Cefalotórax

Na Galipedia, a Wikipedia en galego.
Diagrama dun malacostráceo. O cefalotórax inclúe o céfalon e o tórax.

O cefalotórax, do grego κεφαλή kephalé, "cabeza" e θώραξ thórax, "tórax", é a parte do corpo dos crustáceos e arácnidos formada pola unión da cabeza e o tórax nunha única unidade funcional, perfectamente distinguíbel do abdome.[1]

Nos crustáceos, nomeadamente nos decápodos, adoita denominarse pereion, que é un tipo de cefalotórax cuberto por un caparazón,[2] no cal hai, en xeral, un par de ollos, dous pares de antenas, tres de pezas bucais e cinco de patas.

Porén, o termo cefalotórax non debería usarse para designar a parte anterior do corpo dos arácnidos, xa que non é homóloga do cefalotórax dos crustáceos; o termo apropiado é o de prosoma.

Notas[editar | editar a fonte]

  1. Eldra Pearl Solomon, Linda R. Berg & Diana W. Martin (2004). "Tha animal kingdom: an introduction to animal diversity". Biology (7th ed.). pp. 534–549. ISBN 978-0-534-49276-2. http://books.google.co.uk/books?id=UCUxpgfcoNsC&pg=PA573.
  2. Andrew J. Martinez (2003). "Arthropoda (crabs, shrimps, lobsters)". Marine Life of the North Atlantic: Canada to New England (3rd ed.). ISBN 978-1-881652-32-8. http://books.google.co.uk/books?id=dq-iIBVn4_MC&pg=PA144.