Isabel Bowes-Lyon
Isabel Bowes-Lyon, nada en Londres o 4 de agosto de 1900 e finada o 30 de marzo de 2002, foi unha nobre inglesa, esposa do rei Xurxo VI do Reino Unido e polo tanto raíña consorte do Reino Unido e os dominios británicos, desde 1936 ata a morte do seu marido en 1952. Tamén foi a última raíña consorte de Irlanda e a última emperatriz da India. Logo da morte de Xurxo VI e o ascenso ao trono da súa filla Isabel II comezou a ser coñecida como a Raíña nai, para evitar confundila coa súa filla.[1]
Traxectoria[editar | editar a fonte]
Isabel naceu no seo dunha familia da nobreza escocesa composta por Claude Bowes-Lyon e Cecilia Cavendish-Bentinck. En 1923 Isabel casou co duque de York, segundo fillo do rei Xurxo V e a raíña María de Teck. Como duquesa de York, xunto ao seu marido e as súas fillas Isabel e Margarida, personificou a idea tradicional de familia e servizo público.[2] Asumiu diversos compromisos públicos e chegou a ser coñecida como a «duquesa sonriente» debido a súa constante expresión.[3]
No ano 1936, o seu marido converteuse inesperadamente en Rei, cando o seu irmán Eduardo VIII abdicou para poder casar con Wallis Simpson, unha divorciada estadounidense. Xa como raíña consorte, Isabel acompañou ao seu marido nas xiras diplomáticas por Francia e Estados Unidos no período previo á segunda guerra mundial. Durante o conflito, o seu espírito aparentemente indomable proporcionou apoio ao pobo británico. En recoñecemento ao seu papel como instrumento de propaganda, Adolf Hitler describiuna como «a muller máis perigosa de Europa».[4] Ao finalizar a guerra a saúde do seu marido deteriorouse e finou en 1952, quedando viúva á idade de 51 anos.
Á morte da súa sogra, co seu cuñado vivindo no estranxeiro e coa súa primoxénita convertida en raíña á idade de 25 anos, Isabel converteuse no membro máis antigo da Familia Real Británica e asumiu a posición matriarcal. Nos seus últimos anos foi un membro consistentemente popular la realeza, cando outros tiñan baixos niveis de aprobación.[5] Continuou cunha vida pública activa ata poucos meses antes da súa morte á idade de 101 anos, sete semanas despois da morte da menor das súas fillas, a princesa Margarida.[6]
Títulos e honras[editar | editar a fonte]
Títulos[editar | editar a fonte]
- 4 de agosto de 1900 - 16 de febreiro de 1904: A Honorable Elizabeth Bowes-Lyon
- 16 de febreiro de 1904 - 26 de abril de 1923: Lady Elizabeth Bowes-Lyon.
- 26 de abril de 1923 - 11 de decembro de 1936: A Súa Alteza Real A Duquesa de York, Condesa de Inverness, Baronesa Killarney.
- 11 de decembro de 1936 - 22 de outubro de 1948: A Súa Maxestade Imperial A Raíña, Emperatriz da India
- 22 de outubro de 1948 - 6 de febreiro de 1952: A Súa Maxestade A Raíña
- 6 de febreiro de 1952 - 30 de marzo de 2002: A Súa Maxestade A Raíña Isabel, a Raíña Nai.
Honras[editar | editar a fonte]
Desde 1923 outorgáronlle diversas distincións, como a Real Orde Familiar, a Real Cruz Vermella en 1936, a Lexión de Honra en Francia en 1938, a Orde da Xarreteira, entre outras.[7] Tamén recibiu a Orde El Sol do Perú en 1960 e máis recentemente, a Orde de Nova Zelandia en 1990 e a do Canadá no 2000. Ao momento da súa morte contaba con máis de vinte honras, ordes, medallas e condecoracións de moitos países estranxeiros, como Romanía, Nepal, o Reino de Iugoslavia, entre outros.[8]
Devanceiros[editar | editar a fonte]
Notas[editar | editar a fonte]
- ↑ Butler, Dona: «Biography: Elizabeth Bowes-Lyon, the indomitable Queen Mum Arquivado 20 de decembro de 2013 en Wayback Machine.» (en inglés) Visión.org. Consultado 4 de febreiro de 2011.
- ↑ Roberts, Andrew (2000). Antonia Fraser, ed. The House of Windsor. Londres: Cassell and Co. pp. 58-59. ISBN 0-304-35406-6.
- ↑ British Screen News (1930). Our Smiling Duchess. Londres: British Screen Productions.
- ↑ Langworth, Richard M. (primavera 2002). "HM Queen Elizabeth The Queen Mother 1900–2002". The Churchill Centre. Arquivado dende o orixinal o 12 de xuño de 2011. Consultado o 6 de febreiro de 2011..
- ↑ Moore, Lucy (31 de marzo de 2002). "A wicked twinkle and a streak of steel" (en inglés). The Guardian. Consultado o 4 de febreiro de 2011.
- ↑ Redacción (09 de febreiro de 2002) «Murió la princesa Margarita» BBC News. Consultado el 10 de febreiro de 2011.
- ↑ «Queen Elizabeth the Queen Mother < Honours» The official website of the British Monarchy. Consultado o 11 de febreiro de 2011.
- ↑ «The Order of Service at Her Majesty Queen Elizabeth, The Queen Mother's Funeral» (9 de abril de 2002) BBC News. Consultado o 11 de febreiro de 2011.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Isabel Bowes-Lyon |
Outros artigos[editar | editar a fonte]
Ligazóns externas[editar | editar a fonte]
- Sitio oficial (en inglés).
- Remember This—An Elegy on the death of HM Queen Elizabeth, The Queen Mother por Andrew Motion, poeta laureado, para a BBC (en inglés).
| Predecesor: María de Teck |
.svg) 11 de decembro de 1936 - 6 de febreiro de 1952 |
Sucesor: Filipe de Edimburgo |
| Control de autoridades |
|
|---|
