Conversa:Alfonso Daniel Rodríguez Castelao

	Este artigo foi elixido como un artigo de calidade o día 23 de xullo de 2010, o que significa que foi considerado como un dos mellores traballos da Galipedia (). A votación que deu como resultado este destaque atópase na seguinte páxina.

Galiza ou Galicia?

Castelao é outros nos falan de Galiza, mais unha maioria da xente na Galipedia paréceme que preferen escribir Galicia. Eu non vexo nengun inconvenente de emplear un, ou outro, mais poñamonos dacordo si iso é posibel. Me gostaria que alguen poida darme unha pequena explication si a pregunta non é impertinente. Padin 09:14, 16 xuño 2006 (UTC)

• Na páxina sobre Wikipedia:Política e normas:Toponimia temos os criterios sobre a utilización de Galicia e Galiza, ambos termos poden usarse indistintamente. Nos títulos das páxinas úsase só Galicia aínda que temos algunhas páxinas de vello con Galiza no título. Se unha persoa esribe Galiza no corpo do artigo e outra persoa fai un cambio por Galicia desfacemolo, se escribe Galicia e outro trocao por Galiza tamén o desfacemos. En canto ao artigo Galicia, débese usar só Galicia no corpo do artigo e no artigo Galiza só Galiza no contido do artigo. Un cordial saúdo. --Prevert^(talk) 12:02, 16 xuño 2006 (UTC)

• Em espanhol é Galicia; em galego, Galiza. --Ibérico 17:39, 7 outubro 2007 (UTC)

Pensamento político

Estou a facer un apartado sobre o seu pensamento político. Invítovos a todos a colaborar.--Norrin_strange (Talk) 09:23, 2 xullo 2007 (UTC)

Non discutamos, Galicia e Galiza serven de feito filolóxicamente nunca se demostrou que Galicia fose unha castelanización nin moito menos, paréceme acertado o criterio. Aquí polo menos séguense uns critérios coherentes non como na wikipedia en castelán... Saúdos--83.57.60.124 03:14, 19 febreiro 2008 (UTC)

Moito "Galicia ou Galiza" pero en este artigo non se fala do estilo de Castelao ao pintar nen da súa pintura. Está ben que se exprese a súa ideoloxía política, pero convería falar sobre o seu traballo como escritor e debuxante--83.165.163.3 17:05, 21 febreiro 2008 (UTC)

Proceso de mellora

Coido que a principal eiva deste artigo é a sección da biografía. Cómpre ampliar máis, sobre todo no que respecta ó seu exilio: Nova York, Cuba, Bos Aires. Tamén explicar máis a fondo a súa actividade na URSS e Arceibaxán. Cómpre tamén falar, como din aí arriba, do castelao pintor e debuxante, o seu estilo, a súa obra como tal e as súas influencias. Castelao realizara unha viaxe por Europa con motivo de aprender novas técnicas, iso tamén hai que documentalo. Tamén sería importante que alguén lea o seu Diario de 1921, onde documenta esta viaxe. Creo que pode achegarnos á súa personalidade (por certo, el non quería facer público o seu diario), varios anos despois da súa morte publicouse. En definitiva:

	Tarefas por facer en Alfonso Daniel Rodríguez Castelao	editar • historial • vixiar
	Ampliación de biografía. Ter máis en conta o seu período no exilio e e as actividades que alí desenvolveu. Documenta-la viaxe por Europa para aprender novos estilos pictóricos. Para isto é de grande axuda o seu Diario. Seccións sobre o Castelao debuxante e pintor, comentando o salientable da súa obra como tal. Pegada de Castelao na cultura: homenaxes, cancións, libros, poemas, etc na súa lembranza. A figura de Castelao na sociedade e na opinión política.

