013.
  2. 2,0 2,1 "Edi Rama - The Man with socialist and monarchist ideas"; Albania VIP; Saturday, April 29, 2005.
  3. von Hove, Tann (2005) Edi Rama, Maior of Tirana elected World Maior 2004; CityMajor.
  4. "European Heroes"; Times; Sunday, Oct. 30, 2005.