Carideos

Na Galipedia, a Wikipedia en galego.
Carideos
Caridea
Camaróns

Rango fósil: xurásico inferior - actualidade [1]
Dous camaróns (Palaemon serratus)
Dous camaróns (Palaemon serratus)
Clasificación científica
Reino: Animalia
Filo: Arthropoda
Subfilo: Crustacea
Clase: Malacostraca
Orde: Decapoda
Suborde: Pleocyemata
Infraorde: Caridea
Dana, 1852

A dos carideos (Caridea) é unha infraorde de crustáceos decápodos que son coñecidos popularmente como camaróns, e tamén como esquías, esquilas ou quisquillas.

Catacterísticas[editar | editar a fonte]

Máis pequenos que as gambas e os lagostinos, o seu tamaño alcanza como máximo, segundo as especies, os 10 ou 15 cm de lonxitude.

O seu corpo é comprimido, coa cola (abdome) moi prolongada con respecto ao cefalotórax e o caparazón pouco consistente.

A prolongación anterior do cefalotórax, ou rostro, é longo e dentado.

Teñen as patas pequenas, e os bordos das mandíbulas fibrosos.

A súa coloración é basicamente agrisada.

Son relativamente abundantes en todo o mundo, tanto nas augas mariñas como nas doces.

Taxonomía[editar | editar a fonte]

Crangon crangon
Pandalus borealis

A infraorde dos carideos comprende as superfamilias seguintes:[2]

Relevancia como alimento[editar | editar a fonte]

Camaróns cocidos dispostos para a venda nun mercado de Odesa (Ucraína).

Os camaróns nas súas diferentes especies son criaturas relativamente abundantes nas augas salgadas e doces de todo o mundo, o cal os converte nun importante recurso pesqueiro e alimenticio.

Practicamente cada país ten receitas e formas particulares para preparar e consumir estes crustáceos.

De existir algún punto en común, é o de que, para consumilos, se procede á súa cocción, e que é común que se elimine o cefelotórax, a coiraza do abdome e as patas, partes todas elas ricas en quitina e, por iso, indixestas.

Tamén é común que se destripe antes de consumilo, pois neste grupo de especies os intestinos son facilmente recoñecíbeis, aínda antes da cocción, como unha liña escura que percorre lonxitudinalmente a parte alta do corpo.

En Galicia[editar | editar a fonte]

En Galicia temos catro especies de camaróns relativamente frecuentes,[3] moi apreciadas gastronomicamente e que alcanzan elevado prezo nos mercados:

Pesca comercial e acuicultura[editar | editar a fonte]

Capturas mundiais de camaróns, 1950–2010, en toneladas.[4]

A máis importante especie comercial de camarón é Pandalus borealis,[5] seguida de Crangon crangon.[6]

As capturas de P. borealis salvaxe son na actualidade unhas dez veces maiores que as de C. crangon. En 1950 a posición era ao revés, xa que as capturas de C. crangon foron unhas dez veces superiores ás de P. borealis.[4]

En 2010 a produción global en acuicultura de todas as especies de camaróns e lagostiños (3,5 millóns de toneladas) superou lixeramente ás capturas mundiais de especies salvaxes (3,2 millóns de toneladas).[4]

As especies non carideanas participaron moi significativamente na acuicultura, pero foron capturadas unhas 430.000 toneladas na natureza. É dicir, aproximadamente o 13 % das capturas mundiais de especies salvaxes, ou aproximadamente o 6 % da produción total de todos os camaróns e lagostiños, foron carideos.[4]

Taxons relacionados[editar | editar a fonte]

Os camaróns da infraorde dos carideos están estreitamente relacionados coas lagostas e os cangrexos, que son membros da suborde dos dendrobranquiados.[7] Os biólogos distinguen estes dous grupos en base a diferenzas nas estruturas das súas branquias. A estrutura das branquias nos carideos é lamelar, e ramificada nos dendrobranquiados. Pero a forma práctica máis fácil de distinguir un verdadeiro camarón dun dendrobranquiado é examinar o segundo segmento abdominal. Nos carideos este segmento superponse aos segmentos primeiro e terceiro, mentres que o segundo segmento dun dendrobranquiado só se superpón ao terceiro.[8] Tamén se diferencian en que os carideos normalmente teñen dous pares de quelas (pinzas), mentres que os dendrobranquiados teñen tres.[9] Un terceiro grupo, o dos Stenopodidea, que comprende ao redor de 70 especies, difire dos outros grupos en que o terceiro par de patas está moito máis desenvolvido.[9]

Diferenzas entre os carideos e os dendrobranquiados

O dos Procarididea é un grupo irmán dos Caridea, e conta só con once especies.[10] [11]

Notas[editar | editar a fonte]

  1. Fenner A. Chace, Jr. & Raymond B. Manning (1972): "Two new caridean shrimps, one representing a new family, from marine pools on Ascension Island (Crustacea: Decapoda: Natantia)". Smithsonian Contributions to Zoology 131: 18. PDF.
  2. J. W. Martin & G. E. Davis (2001). An Updated Classification of the Recent Crustacea (Natural History Museum of Los Angeles County ed.). p. 132. http://web.vims.edu/tcs/LACM-39-01-final.pdf.
  3. Ramonell, R. (1985), pp. 210-215.
  4. 4,0 4,1 4,2 4,3 Baseada en datos tirados de FishStat database, FAO.
  5. Pandalus borealis (Krøyer, 1838) FAO, Species Fact Sheet.
  6. Crangon crangon (Linnaeus, 1758) FAO, Species Fact Sheet.
  7. "Biology of Shrimps". http://museumvictoria.com.au/crust/caribiol.html#svp..
  8. Charles Raabe & Linda Raabe (2008). "The Caridean shrimp: Shrimp Anatomy - Illustrations and Glossary". http://www.chucksaddiction.com/Caridean.html..
  9. 9,0 9,1 Raymond T. Bauer (2004). "What is a caridean shrimp?". Remarkable Shrimps: Adaptations and Natural History of the Carideans. Animal Natural History Series. 7. University of Oklahoma Press. pp. 3–14. ISBN 978-0-8061-3555-7. http://books.google.co.uk/books?id=b8YHIsnod3EC&pg=PA3..
  10. Sammy De Grave, N. Dean Pentcheff, Shane T. Ahyong et al. (2009). "A classification of living and fossil genera of decapod crustaceans" (Portable Document Format PDF). Raffles Bulletin of Zoology Suppl. 21: 1–109. http://rmbr.nus.edu.sg/rbz/biblio/s21/s21rbz1-109.pdf..
  11. S. De Grave & C. H. J. M. Fransen (2011). "Carideorum Catalogus: the Recent species of the dendrobranchiate, stenopodidean, procarididean and caridean shrimps (Crustacea: Decapoda)". Zoologische Mededelingen 85 (9): 195–589, figs. 1–59. ISBN 978-90-6519-200-4. http://www.zoologischemededelingen.nl/85/nr02/a01..

Véxase tamén[editar | editar a fonte]

Commons
Commons ten máis contidos multimedia sobre: Carideos
Wikispecies-logo.svg
Wikispecies posúe unha páxina sobre: Carideos

Bibliografía[editar | editar a fonte]

  • Charles Raabe & Linda Raabe (2008): "The Caridean shrimp: Shrimp Anatomy - Illustrations and Glossary". [1].
  • Ramonell, Rosa (1985): Guía dos mariscos de Galicia. Vigo: Editorial Galaxia. ISBN 84-7154-506-3.

Outros artigos[editar | editar a fonte]

Ligazóns externas[editar | editar a fonte]