Xosé Cid Cabido

Xosé Cid Cabido
	; (2010)
Biografía
Nacemento	29 de decembro de 1959 (65 anos); Xunqueira de Ambía, España
Formación profesional	Económicas e de Filoloxía Hispánica
Educación	Universidade de Santiago de Compostela
Actividade
Ocupación	Escritor e profesor
Xénero artístico	Narrativa e teatro
Obra
	Obras destacables (1991) Días contados; (1994) Panificadora; (1999) Grupo abeliano; (2006) Blúmsdei; (2009) Unha historia que non vou contar ;
Premios
	(2018) Certame de narración curta Ánxel Fole; (1999) Premio Blanco Amor, premiado polo traballo Grupo abeliano; (1994) Premio Blanco Amor, premiado polo traballo Panificadora; (1992) Premio Álvaro Cunqueiro para textos teatrais ;

Xosé Cid Cabido, nado en Xunqueira de Ambía o 29 de decembro de 1959, é un escritor e profesor galego.

Traxectoria

Foi militante de ERGA e da AN-PG e un dos fundadores da organización asemblearia Galicia Ceibe-OLN. Pertenceu á organización armada da esquerda independentista galega Loita Armada Revolucionaria e foi preso en setembro de 1980.^[1] Posteriormente foi indultado en 1983 tras unha petición ó goberno do PSOE.^[2]

Cursou estudos de Económicas e de Filoloxía Hispánica na USC,^{[Cómpre referencia]} e licenciouse en Filoloxía Galega. Foi membro da redacción da revista Espiral a comezos dos anos oitenta e colaborador de A Nosa Terra nos anos noventa, traballou como redactor e guionista ocasional de programas da TVG como Sitio Distinto (1990-1991), ademais de en Edicións Xerais, como director da colección Ferros. O 31 de maio de 2014 foi elixido en listas abertas como o portavoz de Anova - Irmandade Nacionalista en Vigo.^[3]

En xullo de 2018, converteuse en profesor de ensino medio de Lingua e Literatura galega por oposición.^[4]

Obra

Narrativa

O intercepto, 1986, Xerais (relatos)
Foumán, 1987, Xerais (novela gañadora do premio Café de Catro a Catro)
O camiño de Middelharnis, 1988, Xerais (prosa fragmentaria)
Días contados, 1991, Xerais (relatos, gañador premio Cidade de Lugo)
Panificadora, 1994, Xerais (novela, Premio Blanco Amor).^[5]
Oralmente pola boca, 1997, Xerais (relatos)
Grupo abeliano, 1999, Xerais (novela, Premio Blanco Amor).^[a] Foi traducida ao castelán.^[6]
Fálame sempre, 2003, Xerais (relatos)
Blúmsdei, 2006, Xerais (novela)
Unha historia que non vou contar, 2009 (novela)
Tres pintores (2018), Xerais, 104 páx. ISBN 978-84-9121-452-6. ^[7]

Teatro

Copenhague, 1993, Xerais (teatro, co-autor con Andrés A. Vila, Premio Álvaro Cunqueiro para textos teatrais, 1992)

Obras colectivas

Sede Central. Relatos 2, 1990, Clube Cultural Adiante.
Materia prima, 1992, Xerais.
Luís Seoane, 1910-1979. Unha fotobiografía, 1994, Xerais.
From the beginning of the sea (De onde comeza o mar), 2008, Foreign Demand.
A semente da nación soñada. Homenaxe a X. L. Méndez Ferrín, 2009 Sotelo Blanco Edicións.
Antón Reixa. Ghicho distinto, con Manuel Xestoso, 2012, Xerais.

Premios

Premio Café de Catro a Catro 1987.
Premio Cidade de Lugo 1991.
Premio Blanco Amor en 1994 e 1999.
Certame de Narración Curta Ánxel Fole coa obra Tres pintores en 2018.^[8]

Notas

↑ Despois incluída, co número 103, na Biblioteca Galega 120.

Referencias

↑ Perfecto Conde Muruais (7/9/1980). "Nacionalistas gallegos, acusados de mantener contactos con ETA" El País (en castelán).
↑ REAL DECRETO 1157/1983, de 9 de febreiro de 1983, polo que se indulta a Xose Luis Nieto Pereira, Antonio Arias Curto e Xosé Cid Cabido.
↑ Ángel Paniagua Pérez (1/6/2014). "Anova elige nueva coordinadora pero mantiene la estrategia común con Esquerda Unida en Vigo" La Voz de Galicia (en castelán).
↑ "DOG 160". Xunta de Galicia. Consultado o 16-09-2023.
↑ Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. pp. 354–356. ISBN 84-8288-365-8.
↑ "Grupo abeliano". Biblioteca da Tradución Galega.
↑ "Ficha do libro en Xerais". xerais.gal.
↑ AELG (ed.). "Xosé Cid Cabido álzase co XX Premio de Narración Curta Ánxel Fole". Arquivado dende o orixinal o 18 de abril de 2018. Consultado o 18 de abril de 2018.

Véxase tamén