Afropavo congensis
| Afropavo conguensis | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Macho (esquerda) e femia (dereita) | |||||||||||||||||||
| Estado de conservación | |||||||||||||||||||
 Vulnerable[1] | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| Afropavo congensis Chapin, 1936 | |||||||||||||||||||
O Afropavo congensis, é unha especie de ave da orde dos galiformes, familia dos fasiánidos e subfamilia dos fasianinos, a única do xénero Afropavo.[2]
Características[editar | editar a fonte]
Orixinario da conca do Congo, é unha das tres especies existentes de pavóns, sendo as outras dúas o pavón común (orixinario da India e Sri Lanka) e o Pavo muticus (nativo de Myanmar e Indochina), ambas pertencentes, porén, ao xénero Pavo, e das que se diferencia, sobre todo, por careceren os machos da ampla cola característica que locen as especies asiáticas.[3]
Bioloxía[editar | editar a fonte]
Hábitat e distribución[editar | editar a fonte]
É unha especie endémica das terras baixas dos bosques congoleses centrais da República Democrática do Congo (da que á a súa "ave nacional"). Encóntrase nos bosques primarios e secundarios do Parque Nacional de Salonga. Os signos secundarios da súa presenza, como excrementos e plumas, atopáronse máis frecuentemente na rexeneración do bosque secundario que no bosque primario. No bosque secundario os seus excrementos acháronse preto dos cursos de auga, onde as árbores eran de menor tamaño e a diversidade vexetal inferior á dos bosques primarios.[4][5] A súa área de distribución é escasa e irregular, seguramente ou, en parte, debido á limitada dispoñibilidade deste tipo de hábitats.[4]
Alimentación[editar | editar a fonte]
Non parece ter unha dieta especializada, e a especie foi rexistrada comendo froitos de especies de árbores comúns de toda a rexión,[4] así como insectos e outros invertebrados.[6][7]
Reprodución[editar | editar a fonte]
A estación de reprodución pode depender das condicións locais de chuvia.[6]
Ameazas[editar | editar a fonte]
O Afropavo congensis está ameazado pola perda do seu hábitat causada pola caza, a minaría, os cambios dos cultivos e a corta e transporte de madeira.[4]
Status[editar | editar a fonte]
A Unión Internacional para a Conservación da Natureza e dos Recursos Naturais (UICN) cualifica o status desta especie como VU (vulnerábel) porque s supón que ten unha pequena poboación que, ademais, se sospeita que está en declive debido á perda continua de espécimes pola caza e pola destrución do seu hábitat, aumentada esta polos impactos da guerra e dos refuxiados. As enquisas suxiren que amplas zonas da súa área de dispersión están desocupadas, o que implica que a poboación está dividida en pequenas subpoboacións.[1]
Taxonomía[editar | editar a fonte]
Descrición[editar | editar a fonte]
Xénero e especie foron descritos en 1936 polo ornitólogo estadounidense James Chapin, na súa obra Birds of the Belgian Congo.
Etimoloxías[editar | editar a fonte]
Xénero[editar | editar a fonte]
O nome do xénero, Afropavo, está formado polos elementos afro- e -pavo, e alude a que é un pavón africano.
Especie[editar | editar a fonte]
O epíteto específico, congensis, refírese á rexión onde se atopa.
Notas[editar | editar a fonte]
- ↑ 1,0 1,1 BirdLife International (2016): Afropavo congensis na Lista vermella da UICN. Versión 2018-2. Consultada o 12 de decembro de 2019.
- ↑ Afropavo Chapin, 1936 no ITIS.
- ↑ "Congo Peafowl". World Association of Zoos and Aquariums. Arquivado dende o orixinal o 06 de xullo de 2015. Consultado o 12 de xaneiro de 2019.
- ↑ 4,0 4,1 4,2 4,3 Hart, J. A. & Upoki, A. (1997): "Distribution and conservation status of Congo Peafowl Afropavo congensis in eastern Zaire". Bird Conservation International 7: 295-316.
- ↑ Mulotwa, M.; Louette, M.; Dudu, A.; Upoki, A. & Fuller, R. A. (2010): "Congo Peafowl use both primary and regenerating forest in Salonga National Park, Democratic Republic of Congo". Ostrich 81 (1): 1-6.
- ↑ 6,0 6,1 McGowan, P. J. K. (1994): "Phasianidae (Pheasants and Partridges)". En: del Hoyo, J.; Elliott, A. & Sargatal, J., eds. Handbook of the birds of the world. Barcelona: Lynx Edicions, pp. 434-552.
- ↑ Mulotwa, M.; Louette, M.; Dudu, A. & Upoki, A. (2006): "W.A.O.S. research grant report: the Congo Peafowl Afropavo congensis in Salongo National Park (Democratic Republic of Congo)". Malimbus 28 (2): 143-144.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Afropavo congensis  |
 |
Wikispecies posúe unha páxina sobre: Afropavo congensis |
Bibliografía[editar | editar a fonte]
- del Hoyo, J., Collar, N. J., Christie, D. A., Elliott, A. e Fishpool, L. D. C. (2014): HBW and BirdLife International Illustrated Checklist of the Birds of the World. Volume 1: Non-passerines. Barcelona, España e Cambridge, Reino Unido.: Lynx Edicions BirdLife International. ISBN 978-84-9655-394-1.
Outros artigos[editar | editar a fonte]
Ligazóns externas[editar | editar a fonte]
- Afropavo congensis na ADW.
- Afropavo congensis Chapin 1936 na EOL.
- Imaxes e vídeos movies de Afropavo congensis en ARKive.
- BirdLife Species Factsheet Arquivado 03 de xaneiro de 2009 en Wayback Machine.
- Congo Peacock (Afropavo congensis)—gbwf.org
