Xesta branca

Na Galipedia, a Wikipedia en galego.
Xesta branca
Xesta branca (Cytisus multiflorus) en  Póvoa de Lanhoso, Portugal
Xesta branca (Cytisus multiflorus) en Póvoa de Lanhoso, Portugal
Clasificación científica
Reino: Plantae
División: Magnoliophyta
Clase: Magnoliopsida
Orde: Fabales
Familia: Fabaceae
Subfamilia: Faboideae
Tribo: Genisteae
Xénero: Cytisus
Especie: 'C. multiflorus'
Nome binomial
''Cytisus multiflorus''
(L´Hér.) Sweet

A xesta branca (Cytisus multiflorus) é un arbusto da familia das fabáceas. Trátase dunha xesta característica polas súas flores de cor branca (a maioría das xestas teñen as flores amarelas). En Galicia é frecuente nas montañas interiores de Lugo e Ourense.

Descripción[editar | editar a fonte]

Arbusto ergueito que pode acadar e superar os 2 m de altura, con pólas angulosas e flexíbeis: as novas aveludadas e estriadas.

As follas son caedizas, verdes e de dous tipos. As inferiores son compostas trifoliadas case sentadas, de apenas 1cm. As superiores son simples, alongadas, lanceoladas e sedosas no face.

As Flores a xeito de bolboreta, son brancas, de 9 a 12 mm, con pétalos case iguais e estandarte desprovisto de pelos ao dorso. Aparecen en gran número ao longo das pólas, illadas ou en acios de dous ou tres, sempre nacendo das axilas das follas e formando en conxunto longas inflorescencias. Cáliz acampanado, aveludado e dividido en 2 labios diverxentes. Corola de 9-12 mm cos pétalos da mesma lonxitude; estandarte sen pelos no dorso, ergueito e escotado, matizado de vermello na base. Florea de maio a xullo.

Froito: legume moi aplastado, aveludado, de até 3 cm de longo.

Hábitat[editar | editar a fonte]

En terreos silíceos, principalmente graníticoss, gnéisicos e de cuarcitas, entre rochas ou en lugares fragosos e pedrentos, en clareiros e estremas dos bosques. Nas matogueiras altas ou piornais dos pisos inferior ou montano, até uns 1.500 m de altitude.

En Galicia é na zona interior e montañosa do país, nos piornais altos, en solos non calcareos. Adoita medrar nos pisos da aciñeira ou do cerquiño.

Distribución[editar | editar a fonte]

De xeito natural unicamente na Península Ibérica, repartido polo centro e metade occidental, dende Galicia e Asturias, até Estremadura e Montes de Toledo, incluíndo as provincias de León, Zamora, Ávila, Madrid, Ciudad Real etc. En Portugal está moi extendido, chagando até o Algarve. Naturalizouse en Italia, Francia, Inglaterra, Estados Unidos e Nova Zelandia,[1] considerándose planta invasora.

Citoloxía[editar | editar a fonte]

Números cromosomáticos de Cytisus multiflorus (Fam. Leguminosae) e taxons infraespecificos: 2n=48[2]

Sinonimia[editar | editar a fonte]

Nome común[editar | editar a fonte]

Tamén recibe en galego os nomes de pirono branco e codeso branco (non confundir con outras especies).

Ter tamén en conta que se lle chama tamén xesta branca a outros arbustos coma:

  • Genista florida L., xesta pudia, xesta branca (a flor non é branca senón amarela, mais ten un veludo abrancazado)
  • Osyris alba.

Notas[editar | editar a fonte]

  1. Guía de los árboles y arbustos de la Península Ibérica y Baleares (3ª ed.). ISBN 10: 84-8476-312-9.
  2. Contribuiçao para o conhecimento citotaxonómico das spermatophyta de Portugal. IX. Cruciferae Fernandes, A., M. F. Santos & M. Queirós. Bol. Soc. Brot. ser. 2 51: 137-186 (1977).
  3. http://www.ildis.org/LegumeWeb?version~10.01

Véxase tamén[editar | editar a fonte]

Wikispecies-logo.svg
Wikispecies posúe unha páxina sobre: Xesta branca
Commons
Commons ten máis contidos multimedia na categoría: Xesta branca Modificar a ligazón no Wikidata

Outros artigos[editar | editar a fonte]