Griflet

Na Galipedia, a Wikipedia en galego.

Griflet (tamén coñecido como Sir Griflet le Fise, Girflet ou Jaufre) é un Cabaleiro da Táboa Redonda que aparece nas lendas artúricas. Tamén é nomeado como o fillo de Do (ou Don) e é curmán de Lucan e Bedivere.

Griflet aparece por primeira vez como escudeiro converténdose nun dos primeiros aliados do Rei Artur. Cando é nomeado cabaleiro é tamén un dos primeiros en se converter en Cabaleiro da Táboa Redonda. Tamén é o xefe dos conselleiros de Artur durante toda a súa vida e de acordo co Ciclo de Lancelot-Graal, foi un dos poucos superviventes da Batalla de Camlann, sendo o cabaleiro ó que Artur pide que devolva a espada Excalibur á Dona do Lago.

En cambio, na obra Le Morte D'Arthur, Griflet é un dos cabaleiros asasinados defendendo a execución da raíña Xenebra cando esta é rescatada por Lancelot.

Véxase tamén[editar | editar a fonte]

Outros artigos[editar | editar a fonte]