Azulenta alpina

A azulenta alpina (Prunella collaris) é unha ave paseriforme da familia Prunellidae visible en ladeiras rochosas e prados de alta montaña. En inverno, a súa área de distribución é máis ampla, incluíndo altitudes menores. A súa cabeza é gris, o peteiro amarelado, as ás escuras e unha parte inferior e lateral riscada avermellada. Pola forma e comportamento, parécese ao Prunella modularis, pero en maior tamaño.

A súa voz é en reclamo curto, tipo gorxeo, errático, cando está pousado ou en voo.

O seu niño é herbáceo, en fendas rochosas, con 3-5 ovos que pon en dúas niñadas, de maio a agosto.

Aliméntase peteirando no chan pequenos insectos, arácnidos, baias e sementes.

A súa distribución é a alta montaña de Serra Nevada, Pireneos e Alpes; localmente, aparece en Italia e os Balcáns. Nos cumes do Mulhacén ou Catavento, resulta rechamante o seu comportamento extremadamente confiado ante a presenza do home.

No inverno pode acadar a costa, aínda que isto é moito máis raro.

Subespecies

Recoñécense as seguintes subespecies:

• Prunella collaris collaris
• Prunella collaris subalpina
• Prunella collaris montana
• Prunella collaris rufilata
• Prunella collaris whymperi
• Prunella collaris nipalensis
• Prunella collaris tibetana
• Prunella collaris erythropygia
• Prunella collaris fennelli

Notas

• Hume. Rob. 2002. Guía de campo de las aves de España y Europa. Ediciones Omega ISBN 84-282-1317-8

Ligazóns externas

• Vídeos da azulenta alpina na Internet Bird Collection