Arroz fritido

Na Galipedia, a Wikipedia en galego.
Arroz fritido con diferentes ingredientes.
Prato con arroz fritido na cociña xaponesa (ファイルの概要).

O arroz fritido (en chinés simplificado: 炒飯; en chinés tradicional:炒饭; en pinyin:chǎofàn) é un prato moi popular da cociña chinesa. Orixinario dun prato caseiro procedente do Xapón, suponse que procede do ano 4000  ac, elaborado a partir dunha receita que inclúe o arroz como ingrediente principal. Nos banquetes chineses sérvese coma o penúltimo prato.

Adóitase coñecer tamén co nome de "arroz fritido tres delicias", especialmente nos restaurantes chineses de Galicia, e nos preparados conxelados do prato.

Características[editar | editar a fonte]

Existen ducias de variedades de arroz fritido, cada un coa súa propia listaxe específica de ingredientes. En Asia as variedades máis famosas inclúen o yangchow e arroz fritido de Fukien. Nos restaurantes do oeste da China, que fornecían a clientela estranxeira, foron inventando as súas propias variedades de arroz fritido, incluíndo o arroz fritido con ovo, o arroz fritido (picante) de Singapur (que curiosamente non está realmente dispoñíbel en Singapur) e o “arroz fritido especial” que se atopa en todas partes.

Ingredientes[editar | editar a fonte]

Os ingredientes empregados na elaboración do arroz fritido varían enormemente. Soen incluir ingredientes tales como cenoiras, xermolos de soia, apio, ervellas, e outros ingredientes cárnicos como polo, [[carne de porco|porco], gambas, spam ou tofu. A miúdo inclúense cebolas e allo ben picados, este engadido dá complexidade e textura.

Preparación e adubo[editar | editar a fonte]

Adóitase cociñar nun wok e inclúe aceite vexetal ou graxa animal para evitar que se apegañe, así como proporcionar sabor. Os cachiños de ovo engádense para dar cor en moitos pratos. A pementa ou os mollos picantes que proporcionan un lixeiro toque picante a este prato, ás veces se ofrecen nun prato pequeno separado do arroz. Moitos cociñeiros aduban o arroz fritido con pementa negra. O mollo de soia dá ao arroz fritido a súa cor morena e o sabor salgado.

Presentación[editar | editar a fonte]

O arroz fritido sérvese coma compañamento a outro prato ou, alternativamente se pode considerar un prato en si mesmo.

É moi popular adobiarlo con chalotas fritidas, algunhas poliñas de pirixel, cenoiras relada con formas intrincadas ou algún pemento en rebandas por riba do arroz.

Véxase tamén[editar | editar a fonte]

Commons
Commons ten máis contidos multimedia na categoría: Arroz fritido Modificar a ligazón no Wikidata

Outros artigos[editar | editar a fonte]

Ligazóns externas[editar | editar a fonte]