Pota

Para outras páxinas con títulos homónimos véxase: pota (homónimos).

Pota
Clasificación Científica
Reino: Animalia Filo: Mollusca Clase: Cephalopoda Orde: Teuthida Suborde: Oegopsina Familia: Ommastrephidae
Especies
Todarodes sagittatus Todaropsis eblanae Illex coindetti

A pota , choupa ou voador é un molusco cefalópodo mariño, da orde das Teuthidas, suborde Oegopsina. O nome procede da palabra catalá pota, que quer dicir pouta.

Características

Como os demais cefalópodos, as potas teñen cabeza diferenciada, simetría bilateral, manto, oito brazos con función alimenticia e dous tentáculos máis longos con función reprodutiva.

Perderon a cuncha dos seus devanceiros na evolución, conservando só unha pluma no interior do manto que serve para lles dar rixidez e apoio dos músculos. Malia teren dúas aletas, estas xeralmente non son o seu medio de propulsión, senón que a conseguen exectando auga a presión a través dun sifón.

Son grandes nadadoras, e algunhas especies poden 'voar' en distancias curtas fora da auga.

A pel está cuberta de cromatóforos, o que lles permite camuflar a súa cor cos seus arredores.

Especies da familia

Pota costeira

Voador

Os nomes comúns de potas, voadores e choupas úsanse de xeito colectivo para unha ampla familia de cefalópodos, entre os que se atopan os Todarodes sagittatus, os Illex coindetti e os Todaropsis eblanae.

Pesca e comercialización

A pesca das potas é por arrastre en altura, e usando poteiras cando se fai en baixura. Son especies con valor comercial polo seu uso gastronómico, similar ao das luras pero de menor calidade. Son obxecto de grande comercialización e consumo en forma de aneis conxelados, para o seu cociñado á romana.

Véxase tamén

Outros artigos

• Lura.

Ligazóns externas

• (Plataforma tecnolóxica da pesca.Publicacións.Outras publicacións) Fichas para o obradoiro de diferenciación e recoñecemento de especies pesqueiras do mercado galego
• Potas. Consellería do Mar, Xunta de Galicia
• CephBase: Teuthida (en inglés)
• The Cephalopod Page (en inglés)
• The Octopus News Magazine Online (en inglés)