Xavier Suárez-Vence

Xavier Suárez-Vence
Biografía
Nacemento	16 de agosto de 1935 ; A Baña, España
Morte	26 de xullo de 2024 (88 anos); Lamas, España
Actividade
Ocupación	político, empresario
Familia
Pai	José María Suárez Vence

Francisco Javier Suárez-Vence Santiso, nado na Baña o 16 de agosto de 1935 e finado en Lamas (Boqueixón) o 26 de xullo de 2024, foi un empresario e político galego.

Traxectoria

Fillo de José María Suárez Vence. Licenciado en Dereito. Foi delegado do Ministerio de Obras Públicas en Pontevedra e Secretario da Fundación Galicia-Empresa. Foi deputado no Parlamento de Galicia por UCD (1981-1985) e por Coalición Popular (1985-1987) así como conselleiro de Sanidade (1983-1986), Ordenación do Territorio (1986).

En xuño de 1987 deixou Alianza Popular^[1] xunto con Barreiro Rivas. Logo de integrarse en Coalición Galega e de apoiar a moción de censura que deu o goberno ao socialista Fernando González Laxe foi nomeado conselleiro de Educación^[2].

En 1988, como consecuencia da dimisión de Xosé Luís Barreiro Rivas, procesado por un presunto delito de suborno e prevaricación, Suárez-Vence foi nomeado vicepresidente do goberno galego^[3] Desta etapa destaca a súa mediación para que 600 traballadores da factoria de Citroën de Ourense deixaran o peche que mantiñan na catedral de Santiago de Compostela^[4].

Converteuse ademais no home forte de Coalición Galega ao asumir o cargo de secretario xeral^[5]. En febreiro de 1989 asinou o acordo cos dirixentes do Partido Nacionalista Vasco (PNV), as Agrupaciones Independientes de Canarias (AIC) e o Partido Nacionalista de Castilla y León (Pancal) para concorrer baixo o nome de Coalición Nacionalista nas Eleccións ao Parlamento Europeo de 1989^[6]. Dos resultados electorais o "coaga" José Posada conseguiría ser deputado no Parlamento Europeo de forma rotatoria entre 1993 e 1994 (e de novo en 1999), ademais de ser o primeiro parlamentario en usar o galego na cámara europea^[7].

Alonxado da vida política, centrouse na actividade empresarial dentro de Galimerca, Patrimonial Raíces e do centro comercial Área Central, do que en 2015 foi presidente.^[8]

Notas

↑ Vazquez, Elisardo (1987-06-16). "El ex vicepresidente de la Xunta abandona AP". El País (en castelán). ISSN 1134-6582. Consultado o 2024-03-06.
↑ tebas (2013-07-23). "Toma de posesión do novo goberno da Xunta de Galicia en 1987". Compañía de Radio/Televisión de Galicia. | CRTVG - pasouoquepasou - Arquivo en liña. Consultado o 2024-03-06.
↑ tebas (2013-07-24). "Toma de posesión de Suárez Vence e de Aniceto Núñez tras a remodelación do goberno en 1988". Compañía de Radio/Televisión de Galicia. | CRTVG - pasouoquepasou - Arquivo en liña. Consultado o 2024-03-06.
↑ Hermida, Xosé (1989-08-06). "Los trabajadores de Citroën abandonan su encierro en la catedral de Santiago". El País (en castelán). ISSN 1134-6582. Consultado o 2024-03-06.
↑ Hermida, Xosé (1988-07-31). "Suárez Vence: "Un procesamiento le puede ocurrir a cualquiera que tenga un cargo público"". El País (en castelán). ISSN 1134-6582. Consultado o 2024-03-06.
↑ EP (1989-02-26). "Cuatro partidos nacionalistas firman un acuerdo para concurrir juntos a las elecciones europeas". El País (en castelán). ISSN 1134-6582. Consultado o 2024-03-06.
↑ "Morre José Posada, o primeiro en usar o galego no Parlamento europeo". Praza Pública. 2013-01-14. Consultado o 2024-03-06.
↑ m.g.p (2024-07-26). "Muere a los 88 años Javier Suárez-Vence, que fue vicepresidente gallego y conselleiro". El Correo Gallego (en castelán). Consultado o 2024-07-27.

Véxase tamén

Bibliografía

Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 555. ISBN 84-8064-113-4.

Ligazóns externas

Biografía na Enciclopedia Galega Universal

Predecesor: José María Hernández Cochón	Conselleiro de Sanidade 1983-1986	Sucesor: José María Hernández Cochón
Predecesor: Ángel Mario Carreño	Conselleiro de Ordenación do Territorio e Obras Públicas 1986-1986	Sucesor: Fernando Pedrosa Roldán
Predecesor: María Xesús Sáinz	Conselleiro de Educación 1987-1988	Sucesor: Aniceto Núñez
Predecesor: Xosé Luis Barreiro	Vicepresidente da Xunta 1988-1990	Sucesor: posto suprimido durante 14 anos

[1] Vazquez, Elisardo (1987-06-16). "El ex vicepresidente de la Xunta abandona AP". El País (en castelán). ISSN 1134-6582. Consultado o 2024-03-06.

[2] tebas (2013-07-23). "Toma de posesión do novo goberno da Xunta de Galicia en 1987". Compañía de Radio/Televisión de Galicia. | CRTVG - pasouoquepasou - Arquivo en liña. Consultado o 2024-03-06.

[3] tebas (2013-07-24). "Toma de posesión de Suárez Vence e de Aniceto Núñez tras a remodelación do goberno en 1988". Compañía de Radio/Televisión de Galicia. | CRTVG - pasouoquepasou - Arquivo en liña. Consultado o 2024-03-06.

[4] Hermida, Xosé (1989-08-06). "Los trabajadores de Citroën abandonan su encierro en la catedral de Santiago". El País (en castelán). ISSN 1134-6582. Consultado o 2024-03-06.

[5] Hermida, Xosé (1988-07-31). "Suárez Vence: "Un procesamiento le puede ocurrir a cualquiera que tenga un cargo público"". El País (en castelán). ISSN 1134-6582. Consultado o 2024-03-06.

[6] EP (1989-02-26). "Cuatro partidos nacionalistas firman un acuerdo para concurrir juntos a las elecciones europeas". El País (en castelán). ISSN 1134-6582. Consultado o 2024-03-06.

[7] "Morre José Posada, o primeiro en usar o galego no Parlamento europeo". Praza Pública. 2013-01-14. Consultado o 2024-03-06.

[8] .g.p (2024-07-26). "Muere a los 88 años Javier Suárez-Vence, que fue vicepresidente gallego y conselleiro". El Correo Gallego (en castelán). Consultado o 2024-07-27.

[1]

[2]

[3]

[4]

[5]

[6]

[7]

[8]