Dinastía Tolemaica

Na Galipedia, a Wikipedia en galego.
En cor azul a extensión territorial da dinastía tolemaica

A dinastía tolemaica é aquela fundada por Ptolomeo I Sóter, xeneral de Alexandre Magno. Esta dinastía gobernou en Exipto durante o período helenístico, dende a morte de Alexandre até o ano 30 a. C., en que se converteu en provincia romana. Tamén foi coñecida co nome de dinastía láxida, pois Lagos se chamaba o pai (ou presunto pai) de Ptolomeo I, quen estabeleceu a capital deste reino en Alexandría, a gran cidade da época e que foi un dos meirandes centros comerciais e intelectuais da antigüidade.

Esta dinastía adoptou desde o principio os costumes exipcios e foi unha constante inimiga da dinastía macedonia seléucida.Durante o reinado dun dos seus monarcas (Ptolomeo V) foi cando se publicou (no 197 a.C.) un decreto en tres tipos de escritura sobre unha pedra negra que se coñece hoxe en día como Pedra de Rosetta.

Véxase tamén[editar | editar a fonte]

Ligazóns externas[editar | editar a fonte]


Dinastía precedente Período helenístico de Exipto Dinastía seguinte
Dinastía Macedónica Dinastía Tolemaica Período Romano