Mesosfera

Na Galipedia, a Wikipedia en galego.
Atmosfera terrestre
Termosfera
Mesopausa
Mesosfera
Estratopausa
Estratosfera
Tropopausa
Troposfera
Ver tamén: Ionosfera, Exosfera, Cinto de Van Allen,
Capa de ozono, Magnetosfera.


Capas da atmosfera.

En meteoroloxía denomínase mesosfera a parte da atmosfera situada por riba da estratosfera, desde a estratopausa (zona de contacto entre a estratosfera e a mesosfera), e por debaixo da termosfera. Na mesosfera a temperatura diminúe a medida que aumenta a altura, até chegar a uns -80 °C aos 80 quilómetros aproximadamente. É a zona máis fría da atmosfera.

A mesosfera, que se estende entre os 50 e 80 km de altura, contén só aproximadamente o 0,1% da masa total do aire. É importante pola ionización e as reaccións químicas que acontecen nela. A baixa densidade do aire na mesosfera determina a formación de turbulencias e ondas atmosféricas que actúan a escalas espaciais e temporais moi grandes. A mesosfera é a rexión onde as naves espaciais que volven á Terra empezan a notar a estrutura dos ventos de fondo, e non só o freo aerodinámico. Tamén, nesta capa, é onde se forman as estrelas fugaces, que son meteoroides que se desintegraron na termosfera.