Mario Camus

Mario Camus
	; (2011)
Biografía
Nacemento	20 de abril de 1935 ; Santander
Morte	18 de setembro de 2021 (86 anos); Santander
Lugar de sepultura	Ciriego cementery
Actividade
Campo de traballo	Guión cinematográfico e dirección de cine
Lugar de traballo	España
Ocupación	guionista, guionista de cinema, escritor, director de cinema, realizador
Período de actividade	1959 - 2007
Premios
	(1993) Círculo de Escritores Cinematográficos, premiado polo traballo Sombras en una batalla; (1983) Oso de Ouro, premiado polo traballo La colmena; (1983) Medalla de Ouro ao Mérito nas Belas Artes; (1982) Círculo de Escritores Cinematográficos, premiado polo traballo La colmena ;

Mario Camus, nado o 20 de abril de 1935 en Santander (Cantabria) e finado o 17 de setembro de 2021,^[1] foi un director e guionista de cinema español.

Traxectoria

Estudou Dereito e posteriormente cursou estudos de cinema na Escola Oficial de Cinema. Pertenceu á xeración do "Nuevo Cine Español" (do castelán: Novo Cinema Español) da que forman parte, entre outros, Carlos Saura, Basilio Martín Patino, José Luís Borau, Julio Diamante, Miguel Picazo e Manuel Summers.

É recoñecida a súa mestría na adaptación de textos literarios ao cinema, como se comproba nas películas baseadas en obras de Calderón de la Barca e Lope de Vega (La leyenda del alcalde de Zalamea, 1972), Ignacio Aldecoa (Young Sánchez, 1964, Con viento solano, 1967 e Los pájaros de Baden-Baden, 1975), Pérez Galdós (a serie de televisión Fortunata y Jacinta), Camilo J. Cela (La colmena, 1982), Miguel Delibes (Los santos inocentes, 1984), García Lorca (La casa de Bernarda Alba, 1987).

Xunto a un cinema máis comercial ao servizo do cantante Raphael e de Sara Montiel nos anos sesenta e obras de xénero, como o western La cólera del vento (1970) ou as historias de amor conflitivo Volver a vivir (1968) e La nueva casada (1975), realizou as súas películas máis persoais xa na década do noventa, coa análise do terrorismo de ETA presente en Sombras en una batalla (1993) e La playa de los galgos (2002) e as fábulas críticas coa sociedade capitalista Después del sueño (1992), Encostados (1997) e El color das nubes (1998). Escribiu os libros de relatos Un fuego oculto (Madrid, 2003) e Apuntes del natural (Santander, 2007).

En 2011 recibiu o Premio Goya de honra.

Filmografía

Ano	Serie
2007	El prado de las estrellas
2002	La playa de los galgos
1999	La ciudad de los prodigios
1998	La vuelta de El Coyote
1997	El color de las nubes
1995	Adosados
1993	Sombras en una batalla
1992	Después del sueño
1990	La Mujer y el Pelele
1987	La rusa
1987	La casa de Bernarda Alba
1985	La vieja música
1984	Los santos inocentes
1982	La colmena
1978	Los días del pasado
1975	Los pájaros de Baden-Baden
1972	La leyenda del alcalde de Zalamea
1967	Con el viento solano
1964	Young Sánchez
1963	Muere una mujer

Televisión

Ano	Serie	Director/es
1990	La femme et le pantin (D)	Mario Camus
1990	La forja de un rebelde (G)	Manuel Octavio Gómez
1983	Los desastres de la guerra (D)	Mario Camus
1980	Fortunata y Jacinta (D)(G)	Mario Camus
1976	Pasajes con figuras (D)	Mario Camus
1976	Curro Jiménez (D)	Mario Camus, Antonio Drove, Pilar Miró, Rafael Romero Marchent, Francisco Rovira Beleta
1973	Los camioneros (D)	Mario Camus
1972	Si las piedras hablaran (D)	Mario Camus
1968	Cuentos y leyendas (D)	Mario Camus

(D) - Director; (G) - Guionista

Notas

↑ "Morre o director de cinema Mario Camus". Faro de Vigo. 18 de setembro de 2021. Consultado o 18 de setembro de 2021.

[1] "Morre o director de cinema Mario Camus". Faro de Vigo. 18 de setembro de 2021. Consultado o 18 de setembro de 2021.

[1]