Aquí van algunhas ligazóns que poden ser de axuda para aumenta-la información:

• Viajeros por Europa: Diarios de Castelao e Risco.
• Castelao e o País Vasco.
• Castelao, personalidade polifacética.
• Castelao no exilio de Norteamérica.
• As mulleres en Castelao.
• O sorriso de Daniel.
• Teño ademais en PDF o número especial do día de Galiza de 1950 d'A Nosa Terra en homenaxe a Castelao. Non lembro de onde o sacara, se alguén o quere mándollo polo correo electrónico.

Se atopo máis ligazóns útiles ireinas poñendo. Alberte ^{Si, dígame?} 19:43, 8 decembro 2008 (UTC)

• • Supoño que será mellor dividir a sección "Obras" noutras subseccións, separando os tipos en "Teatro", "Narrativa", etc. e engadindo alí un texto coas súas características seguido dos nomes das obras. Non? --Toliño ^{Fala aquí comigo} 14:48, 11 decembro 2008 (UTC)
    • Si, penso que si. Dividi-la sección, comentando en cada subsección as características de Castelao nese campo (novela e teatro, pintura, caricatura, ensaio...), falando das obras que fixo en cada eido (mais sen entrar en profundidade en cada unha das obras, para iso xa estaría o artigo da propia obra). Alberte ^{Si, dígame?} 22:58, 11 decembro 2008 (UTC)

• Alguén pode confirmar o ano de publicación do álbum Cousas da vida? --Toliño ^{Fala aquí comigo} 12:28, 29 decembro 2008 (UTC)
  • Faro de Vigo publicou en 1930 un "Cousas da vida. Almanaque 1931", pero o "cousas da vida" que creo que todos coñecemos son 6 volumes publicados por Galaxia desde 1961 a 1971, cos debuxos creados entre 1922 e 1932. Eu non coñezo ningún "album" con ese título. Saúdos, Pedro --Lameiro ^(conversa) 20:15, 29 decembro 2008 (UTC)

Algunhas notas

• No artigo tiñamos que o pai se chamaba Manuel Rodríguez. En CASTELAO (1999): Obras, Henrique Monteagudo (coord.), Galaxia, Vigo, vén unha biografía escrita polo propio Monteagudo no que di que se chamaba Mariano (Para ler a Castelao 2, px. 11). Cambio o nome por Mariano.
• Observo un uso variable do presente e do pasado, moito máis usado. Intentarei unificalo.
• Nun momento dise que foi candidato da Frente Popular, e pouco máis abaixo dise que en América contou coa colaboración da Fronte Popular Antifascista... Supoño que será máis coherente escribir Fronte, que é como temos o artigo Fronte Popular.

Pedro --Lameiro ^(conversa) 20:06, 23 decembro 2008 (UTC)

---

No artigo dicimos nun momento que o pai de Castelao "chegou a ser alcalde de Rianxo en 1907". Esta información está quitada de MONTEAGUDO, Henrique (2000): "Castelao: a fábula da súa vida", en Para ler a Castelao 2. Estudios sobre a obra escrita (Henrique Monteagudo, coord.), Galaxia 2000, px. 15: Isto permitiulle [ó pai] entrar nas lideiras da política local de Rianxo, conseguindo da man do Partido Conservador a alcaldía da vila en 1907.

Máis adiante afirmamos que "Ese mesmo ano [1913] o seu pai sería elixido alcalde de Rianxo". Este dato está quitado de http://www.galespa.com.ar/castelaorodriguezbiografia.htm: El 30 de enero de 1913 nace Alfonso Jesús ... El padre es elegido alcalde de Rianxo.

