Mono (grupo musical)

Na Galipedia, a Wikipedia en galego.
(Redirixido desde "Mono (banda)")
Mono
Mono nun concerto en Estocolmo, Suecia, en maio de 2005.
Orixe Tokio, Xapón
Período 1999 - actualidade
Xénero(s) post-rock
Selo(s) discográfico(s) Tzadik Records
Music Mine
Vynil Records
Temporary Residence
Membros Yoda
Takaakira Goto
Tamaki Kunishi
Yasunori Takada

Mono é unha banda xaponesa de post-rock formada en 1999 en Tokio. Os seus membros son Takaakira Goto (guitarra), Yoda (guitarra), Tamaki Kunishi (baixo, guitarra, piano e glockenspiel) e Yasunori Takada (percusión, glockenspiel e sintetizador).

Até estes momentos Mono publicou cinco álbums de estudo. Pasaron os seus primeiros anos de existencia dando concertos por Asia, Europa e América e publicaron dous álbums, Under the Pipal Tree (2001) e One Step More and You Die (2002) en Tzadik Records e Music Mine respectivamente.

De 2004 a 2007, Mono firmou con Temporary Residence Limited e publicou dos álbums máis: Walking Cloud and Deep Red Sky, Flag Fluttered and the Sun Shined (2004) e You Are There (2007), coas súas correspondentes xiras de promoción. En 2008, a banda tomou un descanso que durou un ano até a súa seguinte obra, Hymn to the Immortal Wind (2009).

O estilo da banda está influido polo shoegaze e o rock experimental, así como polo clasicismo e a música clásica contemporánea, con trazas de minimalismo. O son de Mono caracterízase polo uso da reverberación, a distorsión e o delay nas guitarras de Goto e Yoda. As actuacións en público do grupo acostuman a seren intensas, tanto na súa maneira de tocar como no se dinamismo.

Historia[editar | editar a fonte]

Mono fúndase en Tokio en outubro de 1999 con tres membros: Goto e Yoda nas guitarras, e Takada na batería. En xaneiro de 2000 celebran o seu primeiro gran concerto e dous meses despois úneselles Tamaki no baixo.

En setembro de 2000 editan o seu primeiro EP: Hey, You e tocan antes de que acabe o ano no Mercury Lounge de Nova York. Na primavera de 2001 participan no festival SXSW de Texas. En novembro editan Under the Pipal Tree, no selo de John Zorn, co que tocan tanto en Estados Unidos como en Suecia, sendo a súa primeira actuación en directo en Europa.

En 2002 editan One Step More and You Die e volven a tocar no SXSW, antes de comezar a súa primeira gran xira por USA con 22 concertos.

Desde o seu terceiro disco os lanzamentos xa se producen a nivel internacional, producíndose así en 2005 a súa primeira xira por Europa.

En 2006 editan You Are There en Xapón, Corea, Europa e EEUU. O produtor deste terceiro traballo é Steve Albini (Nirvana, Pixies, Zao).

Reedítase o seu segundo traballo en Europa e América, en maio e xuño viaxan por EEUU con Pelican (cos que teñen un split EP) e en xullo xiran de novo por Europa.

En setembro editan no selo norteamericano Temporary Residence un disco en colaboración con World's End Girlfriend, proxecto que opta máis pola electrónica, o CD Palmless Prayer - Mass Murder Refrain, cun son menos post rock e máis ambiental.

En setembro de 2007 o selo norteamericano publica a colección de rarezas titulada Gone e en Xapón o seu primeiro DVD, The Sky Remains The Same As Ever, dirixido por Teppei Kishida.

Coincide cunha nova xira norteamericana, anunciada como a última antes de retirarse dos escearios para preparar un novo disco para 2008. Tras actuar xunto a Envy no décimo aniversario da sala Liquid Room de Tokio, finalmente anuncian unha nova xira europea durante o mes de novembro e un último concerto en Xapón.

Discografía[editar | editar a fonte]

Ano Título Formato Selo Notas
2000 Hey, You EP
2001 Under the Pipal Tree CD
2003 One Step More and You Die CD
2004 New York Soundtracks CD Remestura de One Step More and You Die
2004 Walking Cloud and Deep Red Sky, Flag Fluttered and the Sun Shined CD Temporary Residence
2005 Mono/Pelican Split EP
2006 You Are There LP Temporary Residence
2006 Memorie dal futuro Single Vynil Records
2006 Palmless Prayer - Mass Murder Refrain LP Temporary Residence En colaboración con World's End Girlfriend
2007 Gone LP Temporary Residence
2007 The Sky Remains the Same As Ever DVD Dirixido por Teppei Shikida
2009 Hymn to the Immortal Wind LP

Véxase tamén[editar | editar a fonte]

Ligzóns externas[editar | editar a fonte]

Commons
Commons ten máis contidos multimedia na categoría: Mono