Cyanopica

Cyanopica é un xénero de aves da orde das paseriformes pertencente á familia dos córvidos, distribuídas entre os extremos oriental e occidental de Eurasia.

Taxonomía

Etimoloxía

O nome do xénero esta formado polo termo do grego antigo κυανός (kyanós) azul escuro e o nome en latín pica pega, é dicir, pega azul. que describe o aspecto dos seus membros, as pegas.

Descrición

O xénero foi descrito en 1850 polo naturalista e ornitólogo francés Charles Lucien Bonaparte na súa obra Notes ornithologiques sur les collections rapportées en 1853 par M. A. Delattre. Mallet-Bachelier, París 1854.

Especies

O xénero contén só dúas especies:

• Cyanopica cooki - pega ibérica, presente só no oeste da Península Ibérica.
• Cyanopica cyanus - pega asiática, que ocupa o leste de Asia (nordeste da China, Corea, leste de Mongolia, extremo suroriental da Federación Rusa e Xapón).

Nota taxonómica

A pica ibérica anteriormente considerada unha subespecie de Cyanopiva cyanus.

Durante moito tempo considerouse ao xénero Cyanopica monotípico, é dicir, integrado por unha soa especie, Cyanopica cyanus, con poboacións disxuntas nos dous extremos de Eurasia, posibelmente froito das últimas glaciacións que terían extinguido as poboacións intermedias e sobrevivindo illadas só as aves dos extremos costeiros máis cálidos. Porén, a pesar do seu aspecto similar as análises de ADN mostran gran diverxencia xenética entre as poboacións de Asia e a Península Ibérica, o que demostra que a separación entre ambas foi moi prolongada, podendo remontarse incluso ao Plioceno, polo que se considera que as dúas poboacións debían separarse en dúas especies, e por iso á antiga subespecie de España, Cyanopica cyanus cooki, se lle deu o rango de especie.