Dushanbe

Na Galipedia, a wikipedia en galego.

**Dushanbe**
Mapa

Información
País	Taxiquistán
Distrito	[[]]
Superficie	100 km²
Poboación	661.100 (2006)
Densidade	6.611 h/km²
Alcalde	Mahmadsaid Ubnydulloyev

Dushanbe ou Duxanbe (en taxico Душанбе) é a capital e máis o principal centro cultural e económico de Taxiquistán. No ano 2002 a súa poboación estimábase en 575.900 habitantes. Na época da Unión Soviética recibíu o nome de Stalinabad.

[editar] Étimo do nome

O nome deriva da palabra taxica para "luns" (du "dous" + šamba o šanbe "día") e refírese ao feito de que a cidade celebraba un mercado moi frecuentado os luns, para eles o segundo día da semana.

[editar] Xeografía

Situada no extremo centro-occidental do país, a uns 800 m de altitude., aséntase no val de Gissar, moi densamente poboado, ubicado ao sudoeste dunha cadena montañosa do mesmo nome (Montes Guissar).

A cidade está atravesada polo río Varzob (tamén chamado río Dušanbinka),que forma parte da conca do Amu Daria.

[editar] Clima

Imaxe:Klima dushanbe.png

Climograma de Dushanbe

Dado o alonxamento do mar, o clima ten un forte carácter continental, con veráns cálidos e secos, e con invernos fríos e, relativamente, húmidos.

A temperatura media é duns 14,7°C e as precipitacións medias anuais son duns 568 mm. O mes máis caloroso é xullo, cunha temperatura media de 27,1°, mentres que o máis frío é xaneiro con 2,1°C. O mes máis seco é agosto, entanto as chuvias máis abundantes caen en marzo e abril con cerca de 100 mm.

[editar] Economía

Aeroporto

Desde que foi conectada á rede ferroviaria (1929), durante a época soviética, a cidade converteuse n centro económico e industrial del paese. As industrias principais son a téxtil, alimentarias e manufactureira.

A 80 km ao sur de Dushanbe, atópase a Base Aérea de Farkhor, a única base militar india fora da Unión India.

Na cercanías de Dushanbe están despregadas tamén tropas francesas, estadounidenses e rusas.

[editar] Transportes

A rede ferroviaria taxica non está moi desenvolvida, en parte a causa do relevo do territorio. Con todo o ferrocarril transcaucásico liga diariamente Dushanbe con Tashkent en Usbequistán e con Moscova. Os trens, porén, son lentísimos por mor do trazado tortuoso da liña.

Dushanbe ten un aeroporto internacional, sito a menos de 15 minutos en automóbil da cidade. Lígase con voos diarios para Moscova, Bakú e Tashkent e voos cada dúas semanas para Estanbul).

[editar] Lugares a visitar

Museo Etnográfico, cunha colección de artefactos da arte taxica (cerámicas, alfombras, xoiaría e instrumentos musicais, entre outros).
Museo Unificado de Taxiquistán.
Teatro da Ópera e Ballet Ayni, con fermosa arquitectura interna.
Mezquita de Haji Iakub.