Acordo Centroeuropeo de Libre Comercio

Na Galipedia, a Wikipedia en galego.
Saltar ata a navegación Saltar á procura
Acordo Centroeuropeo de Libre Comercio
Bandeira de Acordo Centroeuropeo de Libre Comercio
Bandeira
 
Situación de Acordo Centroeuropeo de Libre Comercio
 
Idioma oficial Albanés, bosníaco, croata, macedonio, montenegrino, romanés, serbio
Forma de goberno Organismo rexional
Superficie
 • Total

241 674 km²
Poboación
 • Total
 • Densidade

22 847 628 hab. (2011)
94,54 hab/km²
PIB (PPA)
 • Total
 • PIB per cápita

US$ 209 814 millóns
n/d
Sitio web http://www.cefta.int/

O Acordo Centroeuropeo de Libre Comercio (Central European Free Trade Agreement ou CEFTA, polas súas siglas en inglés) é un acordo comercial internacional entre países maioritariamente localizados no Sueste de Europa. Fundado por representantes de Polonia, Hungría e Checoslovaquia, o CEFTA ampliouse a Albania, Bosnia e Hercegovina, Bulgaria, Croacia, Moldavia, Montenegro, Macedonia do Norte, Romanía, Serbia, Eslovenia e a MINUK (en representación de Kosovo, de acordo coa UNSCR 1244).

Historia[editar | editar a fonte]

Historia dos membros do CEFTA dende 1992 a 2013. Todos os membros orixinais do pacto comercial convertéronse en membros da Unión europea (EU), polo que países do sueste de Europa, como Albania, Bosnia e Herzegovina, a MINUK (en representación de Kosovo), Montenegro e Serbia, entraron a formar parte e a dirixir o CEFTA.[a]
     Estados membros do CEFTA      Estados membros da UE

Acordo orixinal[editar | editar a fonte]

O acordo orixinal do CEFTA foi asinado, o 21 de decembro de 1992 en Cracovia (Polonia), polos países do Grupo Visegrád; é dicir, Polonia, Hungría, Chequia e Eslovaquia (naquela altura ambas parte de Checoslovaquia) e entrou en vigor en xullo de 1994.

A través do CEFTA, os países participantes agardaban mobilizar esforzos para pasar a formar parte das institucións da Europa Occidental e unirse así aos sistemas políticos, económicos, de seguranza e legais europeos; consolidando desta forma a democracia e a economía de libre mercado.

O acordo foi emendado polos acordos asinados o 11 de setembro de 1995 en Brno, República Checa e o 4 de xullo de 2003 en Bled, Eslovenia.

Eslovenia entrou a formar parte do CEFTA en 1996, Romanía en 1997, Bulgaria en 1999, Croacia en 2003 e Macedonia en 2006.

Acordo de 2006[editar | editar a fonte]

Todo os participantes do acordo orixinal forman agora parte da UE, polo que abandonaron o CEFTA. Aínda así decidiuse estender o CEFTA para cubrir ao resto dos países balcánicos, que xa completaran unha serie de acordos bilaterais de libre comercio encadrados no Pacto de Estabilidade para o Sueste de Europa. O 6 de abril de 2006, no Cume de Primeiros Ministros do Sueste de Europa en Bucarest, realizouse unha declaración conxunta de expansión do CEFTA a Albania, Bosnia e Hercegovina, Moldova, Serbia, Montenegro e a MINUK (en representación de Kosovo).[1] Tamén se discutiu a adhesión de Ucraína.[2] O acordo ampliado foi rubricado o 9 de novembro de 2006 en Bruxelas e asinado o 19 de decembro de 2006 no Cume de Primeiros Ministros do Sueste de Europa en Bucarest.[3] O acordo entrou en vigor o 26 de xullo de 2007 para Albania, Kosovo, Moldova, Montenegro e Macedonia; o 22 de agosto para Croacia; o 24 de outubro para Serbia; e o 22 de novembro de 2007 para Bosnia e Hercegovina. O obxectivo do acordo era establecer unha zona de libre comercio na rexión antes do 31 de decembro de 2010.

Despois da declaración de independencia de Kosovo, o 17 de febreiro de 2008, a MINUK continuou a representar a Kosovo en todas as reunións do CEFTA. A finais de 2008 Kosovo mudou os seus selos de aduanas substituíndo os da MINUK polos de Kosovo. Isto tivo como resultado un bloqueo comercial por parte de Serbia e Bosnia que non recoñecen a República de Kosovo.[4] O goberno de Pristina respondeu impondo o seu propio bloqueo ás importacións dende Serbia. A medida foi seguida de enfrontamentos nos postos fronteirizos en xullo de 2011.[5]

Relacións coa Unión europea[editar | editar a fonte]

Todos os anteriores países participantes asinaran con anterioridade acordos de asociación coa UE, polo que o CEFTA funciona de feito como unha preparación para para chegar a ser membro de pleno dereito da Unión Europea.[Cómpre referencia] Polonia, a República Checa, Hungría, Eslovaquia e Eslovenia uníronse á UE o 1 de maio de 2004, con Bulgaria e Romanía uníndose a continuación o 1 de xaneiro de 2007. Croacia uniuse o 1 de xullo de 2013.

