Gorila

Na Galipedia, a Wikipedia en galego.
Gorila
Macho adulto de gorila do occidente. .(Gorilla gorilla)
Macho adulto de gorila do occidente. .
(Gorilla gorilla)
Clasificación científica
Reino: Animalia
Filo: Chordata
Clase: Mammalia
Orde: Primates
Superfamilia: Hominoidea
Familia: Hominidae
Subfamilia: Homininae
Tribo: Gorillini
Xénero: ''Gorilla''
(I. Geoffroy, 1852)
Especie tipo
'Troglodytes gorilla'
(Savage, 1847)
Área de distribución dos gorilas. En cor laranxa o gorila do occidente e en cor amarela o gorila do oriente.

Área de distribución dos gorilas. En cor laranxa o gorila do occidente e en cor amarela o gorila do oriente.
Especies

Gorilla gorilla
Gorilla beringei

Sinonimia
  • Pseudogorilla Elliot, 1913

Os gorilas constitúense como o epónimo do genus Gorilla, sendo os maiores primates existentes por tamaño. Son animais herbívoros que habitan as selvas tropicais de África central. O xénero está dividido en dúas especies, e de catro a cinco subespecies segundo os zoólogos. O ADN dos gorilas é moi semellante a o do ser humano, cunha coincidencia do 95–99%. Isto fai dos gorilas un dos primates vivos máis próximos do ser humano, despois dos bonobos e os chimpancés.[1].

O hábitat natural dos gorilas é o bosque chuvioso de zonas tropicais e subtropicais. Malia que a súa área de distribución abrangue unha pequena porcentaxe de África, os gorilas distribúense nunha gran variedade de altitudes. Os gorilas de montaña habitan bosques entre os 2.225 e os 4.267 m, mentres que pola súa banda, o gorila do occidente mora en selvas densas e pantanos das terras baixas até o nivel do mar.

Etimoloxía[editar | editar a fonte]

O físico e misioneiro americano Thomas Staughton Savage e o naturalista Jeffries Wyman foron os primeiros en describir o gorila do occidente, que eles chamaron Troglodytes gorilla en 1847 a partir de espécimes obtidos de Liberia.[2] O nome foi derivado do grego Γόριλλαι (Gorillai), que significa "tribo de mulleres peludas" [3]. Este nome foi dado polo cartaxinés Hannón o Navegante, quen posibelmente visitou a área que hoxe se coñece como Serra Leoa cara o ano -480.[4]

Clasificación[editar | editar a fonte]

Área de distribución das catro subespecies de gorila.

Até hai pouco, considerábase que o gorila era unha única especie con tres subespecies: o gorila do occidente, o gorila do oriente e o gorila de montaña. Na actualidade, o gorila está dividido en dúas especies, divididas á súa vez en dúas subespecies cada unha. Máis recentemente, tense afirmado a existencia dunha terceira subespecie de gorila do oriente, a cal non recibiu unha denominación latina completa. Coñécese como gorila de montaña de Bwindi ou simplemente como gorila de Bwindi.

Debido á falta de consenso, os científicos continúan estudando as relacións entre as diferentes especies de gorila. Deseguido aparece a clasificación coas catro subespecies, que é a que conta co maior consenso científico: [5]

Comportamento e ecoloxía[editar | editar a fonte]

Os gorilas desprázanse xeralmente a catro patas. As súas extremidades anteriores son máis longas que as posteriores e aseméllanse a brazos, aínda que son utilizadas tamén como punto de apoio ao camiñar. Os machos miden entre 1,65 e 2 m de altura, e pesan entre 170 e 250 kg. As femias pesan arredor da metade do que os machos.

O gorila é unha especie en perigo e foi branco de cazadores furtivos durante longos períodos de tempo. As ameazas á supervivencia dos gorilas inclúen a destrución do seu hábitat e a cacería. Esta última incrementouse cos conflitos armados nos países en que habita, e tamén por un crecente interese polas "carnes exóticas". Na actualidade, estímase que hai arredor de 100.000 gorilas occidentais das chairas en liberdade e 4.000 en zoos. Pola súa banda, o gorila oriental das chairas ronda os 4.000 individuos en liberdade e 24 en catividade. En novembro de 2012, estimábase que a poboación total de gorilas de montaña ascendía a 880. A pesar de que a seu número está medrando lentamente con respecto a anos anteriores, o gorila de montaña segue a considerarse como unha especie en perigo crítico de extinción.[6]

Folerpa de neve foi o único caso de gorila albino que se coñece até o momento presente. Calcúlase que naceu sobre 1964 e faleceu en Barcelona en 2003.

Gorila.
Dimorfismo sexual nas caveiras.

Notas[editar | editar a fonte]

  1. In a talk presented at the Annual Meeting of the American Anthropological Association on November 20, 1999, Jonathan Marks stated: "Humans, chimpanzees, and gorillas are within two percentage points of one another genetically." "What It Really Means To Be 99% Chimpanzee" (en inglés). 10 de outubro de 2006. http://personal.uncc.edu/jmarks/interests/aaa/marksaaa99.htm.
  2. Conniff R. Discovering gorilla. Evolutionary Anthropology, 18: 55–61. doi 10.1002/evan.20203
  3. Γόριλλαι, Henry George Liddell, Robert Scott, A Greek-English Lexicon, on Perseus Digital Library
  4. Müller, C. (1855–61). Geographici Graeci Minores. pp. 1.1–14: text and trans. Ed, J. Blomqvist (1979).
  5. Wilson, D. E. & Reeder, D. M. (Editors). 2005. Mammal Species of the World. A Taxonomic and Geographic Reference (3rd ed).
  6. Aldred, Jessica (13 de novembro de 2012). "Mountain gorilla numbers rise by 10%". http://www.guardian.co.uk/environment/2012/nov/13/mountain-gorilla-population-rises. Consultado o 29 de xullo de 2013.

Véxase tamén[editar | editar a fonte]

Commons
Commons ten máis contidos multimedia na categoría: Gorila

Outros artigos[editar | editar a fonte]

Ligazóns externas[editar | editar a fonte]