Couxela, Ribadeo
Coordenadas: 43°28′N 07°05′W / 43.467°N 7.083°W
| Couxela | |
|---|---|
| Situación da parroquia | |
| Concello | Ribadeo |
| Área | 4,56 km² |
| Poboación | (Ano 2004) 156 hab. |
| Densidade | 34,2 hab./km² |
| Entidades de poboación | 13 |
Couxela é unha parroquia do concello de Ribadeo. Segundo o censo de 2004 tiña 156 habitantes, agrupados en 11 entidades de poboación e 2 lugares.
Limita ao leste con Vegadeo (Asturias), da cal está separada polo río Eo; ao sur coa Valboa (concello de Trabada), separada polo regato da Ferreira; ao norte con Vilausende; e ao oeste con Cedofeita. Pertence ao arciprestado de Ribadeo. Ten unha altitude media de 230 m.
Índice |
[editar] Festas
Na actualidade só se celebra a Festa da Virxe das Dores, o cuarto domingo de setembro. Tempos atrás celebrábanse tamén as festas de San Brais (3 de febreiro), Santo Antón (13 de xuño) e Santiago (25 de xullo).
[editar] Toponimia
Posiblemente a súa orixe estea en Covus (cóncavo), forma latina arcaica. Á súa variante Covius foille engadido o sufixo -ellus, dando Coviella. A sílaba -vi- evoluciona ao -x- galego, como foveum -> foxo, dando Coxela. Pero o -v- de Covius representa un son palatal parasitario, parecido ao w inglés, que leva ao actual -u-, breve e átono, dando Couxela, co -ll- xeminado transformado en -l-.
Aparece documentado como Coegela.
[editar] Lugares de Couxela
| Lugares da parroquia de Couxela no concello de Ribadeo (Lugo) | |
|---|---|
|
Os Bispos | Os Casais | A Casanova | As Cerdeiriñas | Cima de Vila | Fornelo | Irexe | Maizán | Moural | O Rego | Sendín | A Venda | A Xunqueira |
[editar] Parroquias de Ribadeo
| Galicia | Provincia de Lugo | Parroquias de Ribadeo | |
|---|---|
|
Arante (San Pedro) | Cedofeita (Santa María Madanela) | Couxela (Santiago) | Covelas (San Vicente) | A Devesa (Santalla) | Ove (San Xoán) | Piñeira (San Xoán) | Ribadeo (Santa María) | Rinlo (San Pedro) | Santalla de Vilausende (Santalla) | Vilaframil (San Lourenzo) | Vilaselán (Santa María) |