Montenegro, Serbia, Albania e Macedonia do Norte levan en conversas para unha posíbel adhesión á UE dende 2012, 2014 e 2020.

Por recomendación do UE, os futuros membros prepáranse para a adhesión á UE establecendo áreas de libre comercio[Cómpre referencia]. Unha considerable proporción do comercio estranxeiro do CEFTA é con países da UE[Cómpre referencia].

Membros[editar | editar a fonte]

A 1 de xullo de 2013, os participantes do CEFTA son: Albania, Bosnia e Hercegovina, Moldavia, Montenegro, Macedonia do Norte, Serbia e a MINUK (en representación de Kosovo).

Os membros anteriores eran Bulgaria, Croacia, República Checa, Hungría, Polonia, Romanía, Eslovaquia e Eslovenia pero abandonaron a súa pertenza ao CEFTA cando pasaron a ser estados membros da Unión europea (UE).

Participantes do acordo Entrada    Saída   
Polonia Polonia 1992 2004
Hungría Hungría
República Checa República Checa[b]
Eslovaquia Eslovaquia[c]
Eslovenia Eslovenia 1996
Romanía Romanía 1997 2007
Bulgaria Bulgaria 1999
Croacia Croacia 2003 2013
Macedonia do Norte Macedonia do Norte[d] 2006
Flag of Albania.svg Albania 2007
Bosnia e Hercegovina Bosnia e Hercegovina
Moldavia Moldavia
Montenegro Montenegro
Serbia Serbia
Organización das Nacións Unidas MINUK (en representación de Kosovo)

Criterios de afiliación[editar | editar a fonte]

Criterios anteriores da Declaración de Poznań:

Criterios actuais dende a reunión de Zagreb en 2005:

  • Membro da Organización Mundial do Comercio ou compromiso de respectar todas as súas normas.
  • Calquera acordo de asociación coa Unión Europea.
  • Tratados de libre comercio cos actuais estados membro do CEFTA.

Membros actuais[editar | editar a fonte]

Participantes do acordo Adhesión Poboación
Área (km²)
Capital PIB per capita (PPP)
Albania Albania 1 de xaneiro de 2007 70062862427000000002.862.427 700428748000000000028.748 Tirana 40 151 13,991
Bosnia e Hercegovina Bosnia e Hercegovina 70063502550000000003.502.550 700451209000000000051.209 Sarajevo 51 996 15,935
Moldavia Moldavia 70063547539000000003.547.539 700433843000000000033.843 Chişinău 35 906 13,879
Montenegro Montenegro 7005622182000000000622.182 700414026000000000014.026 Podgorica 12 608 20,084
Macedonia do Norte Macedonia do Norte 1 de xaneiro de 2006 70062077132000000002.077.132 700425713000000000025.713 Skopje 34 694 16,486
Serbia Serbia 1 de xaneiro de 2007 70066963764000000006.963.764 700477474000000000077.474 Belgrado 141 927 20,544
Organización das Nacións Unidas MINUK (en representación de Kosovo) 70061795666000000001.795.666 700410908000000000010.908 Pristina 23 524 13,017


Notas[editar | editar a fonte]

  1. Kosovo é motivo dunha disputa territorial entre a República de Kosovo e a República de Serbia. A República de Kosovo declarou unilateralmente a independencia o 17 de febreiro de 2008. Serbia mantén que é parte do seu territorio soberano. Os dous gobernos comezaron a normalizar relacións en 2013, como parte do Tratado de Bruxelas. Kosovo é recoñecido como un estado independente por 97 dos 193 estados membros das Nacións Unidas. En total, 112 estados membros da ONU recoñeceron a Kosovo nalgún momento, dos que 15 retiraron o recoñecemento máis tarde.
  2. Ata o 1 de xaneiro de 1993 parte de Checoslovaquia.
  3. Ata o 1 de xaneiro de 1993 parte de Checoslovaquia.
  4. Ata 2019 chamada República de Macedonia.
Referencias
  1. "Kosovo to begin CEFTA negotiations". ECIKS (en inglés). 29 de xuño de 2006. Consultado o 20 de xaneiro de 2022. 
  2. "Ukraine, Croatia broaden ties" (en inglés). UNIAN. 6 de xullo de 2006. Consultado o 20 de xaneiro de 2022. 
  3. "Central European Free Trade Agreement (CEFTA) initialled" (PDF). EU in Kosovo (en inglés). 10 de novembro de 2006. Arquivado dende o orixinal (PDF) o 27 de febreiro de 2008. Consultado o 20 de xaneiro de 2022. 
  4. "Kosovo in CEFTA: in or Out?" (PDF). GAP Institute (en inglés). 29 de marzo de 2011. Consultado o 20 de xaneiro de 2022. 
  5. "Kosovo Serbs block disputed border crossings". The Australian (en inglés). 16 de setembro de 2011. Consultado o 20 de xaneiro de 2022. 
  6. Data for 2015. International Monetary Fund, World Economic Outlook Database

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]