Odesa

Na Galipedia, a Wikipedia en galego.

Coordenadas: 46°28′N 30°44′E / 46.467°N 30.733°E / 46.467; 30.733

Odesa
Одеса (en ucraíno)
Flag of Odessa.svg Coat of Arms of Odessa.svg
Украина, Одесса - Морской вокзал 22.jpg
Porto de Odesa, un dos máis importantes da Ucraína.
Situación xeográfica
Odesa en Ucraína
Odesa
Odesa
País Ucraína Ucraína
Óblast Flag of Odesa Oblast.svg Óblast de Odesa
Raión Odesa
Xeografía
Altitude 65 msnm
Superficie 236,9 km² km²
Poboación
Poboación 1 003 705 hab. (2011)[1]
Densidade 6,141 hab/km²
Xentilicio Odesita
Información
Código postal 65000–65480
Alcalde Alekséi Kóstusev
Páxina web Sitio web oficial

Odesa (en ucraíno: Одеса) é unha cidade costeira da Ucraína no Mar Negro. Ten o maior porto do país e é unha cidade de importancia rexional e cidade heroica dende o 1945. A cidade é a terceira do país en termos de poboación, despois de Kiev e Kharkiv (1.014.563 de habitantes o 1 de abril de 2013).

No centro da cidade ten un importante conxunto de edificios da época clásica, ademais conta co monumento ao Duque de Richelieu, as Escaleiras Potemkin e os palacios Vorontsov, Potocki, Bzhozovskoho e Naryshkin.

Odesa é unha das cidades máis antigas da Ucraína.

Símbolos[editar | editar a fonte]

Oficialmente os símbolos de Odessa aprobados son: un escudo, unha bandeira, un himno, o símbolo do alcalde, cuxa utilización é oficial para os carteis urbanos aprobados polo Concello. Ademais, a cidade ten un logotipo de turismo.

Logo de Odesa

O escudo de armas é un escudo español vermello coa imaxe dunha áncora con catro patas brancas dentro. Este está enmarcado cun marco dourado decorativo e decorado arriba con tres torres. Baixo a torre está a estrela de ouro, que certifica o seu titulo de cidade heroica. O primeiro escudo foi aprobado o 22 de abril do ano 1798. A bandeira consiste nun pano rectangular dividido en tres franxas verticais, unha vermella, outra branca e a ultima amarela. No centro, na franxa branca está o escudo de armas. A última modificación da bandeira e do escudo de armas foi aprobada o 29 de abril do ano 2011.

O 5 de xuño de 2012, Artemy Lebedev publicou un libro chamado "Identidade de Odesa", no que, entre outras cousas, incluíu un logotipo de turismo , que finalmente foi adoptado como o "símbolo do turismo" da cidade de Odesa.[2]

Xeografía[editar | editar a fonte]

Odesa está situada na costa noroeste do Mar Negro, no centro do Óblast de Odesa. Gran parte da cidade está situada nunha chaira, a 50 metros sobre o nivel do mar. A altura mínima é de 4,2 m por baixo do nivel do mar e a altura máxima é de 65 m (monte Zhevakhov). A área da cidade chega a 162,42 km², a densidade de poboación é de 6.246,54 hab/km².

Infraestruturas[editar | editar a fonte]

Transporte Urbano[editar | editar a fonte]

En Odesa, hai tranvía, trolebús, autobús urbano, servizo de taxi, funicular e barco e está planificado un light-rail .

Conexións de longa distancia[editar | editar a fonte]

Nos arredores da cidade antiga está situada unha estación ferroviaria que ten as seguintes liñas: Odesa-San Petersburgo, Odesa-Cheliabinsk, Odesa-Bakú e Odesa-Berlín.

Nas aforas, a 7 km, esta o aeroporto internacional de Odesa que está ligado ás principais cidades de Europa, Asia, e Oriente Medio.

Ademais, a cidade conta con varias estacións de autobuses.

Estación ferroviaria de Odesa

Estación ferroviaria de Odesa


Notas[editar | editar a fonte]