Pseudopleuronectes herzensteini
| Pseudopleuronectes herzensteini Limanda castaña xaponesa | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Clasificación científica | |||||||||||||||||||||||||||
| |||||||||||||||||||||||||||
| Nome binomial | |||||||||||||||||||||||||||
| Pseudopleuronectes herzensteini (Jordan & Snyder, 1901) | |||||||||||||||||||||||||||
Pseudopleuronectes herzensteini é un peixe teleósteo da orde dos pleuronectiformes, familia dos pleuronéctidos e subfamilia dos pleuronectinos,[1] unha das cinco que integran o xénero Pseudopleuronectes,[2] coñecida en galego como limanda castaña xaponesa.[3]
É un peixe mariño, demersal, oceanódromo, de certa importancia comercial, que habita en augas temperadas do Pacífico noroeste, nas costas do mar do Xapón, as illas Kuriles, a illa de Sakhalin, Corea, mar Amarelo e mar da China Oriental.[4]
Pode alcanzar até 50 cm de lonxitude, aínda que comunmente rolda os 28,5 cm. O seu peso máximo rexistrado é de 1,3 kg, e pode chegar a vivir 15 anos.[4]
Taxonomía[editar | editar a fonte]
Descrición[editar | editar a fonte]
A especie foi descrita en 1901 polos ictiólogos estadounidenses David Starr Jordan e John Otterbein Snyder, baixo o nome de Limanda herzensteini.[1][5]
Sinónimos[editar | editar a fonte]
Ademais de polo nome actualmente válido, e polo orixinario que lle deron Jordan e Snyder, a especie coñécese tamén polos seguintes sinónimos:[1]
- Limanda angustirostris Jordan & Starks, 1906
- Limanda angustirostris maculosa Pavlenko, 1910
- Pleuronectes herzensteini (Jordan & Snyder, 1901)
- Pleuronectes japonicus Herzenstein, 1890
Etimoloxía[editar | editar a fonte]
O nome Limanda, que adoptou Gottsche para o xénero por el creado, e que foi no que Jordan e Snyder incluíron a especie, é un termo do latín científico tirado do francés limande "limanda", que á súa vez deriva do francés antigo lumande, e este do latín lima, "lima" (utensilio dos carpinteiros), ao que lle engadiu o sufixo -ande; estes peixes serían así denominado a causa da rugosidade da súa pel, no sentio de que era 'boa para limar'.[6][7]
O nome do xénero no que actualmente se siúia esta especie, Pseudopleuronectes, está construído coa forma prefixa do latín científico pseudo-, tirada da do grego antigo ψεῦδο- pseũdo-,[8] derivada de ψευδής, pseudḗs, "falso", e o nome do xénero Pleuronectes. Literalmente: "as falsas sollas", ou "os parecidos ás sollas".
En canto ao nome específico, herzensteini, é unha homenaxe que Jordan e Snyder lle fixeron ao zoólogo ruso Solomon Márkovich Herzenstein (1854 - 1894).
Pesca[editar | editar a fonte]
Pseudopleuronectes herzensteini captúrase na zona de pesca 61 (Pacífico noroeste).[3]
Notas[editar | editar a fonte]
- ↑ 1,0 1,1 1,2 Pseudopleuronectes herzensteini (Jordan & Snyder, 1901) no WoRMS.
- ↑ Pseudopleuronectes Bleeker, 1862 no WoRMS.
- ↑ 3,0 3,1 Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8, p. 82.
- ↑ 4,0 4,1 Pseudopleuronectes herzensteini (Jordan & Snyder, 1901) en FishBase.
- ↑ Por este nome, sinónimo do actualmente válido, é como identifican a especie Lahuerta e Vázquez no seu Vocabulario multilingüe.
- ↑ Limande en Le Trésor de la Langue Française informatisé (TLF).
- ↑ Webster's New International English Dictionary. Webster. 2012.
- ↑ pseudo- no DRAE.
Véxase tamén[editar | editar a fonte]
Bibliografía[editar | editar a fonte]
- Cooper, J. A. & F. Chapleau (1998): "Monophyly and intrarelationships of the family Pleuronectidae (Pleuronectiformes), with a revised classification". Fish. Bull. 96 (4): 686-726.
- Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
Outros artigos[editar | editar a fonte]
Ligazóns externas[editar | editar a fonte]
- Pseudopleuronectes herzensteini na EOL. Contén informacións, unha imaxe e mapa de distribución (en inglés)