Eu, a verdade, doulle creto ós estudos de Monteagudo, nomeado experto en Castelao. Saúdos, Pedro --Lameiro ^(conversa) 20:10, 25 decembro 2008 (UTC)

Sobre o do pai é complicado atopar referencias. Sobre o do fillo atopei unha que dá o nacemento no ano 1913, sen concretar data (Castelao e os dous de sempre, Modesto Hermida). Porén estou de acordo en que a referencia de Monteagudo ten moito creto. Alberte ^{Si, dígame?} 21:04, 25 decembro 2008 (UTC)

• Tamén Monteagudo (px. 23) di que en xaneiro [do ano de 1914] nace o seu primeiro e único fillo. Pedro --Lameiro ^(conversa) 21:24, 25 decembro 2008 (UTC)
  • O problema das datas do pai como alcalde de Rianxo xa está resolto: en 1907 gaña a alcaldía da man do Partido Conservador pero en 1909 é cesado. En 1923 resulta elixido por segunda vez. Fonte: Miguel Anxo Seixas Seoane Cronoloxía [en Para ler a Castelao 1, Galaxia, 2000]. Pedro --Lameiro ^(conversa) 20:16, 30 decembro 2008 (UTC)

---

Non atopo ningunha referencia por ningunha parte a "Cego de romería" (1913), que se cita entre os seus debuxos. Pedro --Lameiro ^(conversa) 00:27, 2 xaneiro 2009 (UTC)

Eu tampouco. Creo que é mellor sacalo e se se atopa referencia engadilo. Alberte ^{Si, dígame?} 14:37, 2 xaneiro 2009 (UTC)

• Buscando co Jujel atopo esta galería do IES Bréamo no que aparece unha ilustración, e máis nada. --Toliño ^{Fala aquí comigo} 18:39, 2 xaneiro 2009 (UTC)
  • Nunha cronoloxía bastante exhaustiva de Castelao atopo que en 1913 pintou un óleo titulado "O cego", para o casino da Estrada [¿que galipedista era ou traballaba na Estrada?], e que en 1920 participa nun Salón de Humoristas en Madrid con "El ciego va de romería", do que só di que é de propiedade particular. O "Cego de romería" que nos di Toliño pode se-lo primeiro (pola data) ou o segundo (polo título), ou calquera outro cadro de cegos dos mil que fixo. Pero tampouco vexo necesario romperse moito a cabeza: polo que vexo e leo non hai motivo para citar expresamente ese cadro xa que nin foi o primeiro nin ten ningunha relevancia especial, o que aconsella borra-la referencia. Quero dicir que de ter que citar un cadro ¿por que ese, precisamente? Estou dándolle voltas á idea de crear unha subpáxina Castelao: obra gráfica que recolla unha lista de cadros e debuxos, aínda que fose necesariamente incompleta, pero isto será tema doutra proposta. Por agora, eu deixaría o álbum Nós, os tres álbumes da guerra e engadiría Cousas da vida, debuxos de negros e Os cegos:meus compañeiros. Pero xa falaremos. Saúdos, Pedro --Lameiro ^(conversa) 20:12, 2 xaneiro 2009 (UTC)
  • Visto o visto queda claro a improcedencia de considerar especial ese cadro (Castelao ten moitos máis). Concordo con engadi-los debuxos de negros e dos cegos. Alberte ^{Si, dígame?} 21:05, 2 xaneiro 2009 (UTC)

---

Sigo con máis cuestións, a ver se alguén atopa información:

• Datas de nacemento e morte dos pais de Castelao. O pai estaba ingresado con arteriosclerose en 1932; en 1935 xa non se dirixe a el (nunha carta á nai), en 1938 escribe á súa nai "viúda de Rodríguez"; da nai fala nunha carta escrita en 1941.
• Noméano membro da RAG en 1926 pero toma posesión en 1934 ¿por que ese retraso se nesas datas andaba por toda Galicia?
• A Xunta declarou 1986 "Ano de Castelao", e outra vez en 2000. ¿Pódese confirma-la primeira data?

