Víctor Ledo Estévez

Ledo
Información persoal
Nome	Víctor Ledo Estévez
Nacemento	25 de xullo de 1937
Lugar de nacemento	Ferrol
Falecemento	14 de febreiro de 2010
Altura	1,68 m.
Posición	Centrocampista
Carreira xuvenil
	Berton
	Cervás
	Eumesa
1956-1958	Arsenal
Carreira sénior
Anos	Equipos	Aprs	(Gls)
1958–1959	Lugo
1959–1961	Racing de Ferrol
1961–1962	Deportivo da Coruña	10	(2)
1962–1964	Constancia de Inca	48	(15)
1964–1965	Elche
1965–1974	Racing de Ferrol
Partidos e goles só en liga doméstica. [ editar datos en Wikidata ]

Víctor Ledo Estévez, nado no barrio de Caranza (Ferrol) o 25 de xullo de 1937 e finado na mesma cidade o 14 de febreiro de 2010, foi un futbolista galego. Xogaba na demarcación de centrocampista.

Traxectoria

Comezou a xogar ao fútbol no Bertón de Caranza, equipo do seu barrio. Despois pasou por diversos equipos, Cervás SD Eumesa e Arsenal. Despois fichou polo CD Lugo onde só xogaría unha tempada antes de fichar polo Racing de Ferrol, onde xogou dúas tempadas. Despois fichou polo Deportivo da Coruña pero tralo ascenso do club a Primeira División foi traspasado ao CE Constància d'Inca en 1962 e despois ao Elche CF en 1964.

No ano 1965 volve ao Racing de Ferrol, onde permaneceu ata o remate da tempada 1973/74. Entre as dúas etapas militou no equipo de Ferrol trece tempadas, sendo o máximo goleador do equipo en moitas delas.

Retirouse do fútbol en activo nun encontro amigábel de homenaxe, entre o Racing de Ferrol e un equipo de antigos xogadores, coma Pedro Amado, Juan Fernández, Santiago Castro ou Fernández Amado. Coma recoñecemento tamén recibiu a Insignia de ouro do club no ano 2001.

Faleceu no ano 2010 con 72 anos, sendo o Vicepresidente da Asociación de veteranos do Racing e Arsenal.