Na Galipedia, a Wikipedia en galego.
Alberto San Juan, nado en Madrid o 11 de xaneiro de 1968, é un actor español, fillo do debuxante de El País, Máximo.
Estudou Ciencias da Información e seguiu cursos na Escola de Cristina Rota. Logo dedicouse ó mundo da actuación tanto en cine como en teatro. En 1996 protagonizou a serie de televisión Más que amigos, dirixida por Daniel Écija. No cine estreouse ese mesmo ano con Airbag, de Juanma Bajo Ulloa. Posteriormente participou en producións de éxito coma Los lobos de Wáshington ou Entre las piernas.
Alberto San Juan foi nomeado ó Goya como mellor actor secundario por El otro lado de la cama, unha das películas máis taquilleiras de España durante o ano 2002. No teatro, Alberto San Juan protagonizou Alejandro y Ana. Lo que España no pudo ver del banquete de la boda de la hija del Presidente, da compañía Animalario, da que forma parte. En 2004 interpreta ó preso Juan José Garfia en Horas de luz con Emma Suárez como muller de Juanjo.