Saúdos, Pedro --Lameiro ^(conversa) 23:34, 6 xaneiro 2009 (UTC)

---

Hoxe lin en Vieiros un documento mooooi interesante. Semella se-lo derradeiro discurso escrito por Castelao, estando el xa mortalmente enfermo. O texto podédelo ver aquí e máis aquí (a transcrición aquí). Paréceme mentira que aínda hoxe comecen a intentar recuperarse os textos de Castelao. Alberte ^{Si, dígame?} 19:45, 30 xaneiro 2009 (UTC)

• Interesante, si señor, e doloroso ó ver ó que chegou a coidada caligrafía de Castelao, seis meses antes da súa morte. Pero nin é novedoso (xa está publicado) nin "hoxe comezan a recuperar", senón que levan anos recompilando material seu. Tamén me resulta interesante ver como o artigo de Vieiros copia algunhas frases do noso artigo de Castelao, o que significa que a Galipedia é unha referencia tida en conta. Teñámolo ben presente á hora de esixirnos a nós mesmos calidade nos artigos. Saúdos, Pedro --Lameiro ^(conversa) 20:28, 30 xaneiro 2009 (UTC)
  • Pois eu nunca o lera en ningures, non sabía da existencia do documento, cando menos é pouco coñecido. A ver en que queda todo ese material de Castelao que van ir buscar a América. Estaría moi ben que logo dixitalizaran ese material e o puxeran a disposición do público, aínda que dubido que así se faga. Veremos... Alberte ^{Si, dígame?} 20:53, 30 xaneiro 2009 (UTC)

Dúbida

Teño unha dúbida. No segundo parágrafo da sección "Primeiros anos" dise: Aos tres meses do nacemento de Daniel, o pai emigrou a Arxentina, onde instalou con éxito unha pulpería, [...]. Pois ben, non estou seguro de que pulpería sexa un termo correcto. Consultando o Volga, o dicionario da RAG e mais o digalego vexo que o termo non aparece, tan só recollen polbo e polbeiro/a, pero non o establecemento: nin pulpería, nin pulparía, nin polbería, nin polbaría. Alguén pode ilustrarme? --Toliño ^{Fala aquí comigo} 17:12, 8 xuño 2009 (UTC)

• A palabra pulpería, tal e como aparece no artigo, ten o significado que se lle dá en Arxentina, que é o de unha especie de ultramarinos, que era o que tiña o pai de castelao. O que non sei é se hai no galego un termo exacto para o arxentino pulpería. Alberte ^{Si, dígame?} 17:17, 8 xuño 2009 (UTC)
  • Na cronoloxía que escribe Miguel Anxo Seixas (Castelao. Obras, Galaxia 2000) di que "O pai ... emigra á Arxentina e establece unha 'pulpería', un almacén de campaña, na Pampa", entrecomiñando 'pulpería'. En "O segredo" (Retrincos), o propio Castelao escribe que "naquela soedade [na Pampa] plantara meu pai unha casa ... A nosa casa era o centro comercial de dez légoas á redonda. Alí vendíamos de todo e alí mercábamos canto producía o país: lan, coiros e plumas". Non semella que se dedicasen a vender polbo, logo buscar un termo galego equivalente a "pulpería" é perde-lo tempo (curioso que non teñamos acá un termo para designar unha pulpería), así que ou entrecomiñamos "pulpería" ou o cambiamos por algo así como "un pequeno comercio", "un pequeno almacén". Polo que escribe Castelao, tampouco era un "ultramarinos" -que só vende alimentos- senón un precedente do Corte Inglés. Pedro --Lameiro ^(conversa) 17:35, 8 xuño 2009 (UTC)

Eu voto por poñelo entre comiñas e explicalo entre parénteses para aclaralo, ou mesmo poñer unha nota que dea unha ligazón á definición da RAE ou incluso unha ligazón ao artículo enmendado, tamén da RAE. --Toliño ^{Fala aquí comigo} 17:40, 8 xuño 2009 (UTC)

Por min de acordo coas comiñas, coa aclaración e coa nota. Alberte ^{Si, dígame?} 17:46, 8 xuño 2009 (UTC)

