Meteoroloxía

Na Galipedia, a Wikipedia en galego.
Estación meteorolóxica no IES García Barros da Estrada.

A meteoroloxía (do grego μετέωρο, meteoro, "partículas en suspensión no alto do ceo" e λόγος, logos, "coñecemento, discurso") é unha ciencia de tipo interdisciplinar que parte da física, da química e da matemática para estudar o clima e os fenómenos atmosféricos, tales como as nubes, as depresións e as precipitacións, para comprender como se forman e evolucionan.

A meteoroloxía é unha disciplina que utiliza principalmente a mecánica dos fluídos, aplicada ó aire, pero tamén outras ramas da física, así como da química e a matemática.

Aplicación e utilidade[editar | editar a fonte]

A meteoroloxía moderna permite establecer as previsións da evolución do tempo apoiándose en modelos matemáticos a curto e a longo prazo. Tamén se utiliza para predecir a calidade do aire (polución, cantidade do pole no aire...), os cambios climáticos e para o estudo para outras actividades humanas: riscos naturais, construción, tráfico aéreo, navegación, etc.

Fenómenos meteorolóxicos[editar | editar a fonte]

Os fenómenos meteorolóxicos (meteoros) están condicionados polas circunstancias atmosféricas e dependen da temperatura, a presión atmosférica e o vapor de auga, que interaccionan e mudan co paso do tempo.

Aparellos usados en meteoroloxía[editar | editar a fonte]

Véxase tamén[editar | editar a fonte]

Outros artigos[editar | editar a fonte]