Walt Whitman

Na Galipedia, a Wikipedia en galego.
Walt Whitman
Walt Whitman - George Collins Cox.jpg
Walt Whitman no ano 1887 en New York por George C. Cox.
Datos persoais
Nacemento 31 de maio de 1819
Lugar West Hills, condado de Suffolk, Nova York
Falecemento 26 de marzo de 1892
Lugar Camdem, Nova Jersey
Soterrado {{{soterrado}}}
Soterrada {{{soterrada}}}
Residencia {{{residencia}}}
Nacionalidade {{{nacionalidade}}}
Cónxuxe {{{cónxuxe}}}
Fillos {{{fillos}}}
Relixión {{{relixión}}}
Actividade
Lingua {{{lingua}}}
Lingua inglesa
Período {{{período}}}
Movemento {{{movemento}}}
Xéneros
Princ. obras {{{obras}}}
Alma mater {{{alma_mater}}}
Estudos {{{estudos}}}
Ocupación {{{ocupación}}}
Profesión {{{profesión}}}
Organización {{{organización}}}
Cargos {{{cargos}}}
Premios {{{premios}}}
[[Ficheiro:|centro|]]
{{{web}}}

Walt Whitman, nado en West Hills, condado de Suffolk, Nova York, o 31 de maio de 1819 e falecido en Camden, Nova Jersey, o 26 de marzo de 1892, foi un poeta norteamericano, considerado un dos maiores da súa nacionalidade.

Foi o primeiro poeta que experimentou as posibilidades do verso libre, servíndose dunha linguaxe sinxela e moi achegada á prosa, á vez que creaba unha nova mitoloxía para a nova nación estadounidense, segundo os postulados do americanismo emerxente. O individualismo, os relatos das súas propias experiencias, un tratamento revolucionario do impulso erótico e a crenza nos valores universais da democracia son os trazos novidosos da súa poética; na liña co romanticismo do momento. Propuxo na súa poesía unha comuñón entre os homes e a natureza de signo achegado ao panteísmo. Tanto polos seus temas como pola forma, a poesía de Whitman arredábase de todo canto se entendía habitualmente por poético, aínda que soubo crear cos novos materiais momentos de fondo lirismo.

A súa obra, concentrada nas sucesivas edicións de Follas de herba, é referencia indispensable en gran parte dos poetas modernos.

Traxectoria[editar | editar a fonte]

Fillo de nai holandesa e pai británico, foi o segundo dos nove fillos dunha familia con escasos recursos económicos. Tivo un breve paso pola escola e dende moi novo viuse na obriga de traballar, primeiro como mestre itinerante, a pesar do seu escaso coñecemento académico, e máis trade nunha imprenta.

Foi alí onde espertou a súa afección polo xornalismo, interere que lle levou a traballar en varios diarios e revistas de Nova York. Nomeado director do "Brooklyn Eagle" en 1846, permaneceu no cargo só dous anos debido a súa desconformidade coa liña abertamente proesclavista defendida polo xornal. A súa afección pola ópera (xénero que influíu na súa obra poética de grande xeito) permitiulle coincidir nunha noite de estrea cun dirixente do xornal Nueva Orleans Crescent, quen o convenceu para que deixase Nova York e aceptase unha oferta para traballar no diario.

Durante a viaxe ao sur, que emprendeu en 1848, tivo a oportunidade de contemplar unha realidade, a de provincias, para el totalmente descoñecida e que, en definitiva, sería decisiva para a súa carreira futura. Por todo este conxunto de experiencias, cando regresou a Nova York, uns meses despois, abandonou o xornalismo e se entregou por enteiro á escritura.

A primeira edición da súa gran obra, pese a todo, non saíu do prelo ata 1855. Esta primeira edición de Follas de Herba (Leaves of grass) (habería outras oito en vida do poeta) constaba de doce poemas, todos eles sen título, e foi o propio Whitman quen se encargou de editalos e de levalos á imprenta. Dos mil exemplares da tirada, Whitman vendeu poucos e regalou a maioría, un deles a Ralph Waldo Emerson, importante figura da escena literaria estadounidense e o seu primeiro admirador. A súa crítica, moi positiva, motivou a Whitman para seguir escribindo, a pesar da súa ruinosa situación económica e da nula repercusión que, polo xeral, tiveran os seus poemas.

Ao ano seguinte apareceu a segunda edición e, catro anos máis tarde, a terceira, que ampliou cun poema de presentación e outro de despedida. A noticia de que o seu irmán George fora ferido ao comezo da Guerra Civil, impulsou a Whitman abandonar Nova York e acudir a Fredericksburg para poder miralo. Máis tarde trasladaríase a Washington D.C. onde, apesarado polo sufrimento dos soldados feridos, traballou voluntariamente como axudante de enfermería. Tralo fin da contenda estableceuse en Washington, onde traballou para a Administración. Alí publicou varios ensaios de contido político, nos cales defendía os ideais democráticos, pero rexeitaba o materialismo que, ao seu parecer, impregnaba a vida e as aspiracións da sociedade estadounidense.

No 1873, gravemente enfermo viuse na obriga de abandonar Washington e trasladarse a Camden, en Nova Jersey, onde permaneceu ata a súa morte. Adicou os últimos anos da súa vida a revisar a súa obra poética, e a escribir novos poemas que foi incluíndo nas sucesivas edicións de Follas de herba.

Obra[editar | editar a fonte]

  • Follas de herba (Leaves of Grass), obra que modificou ó longo da súa vida.

Véxase tamén[editar | editar a fonte]

Commons
Commons ten máis contidos multimedia sobre: Walt Whitman
Galifontes
A Galifontes posúe escritos orixinais acerca de: Walt Whitman
Wikiquote
A Galicitas posúe citas sobre: Walt Whitman

Bibliografía[editar | editar a fonte]

  • Oda a Walt Withman. Poeta en Nueva York, Federico García Lorca.
  • Canto de min mesmo. Walt Whitman. Tradución de Xosé Manuel Freire, publicado no 2001 en Edicións Positivas.

Ligazóns externas[editar | editar a fonte]