Hrolf Ganger

Na Galipedia, a Wikipedia en galego.
Estatua de Ganger en Ruán, do escultor Arsène Letellier.

Hrolf Ganger (en nórdico antigo: Göngu-Hrólfr ou Hrólfr Rögnvaldsson, en noruegués: Gange-Rolf, en sueco: Gångerolf) máis coñecido cos sobrenomes de Rollo o Camiñante ou Errante ou Rodrigo I o Rico, nado probablemente en Noruega en 870 e finado en Francia en 932 foi un caudillo viquingo, segundo a maioría das fontes foi fillo de Rognvald Eysteinsson, Jarl de Møre.

Creou o principado viquingo que pasaría a coñecerse como Ducado de Normandía sendo os seus descendentes Duques de Normandía e Reis de Inglaterra, sendo ancestro de Guillerme o Conquistador e da actual Casa Real británica. O apodo de Camiñante provén do seu gran tamaño, polo que ningún cabalo podía con el e tiña que camiñar.

Traxectoria[editar | editar a fonte]

Orixes[editar | editar a fonte]

A orixe de Rollo é causa de acaloradas disputas entre historiadores noruegueses e daneses dende o século XIX, especialmente no período previo ao milenio aniversario de Normandía (1911).

Segundo numerosas fontes, coma Dudo de Saint-Quentin ou Guillermo de Jumièges, Rollo era fillo dun poderoso noble danés que sostiña enfrontamentos co Rei de Dinamarca, trala morte de seu pai Rollo viuse obrigado a exiliarse e seu irmán, Gurim, foi asasinado.

Historiadores noruegos e islandeses identifican a Rollo con Hrolf Ganger, fillo de Rognvald Eysteinsson, conde de Møre, no oeste de Noruega. Hrolf caeu en desgracia ante o Rei Harald I polo que foi exiliado

Saqueo de Francia[editar | editar a fonte]

En 885 Rollo foi un dos líderes menores da importante flota viquinga que, baixo as ordes de Sigfred, pretendía saquear Borgoña remontando o río Sena, para eso necesitaba conquistar París para seguir o trascurso do río, con este fin sitiou a cidade e tentou tomala pero fracasou, polo que aceptou un tributo do Emperador carolingio de occidente Carlos III o Gordo para renunciar e marcharse. Porén Rollo quedou atras e conquistou o norte de Francia, correspondente con Neustria, e que pasaría a coñecerse como Normandía.

En 911 lanzou un novo ataque a París, que fracasou, antes de sitiar Chartres. Á petición de axuda do Bispo de Chartres, Joseaume, acudiron o Marqués de Neustria, o Duque de Borgoñae o Conde de Dijon, enfrontándose a Rollo o 20 de xullo de 911. Rollo saíu derrotado da batalla de Chartres a pesar da ausencia do rei Carlos O simple.

Principado de Normandía[editar | editar a fonte]

A pesar da victoria sobre os viquingos o rei carolingio Carlos III o Simple decide negociar con Hrolf Ganger para que este protexa a costa norte do reino. Ca sinatura do tratado de Saint-Clair-sur-Epte Rollo xurou vasalaxe ao rei dos francos convertíndose ao catolicismo e chamándose Roberto I, a cambio o Rei recoñeceuno coma señor das terras entre o Río Epte e o mar así como de partes da Bretaña, ademáis da mau da filla do rei, Gisela. Estableceu a capital dos seus dominios en Ruán. Na actualidade existe un intenso debate sobre se Rollo chegou a ser Duque ou se ostentou un título menor.

A partir do ano 911 mantívose fiel á súa promesa de protexer as orillas do río Sena, porén seguiu actuando coma xefe viquingo, realizando ataques a Flandes.

Trala deposición de Carlos III por Roberto I en 922 Rollo entende que o seu xuramento chega ao seu fin polo que comeza a súa expansión, adquirindo Le Mans, Bayeux e Bessin.

Morte[editar | editar a fonte]

En torno ao 927 Rollo cedeu o control de Normandía ao seu fillo, Guillermo I, vivindo algúns anos despois desto. Morreu en torno ao 932 recuperando antes de morrer as súas crenzas anteriores ao bautismo, contando a lenda que sacrificou a cen prisioneiros católicos.

Descendencia[editar | editar a fonte]

Rollo tivo dúas esposas.

Árbore xenealóxica do ducado de Normandía[editar | editar a fonte]

Descendencia de Rollon, Duques de Normandía en amarelo e Reis de Inglaterra en azul. Guillermo I e Enrique I foron duques de Normandía e reis de Inglaterra.

Véxase tamén[editar | editar a fonte]

Commons
Commons ten máis contidos multimedia na categoría: Hrolf Ganger

Outros artigos[editar | editar a fonte]

Ligazóns externas[editar | editar a fonte]


Predecesor:
Ningún
Duque de Normandía
912927
Sucesor:
Guillermo I