Peixe limón

Na Galipedia, a Wikipedia en galego.
Seriola dumerili
Seriola dumerili by NPS.jpg
Clasificación científica
Reino: Animalia
Filo: Chordata
Clase: Actinopterygii
Orde: Perciformes
Familia: Carangidae
Xénero: 'Seriola'
Especie: ''S. dumerili''
Nome binomial
''Seriola dumerili''
Risso, 1810
Sinonimia
  • Caranx dumerili Risso, 1810
  • Seriola dumerilii (Risso, 1810)
  • Seriola purpurascens Temminck e Schlege, 1845
  • Seriola purpurescens Temminck e Schlege, 1845

O peixe limón (Seriola dumerili) é unha especie de peixe perciforme da familia Carangidae.[1] Non se recoñecen subespecies.[1]

Descrición[editar | editar a fonte]

Seriola dumerili

Ten o corpo aplanado lateralmente e alongado.[2] Os ollos son pequenos e o fociño redondeado e longo, coa mandíbula inferior un pouco prominente e a boca larga.[2] A súa coloración é azulada polo dorso e branca prateada na zona ventral.[3] Algúns exemplares poden presentar unha liña difusa de cor amarela ao longo dos flancos.[4] A liña lateral encóntrase levemente arqueada na súa parte anterior, non mostra placas óseas e presenta de 150 a 180 escamas de pequeno tamaño ao longo da misma.[5] Ten dúas aletas dorsais e a aleta anal atópase precedida por dúas espiñas.[5]

Os alevíns teñen liñas transversais de cor escuro sobre un fondo amarelado.[2]

Alcanza unha lonxitude máxima de 160 cm e un peso de 60 kg.[6]

Distribución e hábitat[editar | editar a fonte]

A súa distribución é circunglobal, encontrándose no océano Índico, no Pacífico occidental e no Atlántico, de Nova Escocia (Canadá) a Brasil, e desde as illas Británicas até Marrocos, así como no mar Mediterráneo.[3] É propio de augas subtropicais, principalmente asociado aos arrecifes.[3] Os exemplares novos están ocasionalmente baixo o sombreiro de escifomedusas.[7]

Comportamento[editar | editar a fonte]

É de hábitos peláxicos ou epibentónicos.[5] Pode nadar en solitario ou tamén formar grupos.[5]

Reprodución[editar | editar a fonte]

Os machos alcanzan a madurez sexual aos catro anos e as femias aos cinco.[4] O periodo de desove ten lugar en primavera e verán, dependendo da zona de distribución.[2]

Alimentación[editar | editar a fonte]

A súa alimentación componse principalmente de crustáceos, calamares e alevíns.[2]

Notas[editar | editar a fonte]

  1. 1,0 1,1 Sistema Integrado de Información Taxonómica. "Seriola dumerili (TSN 168689)" (en inglés). http://www.cbif.gc.ca/pls/itisca/next?v_tsn=168689&p_ifx=&p_lang=en.
  2. 2,0 2,1 2,2 2,3 2,4 Terofal, F. e Militz, C. (2005) (en español). Peces de Mar. Barcelona, España: Editorial Blume. pp. 290. ISBN 84-8076-268-3.
  3. 3,0 3,1 3,2 Modelo:FishBase species
  4. 4,0 4,1 A. B. Armenta Ramírez (2007) (en español). Modelo Insumo-Producto (Integración de la Matriz Insumo-Producto). Villahermosa, Tabasco, México: Univ. J. Autónoma de Tabasco. pp. 532. ISBN 978-968-9024-29-3.
  5. 5,0 5,1 5,2 5,3 Corbera, J., Sabatés, A. e García-Rubies, A. (1996) (en español). Peces de Mar de la Península Ibérica. Barcelona, España: Planeta. pp. 314. ISBN 84-08-01799-3.
  6. F. Cervigón, R. Cipriani, W. Fischer, L. Garibaldi, M. Hendrickxx, A. J. Lemus, R. Márquez, J. M. Poutiers, G. Robaina e B. Rodríguez (1992) (en español). Guía de Campo de Las Especies Comerciales Marinas y de Aguas Salobres de la Costa Septentrional de Sur América. Roma, Italia: FAO. pp. 602. ISBN 9789689024293.
  7. Riedl, R. (2011) (en español). Fauna y Flora del Mar Mediterráneo. Barcelona, España: Ediciones Omega. pp. 904. ISBN 978-84-282-0767-6.

Véxase tamén[editar | editar a fonte]

Commons
Commons ten máis contidos multimedia na categoría: Peixe limón
Wikispecies-logo.svg
Wikispecies posúe unha páxina sobre: Peixe limón

Ligazóns externas[editar | editar a fonte]