Liga Mexicana de Béisbol

A Liga Mexicana de Béisbol, ou LMB, é o principal campionato de liga de béisbol profesional que se disputa en México. Trátase dunha liga de verán, a diferencia doutras ligas de béisbol mexicanas menos importantes que discorren durante os meses de outono e inverno (como a Liga Mexicana do Pacífico, ou LMP). Así pois, a LMB comeza cada ano en marzo, e remata en agosto cos play offs.

Polo número de espectadores que enchen os estadios, a LMB é a 4ª liga de béisbol mais importante do mundo, despois da MLB norteamericana, da NPB xaponesa e da KBO surcoreana.

Liga menor

Foro Sol, en Cidade de México, fogar dos Diablos Rojos.

A Liga Mexicana de Béisbol naceu no ano 1925, e dende 1955 forma parte do béisbol organizado norteamericano. A LMB é unha minor league de nivel AAA, o que quere dicir que ten a máxima categoría dentro da estrutura das ligas menores da MLB norteamericana. As ligas menores son torneos asociados á MLB nas que os equipos traballan cos seus xogadores, con promesas saídas do sistema deportivo universitario norteamericano e con outros xogadores que os equipos da MLB queren poñer a proba. Moitos equipos da Liga Mexicana de Béisbol teñen acordos asinados en exclusiva con equipos da Major League Baseball para a cesión de xogadores. A Liga Mexicana de Béisbol ten a particularidade de ser a única competición pertencente ó béisbol organizado norteamericano que está enteiramente fora dos Estados Unidos.

Formato

O campionato 2011 se xogará a 40 series, 24 fronte a rivais da mesma zona (4 fronte a cada equipo, 2 como local e 2 como visitante), e 14 fronte a rivais da outra zona (2 fronte a cada equipo, 1 como local e 1 como visitante). Os primeiros 90 encontros se xogarán en series de 3 (30 series), mentres que as series restantes se xogarán a 2 partidos (10 series). En total cada equipo xogará 110 encontros. No medio da tempada regular, a finais de maio, se xogará un "encontro das estrelas".

Ó remate da tempada regular, o 4 mellores equipos de cada zona xogarán os play offs. Primeiro xogarán o 1º de cada zona fronte ó 4º, e o 2º fronte ó 3º, en eliminatorias ó mellor de 7 encontros. Despois os gañadores de cada eliminatoria se enfrontarán entre sí nas Series do campionato ó mellor de 7 encontros. Os equipos campións de cada Zona (Norte e Sur), se enfrontan por último nas Series Finais, tamén ó mellor de 7 encontros, e o gañador é o Campión da Liga Mexicana de Béisbol. Nas Series Finais ten vantaxe de campo o equipo pertencente á Zona que gaña no "encontro das estrelas".

Equipos

O torneo estará composto na tempada 2011 por 14 equipos, 2 menos do habitual (por razóns económicas), divididos en dúas zonas, norte e sur.

Localización dos equipos:

Zona Norte

Zona Sur

Vaqueros

Sultanes

Acereros

Broncos

Saraperos

Diablos

Pericos

Guerreros

Petroleros

Olmecas

Rojos

Piratas

Leones

Tigres

Zona	Equipo	Cidade	Estadio	Aforo
Norte	· Acereros de Monclova	Monclova, Coahuila	Estadio Monclova	9.000
	· Broncos de Reynosa	Reynosa, Tamaulipas	Estadio Adolfo López Mateos	7.000
	· Diablos Rojos del México	Cidade de México	Foro Sol	26.000
	· Pericos de Puebla	Puebla, Puebla	Estadio Hermanos Serdán	12.112
	· Saraperos de Saltillo	Saltillo, Coahuila	Estadio Francisco I. Madero	16.000
	· Sultanes de Monterrey	Monterrey, Nuevo León	Estadio de Béisbol Monterrey	27.000
	· Vaqueros Laguna	Torreón, Coahuila	Estadio Revolución	12.000
Sur	· Guerreros de Oaxaca	Oaxaca, Oaxaca	Estadio Lic. Eduardo Vasconcelos	7.200
	· Leones de Yucatán	Mérida, Yucatán	Estadio Kukulcán	13.600
	· Olmecas de Tabasco	Villahermosa, Tabasco	Parque Centenario 27 de Febrero	10.500
	· Petroleros de Minatitlán	Minatitlán, Veracruz	Parque 18 de marzo de 1938	7.500
	· Piratas de Campeche	Campeche, Campeche	Estadio Nelson Barrera Romellón	6.000
	· Rojos del Águila de Veracruz	Veracruz, Veracruz	Estadio Universitario Beto Ávila	7.782
	· Tigres de Quintana Roo	Cancún, Quintana Roo	Estadio Beto Ávila	9.000

Campións

Os equipos mais dominadores da historia da LMB son os Diablos Rojos del México, os Tigres de Quintana Roo e os Sultanes de Monterrey, con 15, 10 e 9 títulos respectivamente.

Equipos	Campionatos	Subcampionatos	Tempadas Campión	Tempadas Subcampión
Diablos Rojos	15	17	1956, 1964, 1968, 1973, 1974, 1976, 1981, 1985, 1987, 1988, 1994, 1999, 2002, 2003, 2008	1940, 1941, 1946, 1947, 1957, 1958, 1963, 1966, 1970, 1977, 1991, 1995, 1996, 1997, 2000, 2001, 2011
Tigres	10	6	1955, 1960, 1965, 1966, 1992, 1997, 2000, 2001, 2005, 2011	1956, 1982, 1999, 2002, 2003, 2009
Sultanes	9	6	1943, 1947, 1948, 1949, 1962, 1991, 1995, 1996, 2007	1953, 1969, 1986, 1994, 2006, 2008
Rojos del Aguila	5	4	1937, 1938, 1952, 1961, 1970	1939, 1960, 1962, 1968
Pericos	4	5	1925, 1963, 1979, 1986	1948, 1961, 1964, 1965, 2010
Saraperos	3	6	1980, 2009, 2010	1971, 1972, 1973, 1988, 2004, 2005
Leones	3	3	1957, 1984, 2006	1954, 1989, 2007
Piratas	2	0	1983, 2004	-
Broncos	1	2	1969	1967, 1981
Olmecas	1	0	1993	-
Guerreros	1	0	1998	-
Acereros	0	1	-	1998
Petroleros	0	0	-	-
Vaqueros	0	0	-	-

Estadio dos Sultanes de Monterrey.

Véxase tamén

Outros artigos

• Major League Baseball
• Liga Xaponesa de Béisbol
• Liga Coreana de Béisbol
• División de Honra española de Béisbol
• Liga Xunta de Galicia de Béisbol

Ligazóns externas

• Web oficial da LMB (en castelán)
• Calendario da tempada 2011 (en castelán)