Tamén de acordo, así que, Toliño, fai os honores. Pedro --Lameiro ^(conversa) 18:03, 8 xuño 2009 (UTC)

Agora estou algo liado e non teño tempo. A ver se podo facelo nunha hora. --Toliño ^{Fala aquí comigo} 13:52, 9 xuño 2009 (UTC)

• Feito! --Toliño ^{Fala aquí comigo} 15:59, 9 xuño 2009 (UTC)

La Ilustración Gallega y Asturiana

Como puido colaborar aquí se a revista foi anterior a el nacer? --Atobar ^{(conversa comigo)} 17:39, 23 de xuño de 2010 (UTC)

Dígocho eu: non puido. Xoacas_{(ti si que es lindo, ho)} 18:30, 23 de xuño de 2010 (UTC)

Retirado. --Atobar ^{(conversa comigo)} 20:42, 23 de xuño de 2010 (UTC)

• Con respecto a La Tribuna, a que xornal destes se refire? É para lle crear o artigo. --Atobar ^{(conversa comigo)} 20:24, 23 de xuño de 2010 (UTC)

Se esa listaxe é exhaustiva, o único xornal que se estaba publicando nesa época (arredor de 1912) era La Tribuna de Barcelona, que se publicou entre 1903 e 1931. Polo demais non teño a menor idea. Xoacas_{(ti si que es lindo, ho)} 20:49, 23 de xuño de 2010 (UTC)

• Segundo a biografía de Henrique Monteagudo "a súa sinatura aparece nos diarios madrileños El Liberal, La Tribuna (1912) e El Parlamentario (1914-1916)". Pedro --Lameiro ^(conversa) 21:41, 23 de xuño de 2010 (UTC)

Pois vai ter que ser outro. Xoacas_{(ti si que es lindo, ho)} 21:55, 23 de xuño de 2010 (UTC)

Velaí o edificio desta Tribuna madrileña de 1912. Pedro --Lameiro ^(conversa) 22:38, 23 de xuño de 2010 (UTC)

• La Ilustración... española
  • Monteagudo segue dicindo: "...e mais en La Ilustración Española y Americana e La Esfera (1915), as principais revistas ilustradas do Madrid daquel tempo". Pedro --Lameiro ^(conversa) 22:14, 23 de xuño de 2010 (UTC)

Ligazóns vermellas retiradas

Acabo de retirar as ligazóns a Oraciós campesiñas e Vento mareiro, así como a Escudos de Rianxo (un artigo publicado en Nós), Denantes mortos que escravos (un lema político que non dá para un artigo) e Verbas de chumbo (que xa está explicado no artigo Sempre en Galiza). Pedro --Lameiro ^(conversa) 22:23, 23 de xuño de 2010 (UTC)

Retiro tamén as ligazóns a José Losada Castelao e Manuel Rodríguez Castelao. Dubido moito que nunca teñamos suficiente información sobre estes dous familiares de Castelao como para que teñan artigo de seu. Pedro --Lameiro ^(conversa) 21:30, 24 de xuño de 2010 (UTC)

categorización

Hai un problema pendente de resolver desde hai tempo: Castelao escribiu narrativa, teatro, ensaio e debuxou, entre moitas cousas soltas, un álbum Nós, tres álbumes de guerra e a serie Debuxos de negros. Todo isto témolo categorizado como "Obras literarias en galego", que en realidade só correspondería a Cousas, Os dous, Retrincos e, sen moito esforzo, Os vellos, pero que non semella propio para os ensaios -de carácter político, tipo Sempre en Galiza, ou artístico, tipo As cruces...- e moito menos para os álbumes que para nada se poden categorizar como "obras literarias". ¿Algunha idea para clasificar toda esta obra tan variada? Pedro --Lameiro ^(conversa) 11:17, 26 de xuño de 2010 (UTC)